Numbers 14

Mishingna waakatpa

1 Matamduda tillamba mishingduna khonjen waangna kapkhi. Mishingna ahingduma tengthaaduna matam lenkhi.

2 Israelgi mishingna Moses amadi Aarongi mathakta murum murum ngaangnaba hourakkhi. Tilliba miyaamduna makhoyda haayrammi, "eikhoi Egyptta sijaramlabadi nungaaijaramgani. Nattraga lamhaangda leiringeida siramlabasu nungaaijaramgani.

3 Karigidamak Eeshorna eikhoybu thanggi mayada taanaba maphamsida pubiraklibano? eikhoygi nupishing amadi echaashing makhoygi khayatta taaragani. Eikhoy Egyptta hanbana henna phaare."

4 Makhoy masen amanaa amada asumna haaynarak-e, "eikhoigi luchingba amaa khallaga Egyptta hallasi."

5 Matamduda Aaron amadi Mosesna tilliba Israelgi mishingna maangda mamaay nonthaaduna khurumjarammi,

6 Nun-gi machaanupa Joshua amadi Jepunnehgi machaanupa Caleb lamit tumit yengba chatpada yaaoruba anisisu maphinachingba shegaairaduna nungaaitaba phongdo klammi.

7 Makhoyna Israelgi miyaamda haayrak-e, "eikhoina tuminna lamit tumit yenglunaba chatluba lamdu haayningngai leitana leihao leiba leibaakni.

8 Eeshorna eikhoybu nungshibirabadi leihao leiraba leibaaksi eikhoygi ekhutta taagani.

9 Maramsina Eeshorna shaaogadaba thabak amatta toubiganu. Leibaaksida leiriba mishingdu eikhoyna kipham thokte. Makhoydi achaapotni haayna lougadabani. Makhoybu kanbinaba kanaasu leite. Eikhoygidi Eeshorna chingak oiribani. Maramsina makhoybu kiganu."

10 Adubu maasi taabada tilliba miyaamduna makhoybu nungna thaaduna haatnaba thouraang tourammi.

Miyaamgidamak Mosesna haayjaba

Matamduda Eeshorna matik mayaai utpiduna Israelgi mishinggi mamaangda mitinshaangda ngaanthoibirammi.

11 Eeshorna Mosesda haayrammi, "kaya kuina mishingsina Eibu khonggaonagadage? Eina makhoygi marakta angakpa thabak kayaa touraba phaaobada makhoyna Eibu matam kayaa kuina thaajakhiroidage?

12 Eina laaichat thaaraktuna tumna maanghan-gani, makhoyda pigani haaykhiba lamdu piraroi. Nahaakki dhaaraadagi makhoyshingsidagi henna mashing yaamba aduga mapaanggal leiba jaat amaa thok-han-gani."

13 Adubu Mosesna Eeshorda haayjarammi, "adu oirabadi Egyptta leiriba mishingduna thoudoksi taagani. Maramdi ebungngogi napaanggaltana makhoybu Egypttagi pubirakkhibani.

14 Lamsida leiriba mishingna waarinagani. Eeshordi nanaai eikhoygi erakta lei haaybasisu makhoyna taarabani. He Eeshor, ebungngodi maiga maiga unaraba ebungngoni. Ebungngona leichin oinaa makhoygi mathakta khanjinbibadu makhoyna mamitmakna ujarabani. Nungthinda Ebungngona makhoybu leichin-gi shak-ong louduna chingbikhi. Ahingda Ebungngona meigi shak-ong louduna makhoybu chingbikhi.

15 Karigumba Ebungngona mishingsibu mi amaa haatpagi matougumna haatpa taarabadi, ebungngogi nagun taaraba Jaatshingduna haaynagani,

16 Eeshorna makhoyda pibigani taakpikhiba leibaaktuda makhoybu pusinbiba ngamdaduna lamhaangda hatkhre.

17 Houjikti nanaaina hanggatchagadabadi Ebungngona waashakpikhiba matung ennaa ebungngogi paanggal henna kankhatpa oihanbiyu. Ebungngona haaykhi,

18 Eeshordi pakna shaaogande. Chetna channa nungshibiduna mangoinabiriba ebungngoni. Ayon araan kokpiba ngamba ebungngoni. Aduga maraal leiraba phana oidunasu Ebungngona mishingbu amuktada loina haatpadi toubide. Mapaa mapaana touba ayon araanshingdugi laman shingba oinaa chaaron-shuron ahum nattraga mari phaaoba awaapham taahanbibadu kaoba leite.

19 Egypttagi thorakpa numittagi ngasi phaaobada Ebungngona makhoygi ayon araan kokpikhiba gumna mishingsigi ayon araanshingdu ngaakpinaba nanaaina ebungngoda hanggatchari ebungngogi chetna channa nungshibibadugi matung ennaa makhoybu kanbiyu.

