Psalm 147
Paanggallaba Mapubu thaagatpa
1 Eeshorgi mingkhei sollasi eikhoygi epuroigi maphamda eshei shakpadi athoibani, ebungngobu thaagatpada nungaaiba pokpani.
2 Jerusalembu Eeshorna kanbire, Loida chatkhrabashingdu Ebungngona amuk haanna pubirakkani.
3 Thamoi kairabashingdu Ebungngona phahanbi, makhoygi ashokpadu Ebungngona phahanbi, 4 Thawaan-michak mashing Ebungngona leppikhibani, khudingmakpu maming amam-mam pibikhi
5 Eikhoigi Eeshordi paanggalba amadi thouna leibani, ebungngogi khangbi ubibadu ngamkhei leite.
6 Nollukpashingdu Ebungngona shoujatpi, aduga phattabashingdu leikha taahanbi.
7 Eeshorgi maphamda thaagat eshei shaklasi, epuroigi maphamda pena khongduna thougan toujou.
8 Ebungngona nongmadonda leichin paihalli, maalemsida Ebungngona nong taahanbi, chingda naapi houhanbi.
9 Sashingda Ebungngona machinjaak pinabi, kwaakshing phaaobada Ebungngona machinjaak pinabi.
10 Ebungngona shagol akanbaadu yenglaga haraaobide, akanba laanmi yenglagasu Ebungngona penbide.
11 Ebungngobu ekaai-khumnabashingdu yenglaga Ebungngona haraaobi, ebungngogi lengdaba nungshibaduda thaajaba shingdubu yenglaga haraaowi.
12 He Jerusalem, Eeshorgi mingkhei sollu, he Zion, napuroigi mingkhei sollu.
13 Ebungngona nahaakki thonggaldu kanna shennabiri, nakhoygi mishingdu Ebungngona kubiribani.
14 Ebungngona nakhoygi pankheidu ngakli. Ebungngona nakhoybu aphaba gehu pibiri.
15 Malemsida Ebungngona yaathang touri, Ebungngona haaykhiba pumbaa thuna paangthok-e.
16 Ngabong shaandokpagunma Ebungngona un taahanbi, uphul-gumna ul marik taahanbi.
17 Nungkupkumna Ebungngona len taahanbi, Ebungngona enghanbirakpa matamda kanaana khaangba ngambage.
18 Ebungngogi khonthok amattada un shoudoklibani, Ebungngona nungshit sithanbiduna nong taahalli.
19 Ebungngogi mishingda paaojel thabi, ebungngogi loushing meiri amadi puyadu Israelda pibi.
20 Masi atoppa Jaatshingda Ebungngona toubikhiba leite, makhoyna ebungngogi puyadu khangde. Eeshorgi mingkhei sollasi.