2 Chronicles 19
Maichou amanaa Jehosaphatpu waarakpa
19 Judah-gi ningthou Jehosaphat asoy angaam yaaodana Jerusalemda leiriba konungduda hallakkhi. 2 Hananigi machaa-nupaa maichou Jehuna ningthouda haayrammi, "phattaba amadi Eesor-bu thaoidaba misingbu tengbanglibadu chummi haayna khanbra? Nahaakna ngasi toururiba thabaksina maram oiduna Eesor-na nahaakpu saore. 3 Adum oinamak nahaak phattaba midi natte. Nahaakna lairembi Asherahgi murtisingdu louthokkhiduna Eesor-na ningba matung ennaa thabak tounanaba hotnajei."
Jehosaphatna ahongba purakpa
4 ningthou Jehosaphatna Jerusalemda konung saaduna leirabasu chaang naaina miyaamgi maphamda chat-tuna Beersebadagina Ephraimgi chinggi lamduda taariba miyaam-singdu khomjinduna makhoygi mapaa mapusingna ninglamba Eesor-bu ningjanaba paaoutaak pikhi. 5 Judahda leiriba chekpan khagatlaba saharsingda mahaakna waayelnaba amam-mam khankhi. 6 makhoyda mahaakna asumna paaoutaak pikhi: waayelba matamda cheksingadoubani. nakhoyna touribadu mioibagi matikna touribani haayna louroidoubani. nakhoyna touba khudingda Eesor-gi singthani haayna khangadabani. nakhoyna awaapham piba matamda Eesor-na nakhoyga leiminnari haaybasi kaoroidoubani 7 Eesor-bu kina chat-tuna yaamna cheksinna nathou paangthokkadabani maramdi eikhoygi epuroi Eesor-na touba, michang mikhaai naaiba nattraga senja thumja toubasi yaade."
8 Masigi mathakta Jehosaphatna Jerusalemda Levising, purohit sing amadi luchingba-sing waayelba oinaa khandoklammi. makhoyna Eesor-na pikhiba yaathang amadi lamgi matangda khatnaba thokpa matamda waayellammi. 9 Makhoydasu mahaakna makhaagi paaoutaaksi pirammi: Eesor-bu kina, thajana amadi thawaay yaaonanathou paangthokkadabani. 10 Karigumba atoppa mapham amadagi nachin nanaaosingna mihatpa, puyagi matangda khatnaba, yaathanggi matangda yetnaba, lamchat amadi khunaigi matangda ningai tounarabadi, Eesor-gi mamaangda pusinduna amuk haanna araanba thabak toudanaba paaoutaak pigadabani. asumna tourabadi nakhoy amadi nachin nanaao-singgi mathakta Eesor-gi asaaoba meiridu tadaba yaai. Matou asumna nakhoygi nathoudu paangthokkadabani adugaa nakhoyna araanba thabak toupharoi. 11 Eesor-gi seba haaybasi ningsingadabani. adugaa ningthouga mari leinaba atei hiram singgidamak Ismaelgi machaa-nupaa Zebadiahna waayel loisanggi makok oinaa leiri haaybasisu ningsingadabani. pumnamaksida Levisingna nakhoybu tengbanggani. Nathouna laayna thabak tougadabani adu oirabadi Eesor-na nakhoyga matam leibada loinabigani.