Revelation 13
Lamshasinggi marida uhanbiba
13 Amahiksung machi tara, makok taret panba, aduga magi machi machigi mathakta ningthou-luhup tara leiba amasung magi makok makokta Ishorbu thouoidaba ming leiba sha ama samudradagi kakhatlakpa eina ure. 2 Amasung eina uba sha adu keisal mallammi, aduga magi makhongdi shaomgigum, amasung machindi nongshagi machingum oirammi. Aduga chinglai aduna mangond magi panggal, phambal amasung achouba matik adu pibire. 3 Aduga magi makok ama siba tanna yeikhibagum eina ure, amasung magi sinaba cheipham adu phakhre, aduga prithibi apumbana ngakladauna sha adugi matung ille. 4 Amasung makhoina chinglai adubu khurumle, maramdi mana sha aduda matik pire, aduga makhoina sha adubu khurumduna hai, sha aduga mannaba kana leibage, amasung maga lan soknaba kanana ngambage?
5 Aduga mangonda achouba amasung Ishorbu thouoidaba wa ngangba machin pibire, amasung tha niphunithoi chuppa matik adu pibire. 6 Aduga mana Ishorgi mathakta thouoidanabagi damak Ibungo mahakki mingbu amasung Ibungo mahakki phijang adubu, haibadi sargada pallibasingbu, thina ngangnanaba machin kakhatle. 7 Amasung asengbasingga lan soknaduna makhoibu ngamnanaba mangonda pire; aduga salai, mi, lol amsung jat khudinggi mathakta matik mangonda pire. 8 Amahiksung taibangpal houngeidagi hatkhraba yao macha adugi hingbagi lalrikta magi magi ming isindaba prithibida palliba pumnamakna mabu khurumgani.
9 Kanagumba nakong pallabadi, mahakna tajasanu. 10 Kanagumbana apha apun oinabagi oirabadi, mahakna apha apun oinaba chatkani; kanagumbana kabakthangna hatlagadi mahakpu kabakthangna hatpa tare. Asida achumbasinggi khangheiba amasung thajaba adu lei.
11 Amahiksung sha atei ama prithibidagi kakhatlakpa eina ure; aduga magi machi ani yao machagiga mannana leirammi, amasung mana chinglaigumna wa nganglammi. 12 Aduga mana ahanba sha adugi matik pumnamak adu magi mamangda sijinnei. Aduga magi sinaba cheipham phakhiba ahanba sha aduda prithibibu amasung madugi manugda pallibasingbu mana khurumhalli. 13 Aduga mana mishinggi mangda prithibada atiyadagi mei kumthahannanaba phaoba khudam achou achouba toui: 14 Amahiksung sha adugi mangda tounanaba mangonda pikhi pikhiba khudam adugi maramna mana prithibada pallibasingbu minammi; asumna prithibida pallibasingna kabakthanggi thangpham phanglaba amasung hinglakpa sha adugi murti sasanu haiduna mana hai. 15 Amahiksung sha adugi murti aduna wa ngangnanaba, amasung sha adugi murti adubu khurumdaba makheibu hathannanaba, maduda, haibadi sha adugi murtida nungsaswar pinaba matik mangonda pire. 16 Aduga apikpa amasung achouba, inakkhunba amasung lairaba, aduga maningtamba amasung minai, makhoi pumnamakta makhoigi makhut yetta nattraga makhoigi maraibakta khangnaba khudam ama pihalli; 17 Aduga khudam adu haibadi sha adugi maming nattraga magi maminggi mashing adu, phangba mi adu nattana kananasu leiba nattraga yonba ngamdananaba mana touhalli.
18 Asida lousing lei. Akhangba leiba mahak aduna sha adugi mashing thisanu, maramdi madu mi amagi mashingni; aduga magi mashingdi chataruk humphutarukni.