Hebrew 3
Christadi Moses dagi thoihenbani; mamei phaaoba thaajabagi kaannaba
1 Maram asina, swargagi koubiba sharuk phangminnaba ashengba echin-enaaosha, eikhoygi haaydokchaba asigi paakhon-chatpa amasung purohitlen Jesusbu waakhal toubiyu.
2 Ebungngo mahaakki emung pumnamakta Mosesdi thaajaba yaaba oibagum ebungngobu pham happiba ebungngo mahaakki maphamda ebungngosu thaajaba yabani.
3 Maramdi yum shaaba mibu yum adudagi henna ekaai-khumnabagumna, ebungngobudi Moses dagi asup henna thaagatpa matik chaaba sigthanare.
4 Maramdi yum khuding kanaagumbana shaabani; adubu pot pumnamak shaakhiba mahaak adudi Eeshorni.
5 Amasung Mosesdi ebungngo mahaakki emung pumnmakta manaai oinaa tungda ngaanggadaba waa makheigi saakhigi damak thaajaba yabani;
6 Adubu Christadi ebungngo mahaakki emungni mathakta machaanupa oinaa thaajaba yabani. Eikhoyna eikhoygi thouna phaba amasung eikhoygi khouraangna ningbagi chaaothokchaba adu mamei phaaoba chetna paijarabadi, eikhoydi ebungngogi emungni.
7 Maram asina thawaay ashengbana haaybagumna, ngasi nakhoyna ebungngo mahaakki khonjen taaragadi,
8 Lamhangda thembagi numitta langnaba aduda toubagumna, nakhoy nakhoygi pukning kalhanganu;
9 Mapham aduda nakhoygi napaa napushingna eibu chaang yengduna themle. Aduga makhoyna chahi niphu phaaoba eigi thabak ure.
10 Maram asina eina miron asigi mathakta yaamna nungaaitaduna haay, makhoyna matam leibaakhibikta makhoygi thamoi nungda lamuknei; touegumsung makhoyna eigi lambi khangdre.
11 Eina shaaobada waashakkhibagumna, makhoyna eigi potthabada changloi.
12 Echin-enaaosha, hingliba Eeshorbu thaadoktuna nakhoy kanaagumbada thaajadabagi phattaba pukning leiba yaai haayduna pukning thingjillu.
13 Touegumsung nakhoy kanaagumbabu paapki lounamna pukning kalhandananaba, ngasi kouba leiringeida, nongma nongmagi amanaa amabu enshinnou;
14 Maramdi eikhoyna eikhoygi chetna thaajabagi ahouba adu aroiba phaaoba chetna pairabadi, eikhoydi Christaga sharuk phangminnabashing oirakle.
15 Maramdi maasi haayribani, ngasi nakhoyna ebungngo mahaakki khonjen taaragadi, langnaba aduda toubagumna, nakhoy nakhoygi pukning kalhan-ganu.
16 Maramdi kanaa kanaada taaraga langnabage? Mosesgi mapaanna Egyptdagi laakpa pumnamak aduna nattra?
17 Aduga ebungngo mahaakna kanaa kanaagi mathakta chahi niphu phaaoba nungaaikhidabage? lamhaangda hakchaang takhiba paap touba makhoygi mathakta nattra?
18 Amasung yaathang endaba shing aduda nattana, makhoyna ebungngo mahaakki potthabada changloi haayduna ebungngo mahaakna kanaada waashakkhibage?
19 Aduga thaajadabagi maramna makhoyna changba ngamkhide haayba eikhoyna ui.