1 Samuel 9

Shaulna Samuelga unaba

1 Maral yaamna leiba Benjamin shaageigi Apiyagi machaanupa Bekoratna pokpaa Zerorgi machaanupa Kis kouba nupaa amaa leirammi.

2 Mahaakki machaanupa Saul kouba amaa leirammi. Mahaak mashak yaamna pharajam-i. Israelgi manungda mahaakkum mashak phajaba kanaa amatta leiramde. Mahaak thoidokna waangchaorammi.

3 Kiski lolaa khara mangkhirammi maramsina mahaakna Saulda haayrammi, "minaai amaa puduna lolashingdu khara thiru."

4 Makhoyna Ephraimgi ching leibaak phaaoduna sanisagi lam phaaoba chatkhi. Adubu makhoyna lolashingdu phangkhide. makha asum chatlakpana Saalimgi lamdu yourammi adubu masidasu makhoyna lolashingdu phangkhide.

5 Makhoyna Zuphki lamda laakpa matamda Saulna minaaiduda haayrammi, "eikhoi hankhibana phaba taare. Lolagidamak waadaduna epaana eikhoy anigidamak waaba hen-gatlagani"

6 Minaaiduna Saulda haayrammi, "saharsida Eeshorgi maaichou amaa lei. Mahaakpu mishingna yaamna ekaikhumnei aduga mahaakna haayba khuding yaamna chummi. Eikhoy mahaakki manaakta chatlaga lolashingdu kadaayda leibage hangsi."

7 Saulna maasi taabada minaaiduda hanglammi, "eikhoina mahaakki manaakta chatpa matamda maangonda kari pigani? eikhoygi khaoda yaaoramba chayom phaaoba loisille aduga nahaakna khanglibasi mangaire eikhoyda karisu yaaode."

8 Minaaiduna Saulda haayrammi, "eingonda silver shekel amagi sharuk mari thokpagi amaa yaaori. Maasi Eeshorgi maaichoududa piba yaai. Adu oirabadi mahaakna eikhoy ani kadomda chatkani haaybasi taakpirakkani."

9-11 Saulna haayrammi, "phare. Eikhoy chatlasi." asumna maaichouduna leiriba saahardu taanna makhoy ani chatkhi. Makhoyna chinggi lambida asum chatlakpa matamda saahardudagi leishaabi khara eeshing shokpa laaklammi. Makhoy anina leishaabishingduda hanglammi, "waa taakthokpadu mayumda leihoubara?" Israelgi chatnabidi asini kanaagumba nupaa amanaa Eeshorgi laaibao tage haayrabadi 'laak-o, waa taakthokpagi manaakta chatsi' haaynarammi. Aduga houjik eikhoyna maaichou kounaribasi matamdudadi waa taakthokpa kounarammi.

12-13 Leishaabishingduna khumkhi, "hoi, mahaak mayumda lei. Houjikta chatkhibani. Karigumba nakhoyna thuna chatlabadi mahaakpu taanaba phanggani. saahardu hek youba matamda nakhoyna mahaakpu shoydana thengnagani. saaharsida mahaak ngasi thunglabani maramdi chingda sariba phaankhongduda aran thou katthokkadouba lei. Baarton phanglaba mishingdu mahaak yoraktriba phaaoba charoidouribani maramdi thoudu mahaakna haanna katpigadouribani. Nakhoyna thuna chatlabadi mahaakna chinglomda chaanaba chattringeida mahaakka thengnaba yaai."

14 Maramsina Saul amadi minaaidu saaharlomda thuna chatlammi aduga makhoyna hek youshinkhibaga thougan paangthokkadouriba maphamduda chatnanabagidamak thorakpadu makhoy anina urammi.

15 Saulna laakkadouba nongma waatlingeida Eeshorna Samuelda asumna haaykhi,

16 "Hayeng matamsimaktada eina Benjamingi nupaa amaa nahaakki nanakta thaarakkani. Nahaakna haayriba nupaasibu eigi mi oiriba Israelgi mathakta ningthou oinaa pannanaba thaao noibigadabani. Mahaakna eigi mishingbu Philistishinggi makhuttagi kanbigani maramdi makhoyna haayjaribadu Eina taabire."

17 Samuelna Saulbu hek ubamaktada Eeshorna taakpirammi, "Eina nangonda haaykhiba nupaadu asini. Mahaakna eigi mishinggi ningthou oigadabani."

18 Thonggal manaakta leiramriba Samuelgi manaak taanna Saul changshinkhirammi amasung hangjarammi, "waa taakthokpa nupaadu kadaayda leibage eingonda taakpiyu."

19 Samuelna Saulda haayrammi, "eihak maaichouduni. Eigaa loynanaa ashengba maphamduda laak-u. Ngasi nahaak eigaa loynanaa chatminnasi. Ahing amaa lellaga ayukta nahaak chatkho. Nahaakna paamliba pumnamak eina taakpigani.

20 Numit humnigi mamaangda maangkhiba nahaakki lolashingdugidamak karisu warunu. Lolashingdu phangkhre. Israelgi manungda houjik houjikmak yaamna thinariba midu kanaano? madu nahaak amadi nahaakki napaagi emungbuni."

21 Saulna haayrak-e, "Israelgi manungda Khwaaidagi pikpa Benjamin tribeta pokpani eidi. shageishinggi manungdasu eigi emung manungsina Khwaaidagi tollabani. Adu oirabadi Ebungngona eingonda karigidamak asumna taakpiribano?

22 Masigi matungda Samuelna Saul amadi minaaidu puraduna achouba ka amada baarton phanglaba atithi kunthraaromgi marakta makokta phamhallammi.

23 Samuelna chakthongba nupaaduda haayram-mi, "eina nangonda tongaanna thamgadabani haayna pikhiba shaaruktu puraklo."

24 Chakthongbaduna khaaidoktuna thamkhiba mapheidu puraklaga Saulgi mamaangda thamkhi. maasida Samuelna haayrak-e, "tongaanna khaklibasi nahaakkidamaktani. Maasi chaao. Eina baarton toukhiba mishingsiga nahaakka chaaminnaba matamda chaananabagidamak khaaydokkhibani."

 Numittuda Saul Samuelga loynanaa chaak chaakhi.

25 Makhoyna ashengba maphamdudagi saaharlomda chatpa matamda Saulgidamak phamung amaa pakna kuppa yum amagi mathakta shembikhi.

26 Mahaakna ahingduda maphamduda tumkhi.

Samuelna Saulbu ningthou oinaa thaao noiba

Nonggallabada Samuelna Saulbu yum-thaktagi kouraduna haayrammi, "hougatlo, nahaak hankhiba yaare." Saulna hougatlam-mi aduga Samuelga loynanaa lambiromda laakpa hourammi.

27 Makhoyna saahardugi chidai yourakpa matamda Saulda Samuelna haayrammi, "minaaidu haanna chatkhat-khinaba haayyu." minaaiduna hen-gatkhraba matamda Samuelna haayrak-e, "mitkup amatang maphamsida ngaikho. Eeshorna kari haaybiri haaybadugi maramda nahaakpu shugaaina taakke."