Jeremiah 20
1 Jeremiahna asumna waa phongdokpadu Immergi machaanupa Pasur haayba purohit Eeshorgi ningnashanggi luchingba aduna taarammi.
2 Pasurna waa taakthokpa Jeremiahbu phurammi. Mahaakna Eeshorgi ningnashang leiriba Benjamingi mathak thangba sannatho-ngduda leiriba pukkeiduda Jeremiahbu punduna thamlammi.
3 Mathanggi numitta Pasu-rna Jeremiahbu pukkeida puduna tham-lambadagi thaadoklaba matamda Jeremiahna maangonda haayrammi, "Eeshorna nahaakki namingdu ningshingde, he Pasur, nahaakki nathakta awaa-anaa tahangadouri.
4 Maramdi Eeshorna asumna haaybiri, "yeng-u, eina nahaakpu akibagi mashak oihan-gani. Nahaakki namit mamaangda makhoy thanggi mayada chatkani. Eina Judahbu Babylongi ningthougi makhutta pithokkani. Mahaakna makhoybu thangna kaktuna haatkani.
5 Asigidu mathakta saaharsigi lan thum, Judahgi ningthougi pukkeida leiriba lan thumnachingbashingdu makhoygi yeknabashinggi makhutta taahangani. Makhoyna haayribashingsibu neithektuna tumna maanghallaga Babylonda pukhigani.
6 Pasur nahaakka loynanaa nahaakki emungda leiribashingdu loi chatkani. Nahaak Babylonda loi chatkani. Maphamduda nahaak shigani aduga maphamduda nahaakpu phumbigani. Nahaakka loynanaa laanna waa takthokkhiba narupshingdusu shigani.
Jeremiahna Eeshorda waakatpa
7 He Eeshor, nahaakna nanaaibu minambire, eibu minambire, eingondagi nahaakna napangal kanba helli, maramsina nahaakna eibu namhatpa ngammi, numit chuppagi eihaak migi noknapham oire, mi khudingna eibu noknari.
8 Eina karigumba waa ngangge haayduna echinsi kathokpa matamda kappana halli, eina laaojari, "khudongthiba nangle tumna maangle" oiri Eeshorgi yawaadi, eigidamak numit chuppagi mingchat thiningai.
9 Eina mahaakpu ningshinglaroi natraga mahaakki maming pallaroi haayna ninglabasu mahaakki waaheidu eigi thamoinungda chakliba meigi matougumna leiri, pakkhre eigi saruda mahaakki waaheishingdu. Maasibu phumduna thambada eihaak khaangba ngamdre.
10 Amana amada chiron tounaba eina taare, maikhei khudingda akibana thalle, haayri channaraba marupshingna, "mahaakpu leikha taahallu, mahaakpu leikha taahallu. Yengli makhoyna eigi khudi thiphamdu mahaakpu loushing touduna phaba ngamba yaai haayri, adu oirabadi mahaakki mathakta laman shingba ngamgani ningli.
11 Akanba amadi chokthaba leitana Eeshorna eibu eteng pangbiri, maramsina eibu ot neige haayna ningliba mishingdu khudi thigani, makhoyna eibu laakhatpa ngamloi, makhoy haayningngai leitana ekaaiba nanggani, makhoyna touge ningliba thabaktu maay paakpa ngamloi. Makhoyna nangkhiba ekaaibadu keidoungeidasu kaoba leiroi.
12 Nongthak nongkha anigi Eeshor, ashengbashingbu chaang toubiriba, thamoi amadi pukningbu chaang toubiriba, nahaakna khumgigadaba lamdu nanaaibu uhanbiyu, ebungngo nahaakki naphamda nanaaigi waaphamsi hanggatchari.
13 Eeshorgi khuyaakhaada eshei shakchou, Eeshorbu thaagatlu, phattabashinggi makhuttagi mahaakna laairabashingbu kanbi,
14 Eina pokkhiba numittu awaabagi mashak oiramgani, emana eibu pokpiba numittu aphaba numit oiramloi.
15 Ipada eihaak pokpagi paao tambikhiba nupaadu awaaba nangba oisanu. "Nacha nupaa amaa pokle haayduna mahaakpu nungaaihankhiba nupaadu awaaba nangsanu.
16 Eeshorna thoujaan utpiba leitana manghanbikhiba saaharshingdugi matougumna adugumba nupaadu waana lelhanbiyu, taagani mahaakna ayukta khoiraang khoishaaoba wa, ugani mahaakna numit yungba matamda pukning waabagi erang
17 Mahaakna eibu puknungda leiringeida hatpikhidaba maramna emada eigi mongpham oikhide. Maramsina mahaakki angaang khaodu mahei yallabini.
18 Puknungdagi eina taaibang phaorakpasi awaaba amadi anaaba unanabara? eigi epunsisi ekaaiba nangduna lennabara?