Psalm 18
Davidna sakkhiba maipakpagi ishei
(2 Sam 22:1-51)
18 He Ishor, nanaina Ibungobu kayagi matik nungsijaba. Ibungodi nanaigi ngakpiba Mapuduni.
2 Ishor-di eibu ngakpiriba Ibungoni. Ibungodi cheksinna saraba lanbangummi. ipuroidi eibu ngakpiba Ibungoni, Ibungoga loinana leijaba matamda eigi asoiba leite. Ibungona eibu chunggoigi matougumna ngakthokpi, Ibungona eibu sennabi amasung asoi angam yaohanbide.
3 Ishor-gi minglendu eina sonjari, Ibungona eibu yeknabasinggi makhuttagi kanbi, maramsina Ishor-bu thagatlasi.
4 Asiba kouba sahumna eibu puge tourammi, Mangtaknabagi ithinnasu eibu humge tourammi.
5 Asithen-gi toreina eibu yeirammi, mongphamna eigi imangda langgumna leirammi.
6 Eina awaba taraba matamda Ishor-bu koujakhi. ipuroigi khuyakhada tengbangbiyu haijei. Ibungogi shanglendagi eigi khonjel tabi, Iteng pangbinaba haijaba matamda Ibungona tabi.
7 Malemsi thak thak nikle aduga chekkhaire, loibi ching phaoba thak thak nikle aduga ningkhaire, maramdi Mapu Ibungo saore.
8 Ibungogi manatondagi meikhu thorakkhi. Ibungogi machindagi asaba meiri thorakkhi, Ibungogi masadagi mei houna saraba meitan thorakkhi.
9 Ibungona koirou phaoduna malemda khongdarak-i, Ibungogi khuyakhada leichinna kupsilli.
10 Ibungona dolai thouduna koina chatli. Ibungona nungsitta shadong oina pairi.
11 Ibungogi phishangdi amambana oiri, Ibungogi phambalgi leitengdi ishingga yannaba leichinna oi.
12 Adubu amamba leichin-gi maikhandu Ibungodagi thorakpa mangalduna phaodokpa ngammi.
13 Ishor-na koirouthakta khek laori, wangthoiraba Mapu Ibungona makhonjel tahanbiri.
14 Ibungona tenjei kapthorakpa matamda mapham khuding sinba thungi, Ibungona nongthang kuphanbiduna mit thakhalli.
15 Masigi matungda achouba ipak ihourak-i, Ishor-na yeknabasingda cheiba matamda Aduga yeknabasingda saoba matamda malemsida leiriba iphut pumnamak mamai hangdok-i,
16 Ishor-na koirouthaktagi khut lamtharak-i, Ibungona eibu pamkhatkhi, aruba ishing irendagi Ibungona eibu chingkhatkhi.
17 Tamthiraba mishing amadi eibu tukkachaba mishinggi makhuttagi, Ibungona eibu kanbi maramdi eihak makhoiga lan touba ngamlamde.
18 Eina awaba taba numit ngaiduna makhoina eibu laksillammi, adubu Ishor-na eibu ngakpikhi.
19 Ibungona eibu khudongthibadagi kanbi, Ibungona ngakpi maramdi Ibungona eibu penbi.
20 Eina toujaba achumbadugi matung inna Ishor-na eibu kubi, eigi thamoi sengbadugi matung inna Ibungona eibu mahei pinabi.
