Daniel 5
Belshazzargi chaakkhaangba
1 Belshazzarna mahaakki phamnaaiba lishing kayadugi ekaai-khumnaba utpa oinaa achouba chaakkhaangba amaa tourammi. Haayriba matamsida makhoy 1,000 gi mamaangda mahaakna yu thaklammi.
2 Belshazzarna yu thakchillaga mahaakki mapaa ebungngo Nebuchadnezzarna Jerusalemgi ningnashangdagi purakkhiba sanaa amadi silverna shaaba patrashingdu puthoraknaba yaathang amaa pirammi. Haayriba patrashingsida ningthouna mahaakki phamnaaibashing, ningthou konungda leiriba ebemmashing, amadi mapaanda leiribi ebemmashingna yu thakkadabani haayrammi.
3 Jerusalemda leiba Eeshorgi ningnashangdagi purakpa sanaa amadi silverna shaaba patrashingdu makhoyna puthora klammi. Ningthouga loynanaa phamnaaibashing, konungda leiribi ebemmashing aduga mapaanda leiriba ebemmashingdu haayriba patrashingsida yu thaklammi.
4 Makhoyna yu thakna thakna sanaa, silver, pithraai, yot, u, amadi nunggi laaishingdubu thaagatlammi.
5 Khanghoudana migi makhut maanba amaa thoraklaga konunggi phaklang thaaoumei thamphamdugi maayoknabaduda karigumba khara erammi. Haayriba khutsina eringei matamda ningthouna urammi.
6 Khudaksimaktada ningthougi kuchu ollammi aduga tapthaba leitraba waakhanna leipham khanglamde. Makhut makhong amadi masha pumnamak thak thak ni klammi.
7 Ningthouna laibubashing, Chaldeanshing amadi panjinachingba koukhatnaba yaathang pirammi. Ningthouna Babylongi ashingba mishingduda asumna haayrammi, "iribasi paduna masigi waa machang eingonda utpa ngamba midu khamen chatpa phi sethalgani. Mangakshamda sanaagi liklaang pareng amaa sibigani. Adugumba nupaadu leibaaksigi ahumshuba waayenba mapu oigani."
8 Mataangsida ningthougi heishinglaba mishingdu laaklaga eribadu pananaba thouraang tourammi adubu makhoyna maasi paaba ngamkhide aduga madugi waa machangsu haayba ngamkhide.
9 Matousi ubada ningthou Belshazzar khoiraang khoishaaobana leipham khanglamde. Aduga mahaak kuchu taiphet taarammi. Maasi ubada phamnaaibashingsu khoiraang khoisaonarammi.
10 Ningthou amadi phamnaaibashinggi mawaadu taaraga mamaa sijana chaakkhaangbagi achouba kaduda changsillaaktuna haayrammi, "he ningthou punsi tolloina paanba oisanu. Ebungngogi pukning khoiraang khoisaobiganu. Ebungngona karigi waakhanna laipuduna kuchu honggadouribano?
11 Ebungngogi leibaaksida ashengba Eeshorgi thawaayna chingbiriba nupaa amaa leiri. Napaa ebungngogi matamda haayriba nupaasi loushing shingbada, khangheiraba laaishinga pankhakni haaynei. Napaa ebungngo ningthou Nebuchadnezzarna mahaakpu jadu heibashing, laipubashing, Chaldeanshing amadi panjishinggi Makok oihankhibani.
12 Ningthouna Beltesazzar haayna chingthoikhiba Daniel haayriba nupaasi mang, paaokhong amadi thoudokshinggi waa machang haaybada angakpa pahanglaba loushing, pukning amadi thawaaydu chelli. Maramsina houjikmak Daniel haayriba nupaasibu koubiyu. Adu oirabadi mahaakna shoydana masigi waa machangdu haayba ngamgani.
Danielna eribadu paba
13 Masigi matungda Danielbu ningthougimamaangda purakrammi. Ningthouna Danielda haayrammi, “eigi epa ningthouna purakpa Judahdagi laanpha oinaa laakkhibashinggi manungda amaa oiriba Daniel haaybadu nahaakla?
14 Eina nahaakki naramda ningthijana taare. Nahaakpu ashengba mapudugi thawaayna loinabiba maramna changkhollaba loushing, pukning amadi khangba ngambagi paanggal lei haaybasu taare.
