Daniel 3
Nebuchadnezzarna sanaagi murti khurumnaba yaathang piba
1 Ningthou Nebuchadnezzarna feet 90, waangba aduga feet 9 paakpa sanaagi murti amaa shaarammi. Mahaakna maasibu Babylongi manung chanba Dura kouba maphamduda yungladuna tham-lammi.
2 Haayriba thoudoksigi matungda ningthou Nebuchadnezzarna jiladarshing, waayenbashinggi makok oiribashing, ningthougi mahut shinduna leibaak ngaklibashing, ain heibashing, langei pannabashing, bicharpatishing, waayenbashing, amadi leibaaktuda leiriba phamnaaibashingdu ningthou Nebuchadnezzarna shaaba murtidu sanggabada laaknaba paao thaarammi.
3 Matamduda jiladarshing, waayenbashinggi makok oiribashing, ningthougi mahut shinduna leibaak ngaklibashing, ain heibashing, langei pannabashing, bicharpatishing, waayenbashing, amadi leibaaktuda leiriba phamnaaibashing loynaba ningthou Nebuchadnezzarna shaaba laai murtidu shaangnabagidamak laaklammi. Makhoyna ningthou Nebuchadnezzarna shaaba laai murtidugi mamaangda leplammi.
4 Matamduda paao laaothokpa nupaa amanaa khonjen waangna laaoraduna haayrak-e. "tilliba miyaam, Jaatshing, amadi tongaan-tongaanba lon lollibashing, nakhoygi naphamda khanghanningba waaphamsi munna tabiyu.
5 Nakhoyna khongnaba machi, asangba basi, pena, sitar, sarngi, amadi sahanainahingba jantrashing paayduna khonglakpagi makhon hek taabada ningthou Nebuchadnezzarna shaaba sanaagi laai murtisigi mamaangda nakok nongadabani.
6 Kanaagumba mina masigi mamaangda makok nonthaaduna haayriba murtisibu khurumdrabadi adugumba nupaadu achakpa meida hunjingani. "
7 Maramsina asangba machi basi, pena, sitar, sarngi amadi sahanainachingbagi makhon tabamaktada maphamduda tillamliba mishing, Jaatshing, lon mannadabashing pumnamakna ningthou Nebuchadnezzarna shaaba sanaagi laai murtidugi mamaangda makok ninthaaduna khurumlammi.
8 Matamduda kanaagumba Chaldean amaa thoraklaga Jewishshingbu yaamna thina maraal pirammi.
9 Makhoyna ningthou Nebuchadnezzarda haayrammi, " he ningthou, punsi tolloiba oisanu.
10 He ningthou, Ebungngona yaathang amaa pinabire. Machi asangba, bangsi, pena, sitar, sarngi amadi sahanaigi makhon taaba pumnamak sanaagi murtisigi mamaangda makok nonthaaduna khurumgadabani haayna taakpikhi.
11 Kanaagumba maasibu khurumdaba midubu achakpa meinungda hunjingani haaybikhi.
12 Babylongi jila amadi leibaakki thouramda leibaak ngaakpa oinaa Ebungngona khandokpikhiba Jewish khara leire: Makhoydudi Sadrach, Mesach, amadi Abednego nachingbashingsini. He ningthou, haayriba mishingsina Ebungngona haayba waadu thousade. Eningthouna shaabikhiba sanaagi laai murtidu haayria mishingsina khurumde.
13 Matangduda ningthou Nebuchadnezzarna ashaaobana mei houraduna Sadrach, Mesach amadi Abednegobu mahaakki mamaangda puraknaba yaathang pirammi. Makhoyna haayriba mishingsibu ningthougi mamaangda purakrammi.
14 Nebuchadnezzarna makhoyda heirammi, "he Sadrach, Mesach amadi Abednego, eina shemba sanaagi laai murtisi nakhoy ahumna khurumde haayribasi chumbra?
15 Eina shaakhiba laai murtisi khurumnaba nakhoyna asangba machi, bangsi, pena, sitar, sarngi amadi sahanainachingbashingsi khongba matamda nakok nonthaaduna leirabadi phei. Adubu karigumba nakhoyna haayriba laai murtisi khurumdrabadi, achakpa meida nakhoybu langshingani. Eigi ekhuttagi nakhoybu kanbigadaba laaidu kanaano yengsi?"
