1 Thessalonians 3

Timothybu thaarakpa

1 Maram adugi damak amuk henna khangba ngamdrabada, Athinayada ethanta leihouba phei haayna eikhoyna ningle;

2 Aduga awaa-anaang asina mi kanaa amatabu lenghanda nanaba, nakhoygi thaajaba marida nakhoybu chethannaba amasung pangbinaba eikhoygi echin-enaao amasung Christagi aphaba waapaaoda Eeshorgi thougan touba Timothybu thaare;

3 Maramdi awaa-anaang asigi damak eikhoybu thamle haayba nakhoy nashaana khangbani.

4 Maramdi eikhoyna nakhoyga loynanaa leiringeida, eikhoyna awaa-anaang khanggadabani haayba haanna nakhoybu tambire; asumna thoksu thokle, aduga nakhoynasu khang-e.

5 Maram asigi damak einasu amuk henna khangba ngamdrabada, karigumba pambeina nakhoybu athemba mapuna themdokhiba yaai, amasung eikhoygi nomjaba aremba oiba yaai haayduna eina nakhoygi thaajaba khang-jananaba mahaakpu thaare. 

6 Touegumsung Timothyna houjik nakhoydagi eikhoyda laaktuna, nakhoygi thaajaba amasung nungshibagi haraaoba pan, aduga eikhoynasu nakhoybu ujaningbagumna nakhoyna eikhoybu unanaba khouraangduna matamleibakhibikta eikhoybu phajanaa ningshingi haayba eikhoyda tamlare; 

7 Maram asigi damak, echin-enaaosha, nakhoygi maramda eikhoygi anangba amasung awaaba pumnamakta nakhoygi thaajaba mapaanna eikhoybu themjinbire;

8 Maramdi nakhoyna Eeshorda chetna leplabadi, houjik eikhoy hingi.

9 Maramdi eikhoyna nakhoygi maay ujananaba amasung nakhoygi thaajaba waatpa adu changkhonhannanaba, ahing nungthil thoidok hendokna nonjaduna,

10 Eikhoygi Eeshorgi maangda nakhoygi maramda eikhoyna haraaojaba maharao pumnamak adugi damak eikhoyna Eeshorgi maphamda karamna amuk henna thaagatchaba ngamgadage?

11 Houjikti eikhoygi Eeshor amasung epa ebungngo mahaakmakna aduga eikhoygi ebungngo Jesusna eikhoygi lambi nakhoy taanna chingbisanu;

12 Aduga eikhoynasu nakhoyromda nungshibagumna, nakhoy amanaa amada amasung mi pumnamaklomda nakhoygi nungshiba Eeshorna hen-gathanbiduna yaamhanbisanu;

13 Asumna eikhoygi ebungngo Jesusna ebungngogi ashengbashing pumnamakka loynanaa laakpada, eikhoygi epa Eeshorgi maangda Ebungngona pukning ayol-araan leitana ashengbada chethanbisanu.