Taretnishuba numit
Genesis 2
1 Matou asumna koirou maalem asi mashing laakngamdraba potshingsina leiteng oiraduna shembiba loikhi.
2 Eeshorna leishemba numit taruknida loikhi. Taretni shubaa numitta Eeshorna khutlepkhi.
3 Eeshorna taretni shubaa numitsibu yaaiphaba numit khoubikhi. Maasibu ashengba athoiba numitni haayna chingoibikhi. Haayriba taretni shubaa numitsida Eeshorna leishemba loiraduna potthakhi.
4 Eeshorna nongmadon amadi maalem anisi shemkhibagi waaridu masini.
Ahanba mi, amadi Eden kouba Leikon
5 Eeshorna koirou maalemsi shembiba matamda maalemsida thoidokpa mahei marong amadi uhei waaheigi paambishing houramde. Maramdi Eeshorna laaija eeshing khikpiramde. Aduga maalemsibu khoigaaiduna mahei marong thoknaba taaibang misu leiramde.
6 Adubu maalemsidagi leinin kaaraktuna leichin thok-handuna maalemsigi leimaay shinba thungna laaija eeshing leihankhi.
7 Matamduda Eeshorna maalem uphunlaktagi mi amaa shembire. Midugi manaatonda Eeshorna punsigi thawaay kaamshinbikhi. Matou asumna haayriba nupaadu ahingba jibaa amaa oikhi.
8 Eeshorna nongpok haaram paangbada leiba Eden kouba maphamda engkhon amaa shembikhi. Eeshorna shembikhiba midu maphaduda leihanbikhi.
9 Maalem leimaaydagi Eeshorna upaan waapaan thok-hankhi. Upaan waapaan-shingdu yengbada yaamna pukning hurammi. Chinjaak oinaa chaabasu yaarammi. Eeshorna engkhondugi mayaaimakta punsigi hingnabgi upaan amaa thaarammi haayriba upaansi apha-phatta khangnanaba loushinggi paambi oirammi.
10 Engkhondu eeshing chaainnabagi damak Edendagi turenda amaa chelhallammi. Engkhondu hendokkhraba matungda haayriba turelsi mari thokna khaairammi.
11 Turelsigi ahaanba mashaadu Pison kourammi. Pison turelna sanaa yaamna thokpa mapham Havilah koubadu koishinduna leirammi.
12 Haayriba lamsigi sanaadu yaamna pharammi. Asidasu nattna lamsida manam nungshiraba agar paambigumba amadi maninachingbasu phanglammi.
13 Anishuba masha oikhiba turelduna Gihon kourammi. Masina Cuski lam thungna chellammi.
14 Ahumshuba mashaaduna Tigris kourammi. Masina Asurgi nongpokta leiriba lamshingdu thungna chellammi. Marishuba mashaaduna Euphratsi kourammi.
15 Eeshorna nupaadubu Eden kouba maphamda leiriba engkhondu koinanaba leihallammi.
16 Eeshorna nupaaduda haayrammi. "Nahaakna engkhonsida houriba upaan khudingdagi mahei chaaba yaai.
17 Adubu apha-phattagi loushinggi upaansidagidi nahaakna maheidu chaapharoi. Maramdi nahaakna haayriba upaansigi maheidu chaaruba numitta shoydana shigani.
18 Masigi matungda Eeshorna haayrammi, “nupaasi matomta leiba phatte. Eina mahaakkidamak mapaang amaa pibirage."
19 Asumna Eeshorna maalem leimaydagi shaa-uchek aduga nongmadonda leiriba cheklaashing shembikhi. Eeshorna haayribashingsi Adamgi manaakta pubiraktuna kari kari maming thon-gadage haaybadugi-damak yenghanbirammi. Adamna thonkhiba mamingdu jibaashingdugi mashaagi maming oirammi.
20 Matou asumna nupaaduna shaa-san nongmadonda leiriba uchek waaya amadi lamlakta leiba shaashingda maming thonbirammi. Touegumsung nupaadugi oinadi mapaang amaa phaaoba leiramde
21 Maramsina Eeshorna nupaadubu shithahallammi. Mahaakna khomlen tumkhun taanbagumna leiringeida Eeshorna nupaadudagi sharu amaa louthokkhi. sharu louthokkhiba maphamdu shadongna phulhankhi.
22 Nupaadugi mashaadagi louthokkhiba sharuduna Eeshorna nupi amagi shaaktam thok-hankhi. Eeshorna nupidubu nupaadugi manaakta purakkhi.
23 Mataangsida nupaaduna haaykhi,
"houjikti aroibada nupi haaybasi, oikhi eigi ee tongdagi mirep, oikhi eigi shadongdagi mahaakki shadong, maramsina kourani mahaakpu nupi haayna, thokkhi nupaadagi nupi koubasi."
24 Maramsina nupaana mapaa mamaa thaadoktuna maagi nupiga leiminnagadabani. Maramsina makhoy ani masha amatta oigadabani.
25 Nupaa amadi nupi matei manaaodu phi shetlamde. Aduga makhoy ani unaba matamda ekaaibagi ethinsu phaaoramde.