1 Samuel 25
Samuel nonggaba
25 ekui kuidana Samuel nonggarammi. maramsina Israelgi misingna pullap tinnaraga mahaakpu kouraduna kapkhi. makhoyna mahaakpu Ramahda phumbikhi.
David amadi Abigail
David masigi matungda Parangi lam-hangduda chatkhi. 2 Maphamduda Maongi nupaa amaa Carmelda thabak touduna leirammi. Haayriba nupaasi yaamna enaak khullammi. mahaakki yaao 3,000 ga haameng 1,000 ga leirammi. Carmelda mahaakki yaosang amaa leirammi. 3 nupaasigi nupi Abigail masak yaamna phajarammi adugaa lousingsu singlammi adubu nupaadudi yaamnatamthiba amadi lamchat naaidaba amaa oirammi.
Nabal Carmelda yaao senduna leirammi. 4 adugaa lamjaao lamhaangda leiriba Davidna maasi taarammi. 5 maramsina mahaakna paakhang taraa Carmelda thaakhiduna Nabalda yaaipha paaojel thaakhi. 6 Mahaakna makhoyda asumna haaynaba haayrammi: marup, nahaakki naphamda Davidna yaaipha paaojel amaa thaarakli. Mahaakna haayri maadudi nahaakki amadi nahaakki emung manung amadi nahaakkini haayna leiriba pumnamak mapaan naaidaba oisanu. 7 nahaak maphamsida yaao senduna lei haaybasi mahaakna taare adugaa masimasu nahaakpu khanghannaba haayrak-e, maadudi nahaakki yaaosenba singsina eikhoyga matam kuina loinaduna leiraklabani adugaa eikhoyna makhoybu thoidokpa manghan-tahankhiba leite. makhoyna Carmelda leiringeida makhoygini haayna leiriba potsingdu eikhoyna tuminna loukhiba leite. 8 Karigumba nahaakna makhoyda hanglabadi nakhoyna haayriba waaphamsi nahaakki naphamda mayek sengna tambigani. eikhoy haraao tayaamba numit amada nahaakkida laakkani adugaa Davidna eikhoybu taram taram okhanningi. maramsina nachaa nanaai oiriba eikhoygidamak amadi narup oiriba Davidki maphamda nahaakna ngam-jabadu haraao tayaamna pibigani ningjei."
9 Davidki paaopuba paakhangsingduna Nabalgi manaakta laaktuna Davidna haayrakpa waasingdu tamlammi. makhoyna maphamduda matam khara ngaaiduna leirammi. 10 Nabalda mameithangda asumna haayrakhi, "David: kanaano David haayribasibo? mahaakki maming eihaak keidoungeidasu takhidri. leibaaksida michen minaai yaamna leire. 11 eigi yaaosenba-singgidamak eihaakna haatliba yao, laangliba talsing, eesing amadi san nachingbasi masaksu khangdaba adugaa kadaaydagi laakpano haaybadu khangdaba amada karisu piroi."
12 Davidki misingduna hankhraga Davidta Nabalna haaykhiba waasingdu loina tamkhi. 13 Davidna mahaakka loynanaa leiriba misingduda haayrammi, "mi khudingmak nasa nasagi thang paaykhatlo." Makhoy khudingmak thang amam-mam paaykhatlammi adugaa Davidsu mahaakki thang paaykhat-lammi, Davidka loynanaa mi 400 chatkhi adugaa mi 200-na pot sennaduna leihouwi.
14 Nabalgi minaai amanaa Nabalgi nupi Abigailda haayrammi, ebemma nahaak tarabra? Davidna yaaipha paaojel thaaduna manaai khara lamhaangdagi eikhoygi ebungngo-gi maphamda thaarakkhi. 15 Makhoydi yaamna phaaba eikhoyda thoidokpa aakaaiba toukhidaba misingni. Makhoyga loynanaa leiba matamda eikhoygi epot amatta mangkhide. 16 ahing nungthin animakta makhoyna eikhoybu ngaakpikhi. Matam leibada makhoyna eikhoygi yaao phaaoba sennabikhi. 17 maramsina waaphamsi phajanaa khanbiraga makhoyda kari toukhibana phei haaybadu toubikhibana henna phei. Nattrabadi eikhoygi ebungngo, amadi mahaakki emung manungda thoidokna phattaba thokpa yaai. ebungngodi paaoutaak piba yaaba misu natte."
18 Abigailna khonglei thuna tal chaini, yu kharung ani semlaba yaao mangaagi saa, chengpak utong manga, kismis mayom ani theibongdagi semba tal 200 lolasingduda hapladuna thaakhi. 19 Mahaakna manaaisingduda haayrammi, "nakhoy mang tharo. Eisu nakhoyga lakke. adubu mapuroiba Nabaldadi haayriba waaphamsi haidoklamde.
20 Abigailna lolaa tongduna chingdagi kumthaarakpa matamda David amadi mahaakki misingga oknakhi. 21 Davidna khankhi, "lamhangsida Nabalgi mapot macheisingsi eina karigidamak manghalloidoubage? mahaakkini haayna leiriba pot amattasu eina manghankhiba leite adugaa eina maangonda toukhiba aphaba thabakki maheini mahaakna ngasi eingonda touraklibasi. 22 mahaakkini haayna leiriba pumnamak nongandringeida maanghanba ngamdrabadi Eesor-na eibu manghanbiba oisanu."
