Zephaniah 2

Pap haidoknaba ithin

2 Nakhoi loina punsillu lamchat naidaba jatising,

2   Wairu mangkhibagi matougum nakhoibu lam thapna thadoktuna manghandringeida, Ishor-gi asaobagi numittu youraktringeida,

3   Ibungogi yathang injaribasa Ishor-bu thijou. Chumnaba hotnou? Thamoi thotnaba laknou, asumna tourabadi Ishor-gi asaobagi numittuda nakhoibu changjapham pibiba yai.

Israelgi akoibada tariba Jatsinggi awaba

4   Gaza leikanglagumgani. Ashkelon khuntak lansi oiragani, Ashdodta leiba mishingsu numit yungba matamda tanthokkani, aduga Ekronbuna maru phuktoklagani.

5   Philistida khundariba, samudra mapanda leiribasa tao, Ishor-na nakhoigi mayokta wa ngangle, Philistigi lamsingdu eina namthagani, khuntak lansihanduna nakhoida mi amattasu leihalloi. 6 Aduga Chereth, nangdi yao shanggu senpham oihangani. Leihao leiba lamdu Judahgi leihouribasinggi oigani.

7   Samudra khongbalda makhoigi sanjabung oigani, Ashkelon-gi yumsingda numidangda makhoina potthagani, maramdi makhoigi mabungo Ishor-na nungsibiduna makhoibu aphaba oihangani.

 8  Moabna karem kathainabagi maramda eina tare, Amon nasu noknari, makhoina eigi mishingbu ikaiba pikhraba, makhoina eigi mishinggi lamdasu henjinna changkhre.

9   Maramsina nongthak nongkha anigi mapu, Israelgi Ishor-na takpiri madudi eidi sinaidaba mapunina Moab Sodom amadi Gomorrah oigani, napi singbi peiba amadi thumgi mapei leiba manglaba lam oihangani. Eigi mishinggi iremkhakna makhoibu lakhatkani, Eigi hinghouriba mishingna makhoigi lamdu lougani.

10 Masina makhoigi napan-gi laman singba sakkani, maramdi makhoina nongthak nongkha anigi Mapu Ibungogi mishingbu ikaiba pikhre. Aduga makhoigi lamda lanna changkhre.

11 Akiba sakphamda Ishor-na makhoigi mamangda lakkani. Malemsida leiriba lai pumnamak chakliba oihangani, aduga prithibi sinbathungna jat khudingna Ibungobu khurumgani. Mi khudingnasu magi magi yumda mabu khurumjagani.

12 Cushsingsu Ishor-gi thangshangduna hatlagani,

13 Maramsina magi khut awang haramda thambiduna Assyriabu manghansanu, Ninevehsu khuntak lansi oihansanu leikang lagum loukhatpa yahandasanu.

14 Maphamduda yao shanggu tinpham oiragani, lamda leiba shasingsu maphamduda leigani. Magi konungda langja amadi machi panba kharangsinggi makon sagani. Makuna thongnaoda khonggani, kwakna magi lanbanda khonggani. Makhong yangba uchekna makhoigi manggolda lepkani.

15 Hairibasingsi soiraroi haina saharduna ningaidana leithokkani. "Eini, ei ithantani" haina matomta haijaba sari. Houjikti mahak kari thokle. Khuntak lansiraba, Sha-uchekki leipham oiraba lambel chatpa khudingna khut thanggatuna ima haigani.