Proverbs 15
15 Aingba paokhumna asaoba meimutnei adubu saoningna khumbaduna saoba hen-gatli.
2 Asingba mina ngangthorakpa matamda lousing leiningi. Adubu apangba mina apangba mapan thok-i,
3 Mapham khudingda kari thokli haiba
du Lainingthouna khangba ngammi. Aphaba nattraga phattaba animakta Ibungo mahakna eikhoibu sennaduna leiri.
4 Thotna nouna ngangbana mahei yalhalli adubu tamthina nganglabadi thawai nungngaihande.
5 Mapana tambibadu thadokpa midu apangbani. Mapana takpadu lousinba ngamlabadi asingba mina tougadaba mathouni.
6 Achumba mishingna landu mangdanaba hotnei aduga phattabasinggidi khu-dongthiba ama lakpa matamda mangkhi.
7 Lousinggi meiradi asingba mina sandokpani aduga apangbanadi masi toude.
8 Aphaba mishingna haijaba matamda Lainingthouna penbi aduga phattabasingna purakpa thougi potsingdu Ibungona thawaina tade.
9 Lainingthouna phattabasingna chatliba lambeldu tukkachei aduga achumba thabak toubasingdubu Ibungona luna toubi.
10 Karigumba nakhoina aranbadu tourabadi mahei oina awapham tagani, karigumba chumthokpadu nakhoina yadrabadi sigani.
11 Asithenna phaoba maphamduda kari thokli haibasi khangdanaba Lainingthou Ibungodagi lottuna thamba ngamde. Adubu oirabadi karamna kanagumba amana khalliba wakhandu Lainingthoudagi lotpa ngamgani?
12 Minambasingna chumthokpa pam-de, henna singba mishingdagi makhoina paotak thirude.
13 Nungngaiba matamda mishingna nok-i, adubu makhoina waba matamda thamoi kaina ui.
14 Asingba mina tamningi aduga apangbasingdi apang lai chubaduda penduna lei.
15 Lairabasinggi punsidi matam leibada awabani, nungngaiba heiba midudi matam leibada haraoduna leithok-i.
16 Inak khullaga khudongthiba nanggadoubagi sarukpudi lairaraga Lainingthoubu kina chatchabaduna henna phei.
17 Tukkachabana thallaba maphamda khwaidagi haona sha chaduna leigadoubagi sarukpudi nakhoina nungsiba mishingduga loinana mana mashing chaduna leibana henna phei.
18 Saoganbana marei yetnahalli adubu ingthabana lakcharak-i.
19 Tanbu tallabadi mapham khudingda khudong thiningaini, adubu napukchelbu senglabadi khudong thiningai leite.
20 Asingba macha pokpana mapadu haraohalli. Apangbana mamabu thina toubani.
21 Apangbada laichubasingduna apangbaduda haraojei, adubu asingbasingna achumbaduta matoui.
22 Paotak tasillibamakhei amangba leite. Maduna maipaknabagi lambi amani. Paotakpu tadrabadi maithiba soidrabani.
23 Matang chana wa phongdokpa ngamlabadi kayada nungngaibano.
24 Asingba mishingna punsigi lambelda chumna chatkhiba ngammi. Makhoidi asithenda takhriba lambelduda tade.
25 Lainingthouna tamthibasinggi imu-ngdu manghanbigani adubu Ibungona lukhrabigi imungdu ngamnamak kanbigani.
26 Phatraba wakhanta khanduna leiba mishingbu Lainingthouna tukkachei, adubu marup mapang oiba wangangdu Ibungona pammi.
27 Napukchel sengdana shendong tange hotnarabadi imungda akaiba thokkani. shen chaganu adu oirabadi napunsi sanggani.
28 Aphaba mishingna paokhum pidringeida wakhal touhouwi, phattabasingna wakhan khanthaba toudana paokhum pithok-i, aduga masina khudongthiba thokhalli.
29 Aphaba mishingna haijaba matamda Lainingthouna tabi. Adubu phattabasingdubu Ibungona thoujanbide.
30 Momon noklabadi yengbada nunggaibani. Aphaba pao tabada nungngaibani.
31 Nakhoibu mina chumthokpiba matamda pukning changna taba ngamlabadi lousing leirabani.
32 Tamningdraba nupadu matomta manghanjarabani. Mina chumthokpadu louninglabadi lousing henna singbagi matouni.
33 Lainingthoubu ikai khumnana chatpa haibasina laisuduni. Mina nakhoibu ikaikhumnadringeda nollukpa tamgadoubani.