20 Waaheisi taabada Eeshorna haayrak-e, "nahaakna haayjaba matung ennaa Eina makhoybu ngaakpire.

 21 Ashengbamak eigi etik eyaaisina saakhi oisanu maalem pumbaa Eeshorgi matik mayaaitana ngaanthoigani.

22 Egyptta leiringei amadi lamhaangda leiringei matamda Eina toukhiba angakpashingdu ukhrabashingduna tararak haanna Eibu chingnaba tourabadi, aduga Eina haayba waashingdu tadrabadi,

23 Eina makhoygi mapaa mapuda waashaktuna pigani haaykhiba lamdu makhoyna ubaa phangloi. Eibu khonggaonabashingduna leibaakttu ubaa phangloi

24 Eigi enaai Calebti top toppa thamoi chaaoba mi amani aduga Eibu thawaay hakchaang animak yaaonathaajei. Mahaakna chatkadouriba leibaaktuda ashoy angaam leitana pubigani. Mahaakki machaashingna leibaaktu phanggani.

25 Amalekshing amadi Canaannishingna tampaakta leiba maramna Akaba kouba epaaklomda leiriba lamhaangdu tamna chatlo.

Waakatmanbadagi Eeshor mishingbu awaapham taahanba

26 Eeshorna Moses amadi aronda haayrammi,

27 Matam kayaa kuina phattaba mishingsina murum murum shonkhigadage? eigi ethakta Israelgi mishingna murum murum shollibasi phajanaa taare.

28 Maramsina makhoyda haayyu: Eeshorna haayri madudi eigi etik eyaaisina saakhi oisanu nakhoyna ngaangba waa Eina taribadugi matung ennaa Eina nakhoyda matik chaaba dandi pigani.

29 Nakhoygi mishinggi ashibaa mashaadu lamhaangsida taaduna leigani. Nakhoygi narakta chahi kun surabashingna eigi ethakta murum murum shollibadu lamhaangda sina taahangani. 30 Jepunnehgi machaanupa Caleb amadi Nun-gi machaanupa Joshua nattana nakhoy pumnamak Eina pigani waashakkhiba lamduda kanaasu chatlaroi.

31 Nakhoyna yeknabagi khayatta taagani haaykhiba nakhoygi apikpa nachaashingdu tekta kaidana pubigani. Nakhoyna Khonggaonakhraba lamdu makhoyna ubaa phanggani.

32 Nakhoygidi ashibaa nashaadu lamhaangda taaduna leiba haaybasi naraibakta tamkhrabani. 33 Nakhoyna pokpaa nachaashingsi lamhaangda chahi niphu chupnaa leihn-gani. Nakhoyna Eibu thaajadaba maramna nakhoy pumnamak lamhaangda tumna manggadouribani.

34 Nakhoyna lamit tumit yengba chatpa matamda numit niphuni changkhibadu nongmaga chahi amaaga mannahan-gani. Chahi niphu chupnaa nakhoyna toukhiba ayon araanshinggi mahei chaagani. Maasi tourabadi Eina nakhoybu kayaada pendabano haaybadu nakhoyna khangba ngamgani.

35 Eeshor oiriba Eina waashingsi haaykhrabani. Eigi mayokta leiriba phattabashingsigi mathakta Eina haaykhibashingsi thok-han-gani. Lamhaangsida makhoygi aroiba matamdu laakkani. Lamhaangsimaktada makhoy loina nongagani.

36 Mosesna lamit tumit yenglunaba tharuba mishing araanba paao puraktuna mishinggi pukning olhankhibashingdu

37 Eeshorgi maangda laaichat thok-handuna manghankhi.

38 Nun-gi machaanupa Joshua amadi Jepunnehgi machaanupa Calebti ashoy angaam amatta thokkhide. Haayriba anisi lamit tumit yengba chapashinggi marakta yaaoruba mishingni.

Leibak loi chanshinnaba thouraang

(Anishuba waa 1:41-46)

39 Mosesna haayriba waashingsi mishingda tamlammi, maasi taabada Israelgi mishingna tengthaakhi.

40 Makhoyna ayuk nganna hougattuna chingdonda kakhattuna haayrammi, "houjiktti eikhoy maphamsi yourabagumbani. Eeshorna pibigani taakpikhiba leibaaktu taanna eikhoy chatlasi. ashengbamak eikhoyna araanba kayaa toukhre."

41 Mosesna haayrammi, "nakhoyna karigidamak Eeshorna pikhiba yaathangdu elloidouribano? Yaathangdu hiktoklabadi maay paakloi.

42 Nakhoyna yeknabaga maay onshinnaba ngamloi maramdi Eeshor eikhoygi erakta leite.

43 Amalekshing amadi Canaan-gi mishingna nakhoygi namaangda leppa matamda nakhoy thanggi mayada taagani. Nakhoyna Eeshorbu khonggaonakhiba maramna Ebungngona nakhoyga loinabiroi."

44 Eeshorgi phambaal amadi Moses yaaodana nakhoyna chingdon youba phaaoba kakhatlammi.

45 Matamduda Amalekshing amadi Canaanda leiba mishingna chingdondagi kumtharaktuna maaythiba pikhi. Makhoybu Hormah kouba maphamdu phaaoba tanabirammi.