15 Khangheiba amadi leipubashingdu eigi emangda maasida eribasi pannaba purakkhrabani. Masigi waa machangdu khangnanaba makhoybu emangda lephankhrabani. Adubu makhoyna haayriba waaphamsigi waa machangdu takpa ngamkhidre.
16 Adubu eina nahaakti waa machang amadi thoudokshinggi manung hanjinba waadu phongba ngammi haayna taare. Maramsina nahaakna waa machangdu ningthijana chumna haayba ngamlabdi khamen chatpa phi setpigani. Nangaksamda sanaagi lik pareng amaa sibigani. Leibaaksida ahumshuba ningthoudu nahaakpu oihan-gani.
17 Matamduda Danielna ningthougi maangda paaoukhum pirak-e, “Eningthouna pibigani haayribadu ebungngogi oibiyu aduga pibigadaba leirabasu madu kanaagumba amada pibikho. Adubu ningthougi maphamda eribasi paduna masigi waa machangdu phongdokchaagani.
18 He ningthou, Khwaaidagi waangchaaoba Eeshorduna nahaakki napaa ebungngo Nebuchadnezzarda ningthougi pham pinabiduna matik mayaai kayaa chaaohankhraba.
19 Ebungngoduna napaada pibikhiba matik mayaaidugi mapaantana mi khuding, Jaatshing, amadi tongaan-tongaanba lon lonba mishingna mahaakpu kinakhi. Mahaakna haatningba midu haatkhi. Thamningba midu thambikhi. Mahaakna waangna thaanggatke khankhiba nupaadu waangna thaanggatpikhi. Aduga loisinbirage khankhiba nupaadubuna mahaakna loishinbikhi.
20 Adubu mahaakka thamoida napan karaduna matik amayaai utpa hourakpa matamda mahaakpu ningthou oibagi shinghasandudagi louthokpikhi. Mahaakki matik mayaaidu manghankhi.
21 Mahaakpu mishinggi maraktagi taanthokpikhi. Aduga mahaakki pukningdu shaagi pukningga mannahankhi. Mahaakpu lamlakta leiba lolashinggi marakta leihanbikhi. Sangimatougumna mahaak naapi chaakhi. Taaibang-paansida Khwaaidagi waangchaoraba Eeshorduna waayenduna paallibani haaybasi khangdriba phaaoba mahaakki mashaada nongmadondagi liklaa taarakpaduna chothalkhi. Ebungngoduna khoidaba yengduna maasibu pinabi haaybadu khangdriba phaaoba mahaak awaaba nangkhi.
22 Adugumba ningthougi machaa oiriba he Belshazzar nahaak nollukpa khara waatli. Nahaakna pumnamaksi khangdaba natte.
23 Adubu mahaakna nongmadonda leiriba Eeshorgi mayokta napan mathoi kajari. Adugumba ebungngodugi ningnashanggi patrashingdu nahaakna namaangda thaadokhanduna nahaakka loynanaa phamnaaibashing, konungda leiriba nupishing amadi mapaanda ningthouna louba ebemmashingduga yu heiraga thakli. Nahaakna silver, sanaa, pithraai, amadi yot, u nungna shaaba laaishingdubu thaagatli. Haayriba shingsidi ubasu ngamde, tabasu phangde. Adubu nahaakki napunsigi yumpham oiriba Eeshor, mahaakki mapaantana leijaria ebungngodubu nahaakna thaagatte.
24 Maramsina adugumba ebungngoduna khut amaa thaaraklaga maasida eribasi ehankhibani.
25 Maduda ekhibadu asini: Mene, Mene, Tekel, amadi Upharsin.
26 Thoudoksigi thoidokpa waa machangdi asini: Mene: Eeshorna nahaakki numit kakkhre aduga houjikti madugi aroiba matamdu laakkhre.
27 Tekel: Nahaakpu khan onduna yengbada awaatpa yaamna leire.
28 Upharsin: Nahaakki leibaaksi tangkhay khaairaga Mede amadi Persiada pithokkani. "
29 Masigi matungda Belshazzarna Danielda khamen chatpa setpire. Mangakshamda sanaagi lik pareng amaa shibire. Danielna leibaaksigi ahumshuba ningthou duni haayna laaothokle.
30 Haayriba chahisida Chaldeanshinggi ningthou Belshazzar haatkhi. Chahi 62 shuraba Medeki ningthou Dariusna leibaaktu phangkhi.