21 Ishor-gi yathangdu eina injei, eina ipuroibu keidoungeidasu thadokchade.
22 Ibungogi yathang pumnamak eina ngakna chatchei, Ibungogi yathangdu keidoungeidasu hiktokchade.
23 Eigi iran leite haibadu Ibungona khangbi eina aranba toude haibadu Ibungona khangbi
24 Eina toujaba achumbadugi maheidu Ibungona pinabi, Ibungona Eihak iran leite haibadu khangbi.
25 He Ishor, Ibungodi Ibungoda thajaba miduda thajaba utpi, maran leitabasinggi maphamda achumba utpi.
26 Asengbasinggi maphamda sengna chatpi, phattabasinggi maphamda henna sathiba utkhi.
27 Nollukpa mibu Ibungona kanbi, mihouchaoba mibu Ibungona namthabi.
28 Asengbamak Ibungona eigi pukninggi thaomei oibi, ipuroi, Ishor-na eigi amamba kokhanbi.
29 Asengbamak Ibungogi napantana lanmi shanggu ama namthaba ngamlammi, ipuroigi matengtabu phanglabadi chekpan phaoba phukpa ngamgani.
30 Asigumba Mapu Ibungogi lambidu soinaide, Ishor-gi wasakti matam leibakhibikta chummi, Ibungogi khuyada changbasingdugidamak Ibungodi chunggoini.
31 Ishor nattana atoppa ipuroi leite, eikhoibu ngakpiri.
32 Asigumba ipuroisida eigi changjaphamni, Ibungona eigi lambi sengdokpi.
33 Ibungona eibu sangaigumna khong yanghanbi, awangbada karabasu khongpham nanthok-hanbide.
34 Ibungona lan tambi, thengnaba ngamnaba khwaidagi kallaba lanpham.
35 He Ishor, Ibungona nanaibu kanbiyu amadi ngakpiyu, Ibungogi natengtana eibu wangna thanggatpire. Ibungogi natengtana eibu ngaksenbi.
36 Eibu phage thouranglambasinggi makhuttagi Ibungona eibu kanbikhi, maramsina eihak karigumba matamdasu maithikhide.
37 Yeknabasingbu tannaduna maithiba pikhi, makhoibu manghandribamakhei eihak samai leiramde.
38 Eina makhoibu yeithurammi aduga makhoi amuk hougatpa ngamkhide, Eigi Imangda makhoi maithiduna longna takhi.
39 lan-gi panggaldu Ibungona eingonda pibikhi, yeknabasinggi mathakta nanaibu mai pakhanbikhi.
40 Ibungona eigi yeknabasingdu imang thaduna chelhanbi, Eibu tukkachaba mishingdu eina tumna manghankhi.
41 Makhoibu tengbangnaba laojarammi adubu kanasu lakkhide, Ishor-da makhoina haijakhi adubu tabikhide.
42 Eina makhoibu yeithuba matamda makhoi uphul marik oikhi, lambida leiriba leikhomgumna makhoibu eina netlammi.
43 Lanhoubasinggi makhuttagi Ibungona eibu kanbikhi, jatsinggi makok oina Ibungona eibu sembikhi, sak khangdaba mishingna eibu seba touhanbikhi.
44 Lamlanbasingna eibu khurumlammi, Eina ngangba wadu makhoina inkhi.
45 Makhoigi mapanggal mathouna leikhide, maramsina makhoigi lanbandagi nikna nikna thorakkhi.
46 Ishor-di sinaidaba mapuni, eibu ngakpiriba Ibungodu thagatlasi, panggallaba ipuroi eibu kanbibadugi gundu thagatlasi.
47 Ibungona eigi yeknabasingbu namthabiduna mai pakhanbikhi, Ibungona jatsingbu eigi ikhada thambikhi.
48 Kanbikhi Ibungona eibu yeknabasinggi khuttagi, he Ishor, yeknabasinggi mathakta mai pak-hanbiyu, tamthiba mishinggi makhuttagi nanaibu kanbiyu.
49 Maramsina Ibungobu Jatsinggi marakta thagatcharibani, Ibungogi khuyakhada nanaina thagat ishei sakcharibani.
50 Mapu Ibungona khandoklaba ningthoubu mai pakhanbi, Ibungona khandoklaba adugi mathakta matam leibada nungsiba utpi, masi David amadi mahakki charon suron khudingda oisanu.