Job 34
34 1-2 Nakhoi asingbani, akhangbani, adubu eigi wasi takho.
3 Ahaoba chaba matamda mahao khangi, adubu taraga paotakti khangba ngamde.
4 Achumbadu tousi, aphaba karino haibadi eikhoina lepchagadabani.
5 Jobna hairi, "eidi aranba toude. Adubu Mapu Ibungona eigi leijaramba loina lousinbikhre."
6 Mahakna hairi: Eihak lande haibasi lalli hairabadi minamjabani. Eihak saruk phangna sokle adubu landi lande."
7 Jobkumba mi nakhoi urabra? Mapu Ibungobu ikaikhumnaba utte.
8 Mahakna phattaba mishingga totna tinnei, aranba touba mishingga chatminnei.
9 Mapu Ibungogi paotak matung inna thabak toubada thoina kannaba leite hairi.
10 Lousing leiba mayam eina haijaribasi tabiyu. Panggallaba Mapu Ibungona aranba touba hounabra?
11 Mana mana toujabadugi maheidu Ibungo mahakna pinabi. Makhoigi thabakki matung inna mahakna mahei pibi
12 Panggallaba Mapu Ibungona phattaba touba hounade. Kanagumba amada michang mikhai naiba utte.
13 Taibang kanadagi Mapu Ibungona panggal tangbra?
Kanagumba miyu taibangpansi
sennaba happra?
14 Karigumba Mapu Ibungona punsigi aroibadu puraklabada,
15 Taibangsida leiriba pumba sigani amasung uphulda amuk tinkhigani.
16 Nakhoi khangba ngambanina eina haibasi taro.
17 Nakhoina amangba leitraba Mapu Ibungobu mangi haigadra? Achumbadu Ibungo mahakna tukkachei ningbra?
18 Mapu Ibungona ningthou amadi leibak ngakpasingbu matik chadaba amadi phattaba thabak tourakpa matamda cheirak piribi.
19 Ibungo mahakna pumnamakpu sembiba maramna, leibakngakpasingbu henna luna toude, nattraga inak khunbasingbu lairabadagi henna luna toude.
20 Ahingda manglaknaduna mi siba yai, Mapu Ibungona yeithuba matamda migi aroiba oi. Aduga makhoi tumna mangi. Panggal leibadu Ibungona loihanba matamda karisu natte.
21 Mina chatliba khuding Ibungona yengsinbi.
22 Mapu Ibungogi mityengdagi lotnanaba amamba mapham leite.
23 Ibungona mibu wayelnabagidamak matam ama amuk leppa leite.
24 Luchingba amabu louthoklaga atoppa ama hapchinnaba mahakna mari makhong thiruba leite.
25 Makhoina touribadu Ibungo mahakna khangbiba maramna makhoibu ahingda loisinbi.
26 Maran leibasingdu miyam mangda cheirak pibi.
27 Makhoina Ibungo mahakki tung indaba aduga Ibungo mahakki yathangsingdu indaba maramna cheirak pibi. 28 Makhoina lairabasingbu Mapu Ibungogi mateng lounanaba namduna awabada tahalli. Maramsina Ibungona makhoina koujabadu tabi.
29 Karigumba Mapu Ibungona karisu touraroi haina leikhrabadi, Ibungobu kanana madugidamak kouba ngambage? Ibungona saoraklabadi taibang mina keidougani?
30 Dharmagi leitaba ot-neiriba mishingbu Jatsinggi marakta kari panggal leibage?
31 Job, nahakna toukhiba narandu Mapu Ibungogi maphamda haidokcharabra? Amuk hanna aranba thabak touraroi haina wasaklabra?
32 Nahakki narandu uhanbinaba Mapu Ibungoda haijarabra? Phattaba amuk touraroi haina napukning lepre?
33 Mapu Ibungona touba thabaksingdu nahakna pamdrabanina, masidi nahakna lepchagadoubani, eikhoigi natte. Nahakna khanbadu karino hairo tasi.
34 Lousing leiba kanagumba mina waphamsi yapham thok-i, asingba kanagumbana eina hairibasi taraga haigani.
35 Jobna nganglibasi pangduna touribani, mahakna haikhriba wasingsi artha yaode.
36 Jobna haikhribasingsi amuktang khanduna yengsi, mahakna phattaba mina haigadoubasingdu ngangi haibasi ugani.
37 Mahakna toukhiba aranbasingdugi mathakta lalhoubagi ithinsu pak-i. Eikhoigi imangda mahakna Ipuroibu phagi toui.