2 John

Johnna eba anishuba laairik

1 Khan-gatIabi ebemmada amasung mahaakki machaashingda ahallaman oijariba eina ejabani. Eina nakhoybu achumbada nungshi, amasung eitana natte adubu achumba adu khangba makhoy pumnamaknasuni;

2 Eikhoyda etat-tattana leiba amasung eikhoyga loyba naaidana leiminnagadaba achumba adugi maramgi damakni. 

3 Epa Eeshordagi amasung epa Eeshorgi machaanupa Jesus Christadagi, achumbada amasung nungshibada, thoujaal, nungshiheiba amasung engthaba eikhoyga loinabigani.

4 Eikhoyna epaadagi yaathang phanglabagumna, achumbada chatliba nahaakki nachaashing kanaa kanaagumbabu phangbada eina yaamna haraaojei.

5 Amasung houjik, ebemma, eina nangonda nonjari; eina nangonda anouba yaathang amaa eba natte, adubu eikhoy amaga-amaga nungshinagadabani haayba ahoubadagi eikhoyna phangjaraba adu ejabani.

6 Aduga eikhoyna ebungngo mahaakki yaathang makheigi matung ennaa chatpa asi nungshibani. Nakhoyna ahoubadagi takhibagumna, madugi matung ennaa nakhoyna chatkadabani haayba, yaathang adu asini. 

7 Maramdi Jesus Christana hakchaang oinaa lengbirak-e haayba yaadaba ayaamba minambashingna taaibang-paanda thokkhre. Asi minamba mi aduni amasung antiChrist aduni.

8 Eikhoyna toukhi toukhiba adu nakhoyna manghandaduna changkhonba manaa phangnanaba, nakhoy nashen shaajen toujou.

9 Achumbadagi leithokpa amasung Christagi tambibada lengdana leitba mi khudingna Eeshorbu phangde; tambiba aduda lengdana leiba mahaak aduna Mapabusu machaanupa adubusu phang-e.

10 Kanaagumbana nakhoyda laaklaga tambiba asi puraktrabadi, mahaakpu nakhoygi yumda loushinganu aduga maangonda taram taramna touganu;

11 Maramdi maangonda taram taram touba mahaak aduna mahaakki phattaphattaba thabak adu sharuk phangminnei.

12 Nakhoyda egadaba waaram ayaamba leiraduna eina che amasung mukna ejaningde adubu nakhoygi haraaoba mapung phahannanaba eina nakhoyda laaktuna maiga maiga unnaduna waa ngaangba asha touri. 

13 Nahaakki khan-gatlabi nanaaogi machaashingna nahaakpu khurumjei.