23 Abigailna Davidpu ubada lolaa mathaktagi kumthajaraduna mamaay leida lukladuna khurumjarammi. 24 Mahaakna Davidki makhong kolladuna haayrak-e, "ebungngo, maraal pumnamak nanaaigini. maramsina nanaainubina ebungngo-gi maphamda waa kharadangdi haayjage. 25 Lamchat khangdaba nupaadugi waadu ebungngona loubiganu. Mamingga maram-chatka mannabani. Maming Nabal koubata natte pangsu pangbani. nanaainubina ebungngona thaarakpa paakhangsingdu unaba phanghoude. 26 adubu ebungngo. Eesor amadi ebungngona saakhi oisanu maadudi Eesor-na ebungngobu mi haatpa nupaa amadi oihanbiroi. ebungngo-gi yeknaba-singbu Nabalda toubagumna Eesor-makna dandi pibigani. 27 nanaaina pujarakliba khudonsingsi lousinbiraga ebungngo-gi nanaaisingda pibiduna latnaba leitaana lousinbigani. 28 Eina toukhiba erandu nagakpigani. Eesor-gi minglenda laanpham changliba ebungngobu Eesor-na ningthou oihanbigani adugaa ebungngona pokpaa nachaasingsu ebungngogumna oihanbisanu. ebungngona hinglingei matamda phattaba thabak haaybadu thoubiroi. 29 Kanaagumba mina ebungngobu haatke tannaraklabasu ebungngo-gi napuroi Eesor-na kanaagumba nupaa amanaa mamal yaamlaba lan sangduna leibagi matougumna ngaakpigani. 30 Eesor-na ebungngo-gi maramda phongdokpikhiba matung ennaa aphaba pumnamak toubiriba ebungngo mahaakna ebungngobu Israelgi ningthou oinaba khanbikhi. 31 eningthou ebungngona awaaba nattraga nungaaitaba leipham thokte. maramsina arembada ee taahanbidaba phei adugaa eningthouna esaana laman karigi khumgadage? Eesor-na eningthoubu kubiba matamda nanaainubibu kaobiganu."
32 Davidna maangonda haayrammi, "Israelgi mapu ebungngo, Eesor-na ngasi kouba nongsida nahaakpu thaaraktuna eigi enaakta lakhallibasi thoidokna yaaiphaba amani. 33 Nahaakna khanjariba waakhandu achumbani adugaa nahaakpusu ebungngona bor pinabiba oisanu. Nahaakna eibu ekhutmakna laman singlamgadoubadudagi kanbire. Ee tahanduna eigi eran leiramgadaba matangdasu nahaakna eibu ngakthokpire. 34 Eina nahaakpu dandi pige khallambadudagi ekhut paayduna chingthokpikhiba Israelgi Mapu ebungngo Eesor-na saakhi oisanu karigumba nahaakna khonglei thuna laklamdrabadi, ayuk youdringeida Nabalgi emungda nupaa haaybadu amatta leiramloi." 35 nupiduna purakliba khudon-singdu makhutmakna louraga Davidna haayrammi "nayumda nungaaina hallo. Nahaakna haayjariba pumnamak eina yaabire."
36 Abigailna matamduda ningthouna tougadouba achouba chaak-khangba adumna chaakkhangliba Nabalgi manaakta laakkhi. mahaak yunachingba thakladuna numittu Mathawaai yaamna nungaairammi. ayuk oidriba phaaoba Abigailna Nabalda waa amatta ngaanglamde. 37 ayukta Nabal yu ngaaoba pharammi. Abigailna maangonda thok-khiba pumnamak tamlammi. waadu taabada thuk laoba amaa phaaokhibadagi adum pangthakhirammi. 38 Numit taraanigi manungda Eesor-na Nabalbu sihankhi.
39 Davidna Nabal sire haayba taabada haayrammi, "nabalgi makhutta ekaaiba phangkhibagi laman singbiriba Eesor-bu mapaan naaidana thaagatpham thok-e. ebungngona mahaakna manaai oiriba eina phattaba thabak tougadoubadudagi kanbikhi. Nabalna toukhiba phattaba thabaktugi mahei lepna phanghanbire. "Masigi matungda Davidna Abigailbu luhonge haayduna mi thaakhi. 40 Davidki manaaisingna Carmelda laaklaga Abigailda haayrammi, "Davidna eikhoybu nahaakki nanakta thaaraklibani maramdi ebungngona nahaakpu ebungngo-gi taalloi singda chalhanningi.
41 Abigailna marai luktharaduna haayrammi, "eidi ebungngo-gi manaainubini, ebungngo-gi manaaisinggi khong hamnabagidamak sem saaribani." 42 Mahaakna khongle thuna hougatladuna lolaa amada tongkhatlammi. Abigailgi loinabi mangaga Davidki manaaisingduga laaklaga Davidki taloi singda chankhi.
43 Davidna Jezreeldagi Ahinoamsu taloi oinaa loukhi. Masigi matungda Abigailbu mahaakki nupi oinaa loukhibani. 44 Cheiraksida Saulna machaanupi Davidki taloi oirambi Michalbu Gallimda leiba Laiski machaa-nupaa Paltielda luhongduna pikhi.