Genesis 26

Isaacna Gerar amadi Beersebada panba

1 Abrahamgi matamda thokkhiba chaak-tangbadu nattaba chaak-tangba amaa lamdu thungna thokkhi. Isaacna Philistishinggi ningthou Abimelekna konba lam Gerarda chatlammi.

2 Eeshorna laaklaga haayrammi. " Egyptta chatluganu. Eina nangonda utpigadouriba lamsida leiyu.

3 Lamsida shaaidaangduna leiyu Eina shoydana nahaakpu loinabigani. Nahaakpu kubigani. Nahaak amadi nahaakki chaaron-shuronda lamshingsi Eina pibigani. Nahaakki napaa Abrahamda Eina waashakkhibadu paangthokkani.

4 Nongmadonda leiriba thawaan-michakkumna Eina nahaakki chaaron-shurondubu mashing yaamhan-gani. Lamshingsisu nahaakki chaaron-shuronduda Eina pibigani. Nahaakki chaaron-shurondugi mapaanna maalemsida leiriba jaat khudingmak bor phanggani.

5 Pumnamaksi Abrahamna eigi Khonjen takhiba, Eina haayba haaybadu toukhiba, eigi yaathangshing, eigi niyamshing, amadi eigi waayenlonshingdu mahaakna enjakhibadagi oigadouribani.

6 Isaac matamduda Gerarda leirammi.

7 Maphamduda leiba mishingna mahaakki nupigi maramda waa hangba matamda mahaakna haayrammi, "mahaak eigi echaa n nupini." Rebekahgi maramdagi maphamduda leiriba mishingna mahaakpu haatkhiba yaai khanduna "Eigi nupini." haayramde. "Thoidokna Rebekahsi mashak matou phajabi nupi amaa oirammi.

8 Maphamduda matam kuina leiraklaba matungda Philistishinggi ningthou Abimelekna thongnaaodagi yengthorakpa matamda Isaacna mahaakki nupi Rebekahbu konba urammi.

9 Maramsina Abimelekna Isaacpu kouraduna haayrak-e," yeng-u, nupisi nahaakki nupimakni. Nahaakna " mahaak eigi echanni haayna karamna haayribano? Isaacna Abimelekta haayrammi, "mahaakki maramdagi eihaak ethawaay mangba kijaduna haayjabani."

10 Abimelekna haayrammi, " nahaakna eigi ephamda touribasi kari matou kouba ge? Kanaagumba mina nahaakki nupisi eraai laaina shokpa yaai aduga marandu nahaakna shoydana eikhoygi ethakta theijinba yaai."

11 Maramsina Abimelekna mi khudingda chekshin waa oinaa haayrammi, "kanaagumbana nupaasiga nupigabu hek shokpa matamda shokluriba midu angaang olhan-gani."

12 Lamduda Isaacna lou ukhi aduga kumduda cham-chamna khujing oinaa lokkhi. Eeshorna mahaakpu kubikhi.

13 Matam kharadagi manungda Isaac enaak khunba nupaa amaa oirakkhi. Nongma nongmagi asum hen-gatlakpana yaamna maran leiba nupaa amaa oikhi.

14 Mahaakki yaao amadi sanggi sanlup leirammi. Mahaakki emung manungdasu yaamna chaaorammi. Philistinshingna maasibu ubada yaamna kallaaklammi,

15 (Matamduda Philistishingna mahaakki mapaa Abrahamgi matamda manaaishingna touhankhiba guhashingdu leibaak heijinduna mensinlammi.)

16 Abimelekna Isaacta haayrammi, "eikhoigi lamsi thaadoktuna chatkhro maramdi eikhoydagi nahaakna napaanggal leiba helli."

17 Asumna Isaac maphamdu thaadoktuna Gerargi tampaakta leikhi.

18 Mapaa Abrahamgi matamda toukhiba guhashingdu Isaacna amuk haanna tourammi maramdi Abrahamna shiraba matungda Philistishingna changhankhide. Mapaana thollamba mamingshingdu mahaakna hongdokkhide.

19 Isaacki manaaishingna tampaaktuda guhashingdu touduna eeshing phanglaba matamda,

20 Gerargi sansenba shingna Isaacki sansenba shingga khatnakhi. Makhoyna haayrammi, " eeshingsi eikhoygini." Guhadugi maramda makhoyna mahaakka khatnakhi. Maramsidagi guhadugi maming Esek thonkhi.

21 Masigi matungda atoppa guha amasu toukhi. Madusu Khatnapham oikhi. Maramsina madugi maming Sitnah koukhi.

22 Maphamdudagi khara chaathoklaga atoppa guha amasu toukhi. Handakti makhoyna guhadugi maramda khatnakhide. Maramsina masigi maming Rehoboth koukhi. Mahaakna haayrammi, "houjikti Eeshorna eikhoygi epham pinabire maramsina eikhoy lamsida mahei yaallagani."

23 Maphamdudagi Beersebada chatlammi.

24 Eeshorna ahingdumaktada laaklaga maangonda haayrammi, "nahaakki napaa Abrahamgi Eeshorduni, kiganu, Ei nahaakka loynanaa leiri. Nahaakpu Eina kubigani. Eigi enaai Abrahamgi maramdagi eina nahaakki chaaron-shurondu mashing laakpa ngamhalloi."

25 Maramsina mahaakna maphamduda phaankhong amaa shaaduna Eeshorgi minglenbu sonjakhi amasung maphamduda mahaakna shang amaa shaakhi. Maphamdumaktada Isaacki manaaishingna guha amaa toukhi.

Isaac amadi Abimelekki marakta yaannaba amaa purakpa

26 Masigi matungda Abimelekna mahaakki paaoutaak piba Ahuzzath amadi mahaakki laanmigi makok Phicolga loynanaa Gerardagi mahaakki manaakta laaklammi.

27 Isaacna makhoyda haayrammi, "nakhoyna eibu tukuchei aduga nakhoygi naraktagi taanthokkhrabamaktada eigi enaakta karigi laaklibano?"

28 Makhoyna haayrammi, "Eeshorna nahaakka loinabi haaybasi tashengna eikhoyna khangle. Maramsina eikhoyna haayningbadi nahaak amadi eikhoygi erakta waashaknaba amaa thamsi aduga yaannaba amaa puraksi.

29 Eikhoyna nahaakpu ashok apan pidana, nahaakki mangnaba amatta toudana, aphabata touduna nahaakpu tapthana thambikhibagunma nahaaknasu eikhoybu mangtaknaba thoidokpa thabak amatta touhanningde. Nahaak houjikti Eeshorgi thoujaan phanglaba mi amaa oire."

30 Asumna haaynaraduna makhoy laakpaduda mahaakna chaakkhangkhi. Makhoysu chathakkhi.

31 Ayukki matamda nganna hougattuna makhoy masen waashaknakhi. Isaacna makhoybu thindokpikhi aduga makhoysu engthana hankhi.

32 Numittumaktada Isaacki manaaishingna laaklaga makhoyna touriba guhadugi maramda haayrammi, "ishing phangle."

33 Mahaakna maasibu Sibah koukhi. Maramsidagi saahardugi maming Beerseba haayna ngasi phaaoba kounari.

34 Esauna mashaagi chahi 40 suraba matamda Hitti Beerigi machaanupi Judim amadi Hitti Elongi machaanupi Basemathpu luhongduna loukhi.

35 Makhoyna Isaac amadi Rebekahbu awaaba pirammi.