Ezekiel 14
Murti latpabu mapuna yaadaba
1 Israelgi manungdagi kanaagumba ahan amaa eigi enaakta laaklammi. Mahaak eigi emangda phamduna leirammi.
2 Matamduda Eeshorna eingonda waa haaybirak-e:
3 He nupaa, mishingsida makhoygi laai murtigi shaktamdu thamoinungda mami oinaa taakhrabani makhoyna touba phattaba thabakshingdugi khudamdu mamaida uri. Asigumba mishingsina eigi ephamdagi laaibao taahankhisira?
4 Maramsina makhoyda haayyu, " Eeshorna asumna haayri: Israelgi mishingna makhoygi laai murtidugi mamingdu thamoinungda thamduna mamaida makhoyna touba phattaba thabakshinggi khudamdu leiraba phaaobada waa taakthokpa shingda laaklabadi Eeshor oiriba eshamakna makhoyda paaoukhum pigani. Mahaakna ningliba mishing laakngamdraba laai murtishingdugi maramdagi
5 Israelgi mishinggi thamoisi kalhn-gani. Makhoyna makhoygi laai murtishingdu ningbagi mapaanna eibu thaadokkhrabani.
6 Maramsina Israelgi mishingda haayyu, Eeshorna asumna taakpiri: naran haaydokchaaduna nakhoyna touriba phattaba laambeldudagi namai onjarak-u. Nakhoyna khurumliba laai murtishingdu thaadok-u.
7 Israelgi mishinggi maraktagi kanaagumba nattraga Israelda shaaidaangduna leiba kanaagumba mi, thamoida laai murtigi mami taahalliba amadi mamaida mahaakna touba paapki khudam utlaba aduga waa taakthokpa shinggi manaakta chattuna eigi eramda waa hanglabadi Eeshor oiriba eina eshamakna maangonda paaoukhum pigani.
8 Eina adugumba nupaadugi mayokta leigani. Eina mahaakpu khudam amaa oinaa tung phaaoba waarinahounaba eigi mishinggi maraktagi mahaakpu louthokkani. Matamduda Eisi Eeshorduni haayba nakhoyna khanggani.
9 Karigumba kanaagumba waa taakthokpa amanaa namduna waa phongdoknaba laaklabadi, Eeshor oiriba eina mahaakpu minamgani. Mahaakki mayokta eigi ekhutsi thamgani aduga eigi mi Israelgi maraktagi mahaakpu maanghan-gani.
10 Makhoyna matik thokpa dandidu phanggani. Waa taakthokpa amadi laaibao tage haayna laaklibashingdugi dandidu chap maannana phanggani.
11 Adu oirabadi Israelgi mishing eibu thaadoklaroi. Makhoygi paap chenba thabak touduna eingondagi thaptokpadusu touraroi. Matamduda makhoy eigi mi oigani aduga eisu makhoygi Eeshor oinaa leigani. Masimak Eeshorna taakpiriba waani. "
12 Eeshorna eingonda waa haayrakrammi:
13 He nupaa, karigumba lam amanaa eigi mayokta paap tourabadi thaajadaba thabak touduna adugumba lamdugi mayokta eihaak shoydana lepkani. Adugumba lamdugi pukkei tengthoktuna chaak tangba shoydana thok-han-gani. maasida leiriba shaa amadi mi loynaba maanghan-gani. 14 Makhoygi marakta Noah, Daniel amadi Job, haayriba achumba touba mi ahumsi leiramlaba phaaobada makhoygi mathawaaydudani kanjagadaba. Masimak Eeshorna taakpiriba waani.
15-16 Eina karigumba leibaak amada shaa angaaoba thajinduna maduda leiriba mishingbu neihanduna lamdu leikangla oihallaba matam aduga mishingna haayriba lamsi phaaoduna shaa kibadagi chatpa ngamdraba phaaobada, karigumba haayriba mi ahumsi maphamduda leiramlabadi makhoygi machaa nachingbashingdu kanba ngamloi. Eeshor oiriba eina shinaaidbagumna makhoy leiramlabadi mashakhatani kanjagadaba.
17 Thanggi jaagoi sannaba eina thaangshaang amaa thaaduna leibaaktuda leiriba mishingduga loynanaa shaashingdu haatlabadi.
18 Eina shinaaidbagumna haayriba mi ahumsi leiramlabasu makhoygi machaanupa amadi nupishingdu kanba ngamloi. Makhoy mashakhaktani kanjagadaba. Masimak Eeshorna taakpiriba waaphamni.
19 Adugumba lamduda eina karigumba marai taahallabasu aduga laaichattuna maduda leiriba mi amadi shaashingdu loina maanghallabasu, ehing nahing tahanduna
20 Maduda Noah, Daniel amadi Jobnachingba leiramlabasu, makhoyna machaanupa nattraga nupi kanba ngamloi. Makhoyna touba achumba thabakshingdugi mapaanna mashaamakti kanjaba ngamba yaai. Masimak Eeshorna taakpiriba waaphamni.
21 Maramdi Eeshorna asumna taakpiri: eigi michan mirai khaaidraba waayen-gi cheirak mari: thaangshaang, chaak tangba, tamthiraba shaa, amadi laaichat Jerusalemda taahanba Matamda kari oigani
22 Adubu makhoygi marakta karigumba kanaagumba hinghourabadi makhoy nahaakki nanakta laakkani. Matamduda makhoyna touba mawong matoudu yenglaga Jerusalemgi mathakta eina taahalliba awaabashingsi thoina paamde haayna nahaakna khanggani.
23 Nahaakna makhoygi maramchat amadi makhoyna touba pumnamak uraba matamda makhoyna nahaakki naphamda changjarakkani. Eeshorna taakpiri eina masigi mathakta taahankhiba awaabashingdu maram erei leitana toukhiba natte haayba nahaak khangba ngamgani. "