16 Sadrach, Mesach amadi Abednegona ningthouda paaoukhum pirammi, "he Nebuchadnezzar, haayriba waaphamsigi thoidokpa paaoukhum leite.
17 Karigumba nahaakna haayriba waadu paangthoklabasu eikhoyna ningjariba Eeshorduna eikhoybu achakpa meidagi shoydana kanbigani. Ebungngo mahaakna eikhoybu nahaakki nakhuttagi shoydana kanbigani he ningthou.
18 He ningthou, eikhoydi nahaakki laaidu khurumloi. Nahaakna shaaba sanaagi murtidu ningloi."
19 Maasi taabada Nebuchadnezzarna shaaobana haaypham khangdraaduna Sadrach, Mesach, amadi Abednegogi mathakta khana yenglammi. Meiphudu sharuk taret henna sana mei thaana-naba mahaakna yaathang pirammi.
20 Mahaakna laanmishinggi maraktagi akanba mi kharada Sadrach, Mesach, amadi Abednegobu phaaraga punnaba yaathang pirammi. Makhoybu achakpa meiphuda thadanaba yaathangsu pirammi.
21 Haayriba nupaa ahumsi maphi-maron khonggrao, phurit, tupi amadi atei atei maphiga loynanaa pullaga chakliba meiphududa thadarammi.
22 Ningthougi yaathangdu yaamna kallammi. Meiphududagi thorakpa asaba meiridu Sadrach, Mesach amadi Abednegobu phariba mishingdu chakthekkhirammi.
23 Sadrach, Mesach amadi Abednegonachingba nupaa ahumsisu meinungda pullap taarammi.
24 Mataangsida ningthou Nebuchadnezzarna ngakladuna phamphamlangdagi khonglei thuna hougatlammi. Mahaakna jadu heibashingduda haayrammi, "eikhoina nupaa ahumsibu pullaga meinungda thaadaba nattra?" "Makhoyna ningthouda paaoukhumlammi, “Eningthou ebungngo, taakpiribadumakni."
25 Ningthouna maduda haayrak-e, "adubu eina apha apun leitraba nupaa mari meinungda koyna chatpa ui. Makhoy meina chaktre. Marishuba nupaasigi mamaisi laaigi machaanupagi maaythongga maannei. "
26 Matamduda Nebuchadnezzarna achakpa meiphugi thongjinda laaklaga haayrammi, "wangchaoraba amadi shengthoiraba Eeshorgi manaai oiriba Sadrach, Mesach amadi Abednego, thoraklaga maphamsi taanna changsillak-u." maramsina Sadrach, Mesach amadi Abednegona meinungdagi thora klammi.
27 Mataangsida jiladarshing, waayel makok oiribashing, ningthougi mahut shinduna leibaak ngaklibashing amadi ningthougi ain heiraba mishingduna amatta oinaa thoraklaga haayriba mishingsigi mashaadu paayduna yengba matamda meidu karigumba pangal amata leiramde haayba khangkhi. Makhoygi makokta houriba sham phaaoba meina chakkhide. Makhoyna shetliba phidu phaaoba chakkhide. Meirina makhoyda waaibagi meisut manam phaaoba namkhide.
28 Nebuchadnezzarna haayrammi. "dut thaarak tuna ebungngo mahaakpu ningjariba amadi thajariba manaai Sadrach, Mesach amadi Abednegobu meinungdagi kanbikhiba Eeshordu thoina henna chaaoba oisanu. Ebungngo mahaakna ningthougi yaathangdu aremba shingda taahanbire. Atopa laibu ningjabagi mahutta makhoygi Eeshordu khurumjanaba makhoybu kanbire.
29 Maramsina eina yaathang amaa touribasini: kanaagumba mishing Jaatshing amadi atoppa lon lollibashingna Sadrach, Mesach amadi Abednegogi Eeshordugi mayokta waa ngaangba leirabadi adugumba nupaadu makhong makhut thudekkani. Aduga adugumba nupaadugi mayumdu tumna maanghan-gani. Maramdi thokhriba asigumba kanba ngamba laai atei amaa leiraroi."
30 Maramsina ningthouna Sadrach, Mesach amadi Abednegobu Babylonda mapham chaaona haplammi.