Colossians 1

Colossianshingda Paulna eba Laairik

Khurumjaba

1 Eeshorgi ningbiba mapaanna Christa Jesusgi paakhon-chatpa Paulga eikhoygi echin-enaao Timothyna, 

2 Colossianda leiba Christagi marida ashengba amasung thaajaba yaaba echin-enaaoshingda eikhoygi epa Eeshordagi thoujaal amasung engthaba nakhoyda leibisanu.

Eeshorbu thaagatpa amasung haayjaba

3 Eikhoyna nakhoygi damak matam leiba khibikta haayjaduna, eikhoygi ebungngo Jesus Christagi mapaa Eeshorda thaagatchari;

4 Maramdi Christa Jesusda nakhoygi thaajaba amasung ashengbashing pumnamakta nakhoygi nungshiba eikhoyna taare;

5 Swargada nakhoygi damak thambikhraba tarang tarang khangna ningbagi maramnani; masigi maramda nakhoyda leiriba aphaba waapaaogi achumba adu tambibada nakhoyna haanna taare; 

6 Maasi taaibang-paan pumnamaktasu mahei yaanba amasung chaaokhatpa oiba adugumna, nakhoyna Eeshorgi thoujaal taaraba amasung madu achumbada khanglaba numit adudagi nakhoydasu oibani

7 Maasi eikhoyga minaai oiminnaba achaanba Epaphradagi nakhoyna tamlabagumbani; mahaakti eikhoygi ehutta Christagi thaajaba yaaba thougan touba mini;

8 Thawaaygi mapaanna nakhoygi nungshiba adu mahaaknasu eikhoyda phongdokpire.

9 Maram asigi damak eikhoyna madu taaba numittagi, nakhoyna thawaaygi oiba loushing amasung waakhal pumnamakta ebungngo mahaakki ningba adu yaamna khangba oinanaba, eikhoynasu nakhoygi damak haayjaba amasung nijaba tokte;

10 Nakhoyna aphaba thabak khudingda mahei yaanduna, amasung Eeshorbu khangbagi mapaanna chaaokhattuna;

11 Haraaobaga loynanaa khangheiba amasung kuina khaangba pumnamak phaaoba,ebungngo mahaakki matik mangaangi paanggalgi matung ennaa paanggal pumnamakna nakhoybu kalhanbiduna; 

12 Aduga mangaan aduda ashengbashinggi phangpham adugi sharuk phangminnanaba eikhoybu matik chaaba oihanbiraba napaagi maphamda nakhoyna thaagat-chaaduna, pumpen penba phaaoba Eeshorgi matik chaana chatpa oinanabani;

13 Epa aduna eikhoybu amaambagi paanggaldagi kanbiduna, ebungngo mahaakki nungshiba machaanupagi leibaak aduda eikhoybu hongdok pire;

14 Eikhoybu handokpiba, haaybadi eikhoygi paap kokpiba adu machaanupa asida lei.

Christa kanaano amasung ebungngogi thabak karino ?

15 Ebungngodi ubaa ngamdaba Eeshorgi murti, shemkhraba pumnamaktagi haanna pokpaa aduni; 

16 Maramdi swargadasu prithibidasu leiba, ubaa pot, udaba pot, phambaal makhei, angam athoushing, mapushing, khutkan paanggalbashing oirabasu, ebungngodagi pumnamak shemkhraba oire; pot pumnamak ebungngogi mapaanna amasung ebungngogi damak shemkhre; 

17 Amasung ebungngodi pot pumnamaktagi haanna lei, aduga ebungngoda pot pumnamak echang chang-e. 

18 Amasung ebungngodi hakchaanggi, haaybadi shinglupki, makokni; Ebungngona pumnamakki marakta ehaan haanba pham phangnanaba, ebungngodi ahouba, ashibashingdagi haanna pokpaa oiri. 

19 Maramdi ebungngoda athanba pumnamak leinanaba, 

20 Aduga ebungngogi crosski eegi mapaanna engthahanbiduna, prithibida oirabasu swargada oirabasu, leiba pot pumnamak ebungngo maangonda ebungngogi mapaanna tainabinanaba, Eeshorna penbiba oire.

 21 Amasung nakhoydi mamaangeida phattaba thabakki marakta mitop amasung nakhoygi pukningda yeknabashing oiramba adu,

22 Houjikti ebungngo mahaakki maangda nakhoybu shengna, amakpa leitana amasung paaothokpa leitana katchaana-naba, ebungngogi mioibagi hakchaangda shibagi mapaanna Ebungngona tainabire;

23 Nakhoyna taaraba, swargagi makhaada leiba shemkhraba pumnamakta shaandokkhraba, Paul eina thougan touba mi oijarakkhiba, aphaba waapaao adugi tarang tarang khangna ningba adudagi lengdaduna, nakhoyna thaajabada leitaana chetna etat-tattana leirabadi, haayriba asi nakhoygi oigani.

Christagi thabakta Paulgi shaaruk

24 Houjik eina nakhoygi maramgidamak eigi awaa khangjabada haraaojei, aduga shinglup oiriba, ebungngogi hakchaanggi maramgidamak eigi esaada Christagi awaa-anaang waat-houba adu eigi ethoudang haapchinjei;

25 Yug yugtagi amasung miron-mirondagi lotlakliba athuppa Eeshorgi waa adu shunaa shaandoknaba, nakhoygi damak eingonda pikhraba Eeshorgi asin arangba thabak adugi matung enna, eina shinglup adugi maramda thougan touba oijarakle;

26 Adubu houjikti athuppa waa adu ebungngo mahaakki ashengbashingda phongdokpire;

27 Makhoy asida Eeshorna atoppa Jaatshinggi marakta athuppa waa asigi matik mangaangi ayaamba adu karino khanghanningle, madudi matik mangaangi tarang tarang khangna ningba, nakhoyda leiba Christtaduni. 

28 Eikhoyna mi khudingbu Christada mapung phaana katchaana-naba, loushing pumnamakna mi khudingbu waaraktuna amasung mi khudingbu tambiduna, ebungngo asigi paao eikhoyna shaandokchabani;

29 Asigidamak eigi nungda paanggal thekna touriba ebungngogi thabak adugi matung ennaa angam tanduna, einasu nomjari.