Ruth 1
Elimelek amadi mahaakki emung manungna Moabta chatpa
1 waayelba-singna pallingei matamda maalemsi sinbaa thungna chaak tangba amaa thokkhi. Matamduda Judah-gi Bethlehemda leiba kanaagumba nupaa amaa matu amadi machaa-nupaa aniga loynanaa Moabki lamda loutangba chatlammi. 2 Haayriba nupaasigi maming Elimelek kourammi. adugaa mahaakki nupigi mamingna Naomi kourammi. machaa-nupaa anidugi mamingna Mahlon amadi Kilion kourammi. Makhoy Judah-gi manungda leiba Bethlehemda taaba Ephrathki mising oirammi. makhoyna Moabki lamda chat-tuna matam kuina leikhi. 3 Naomigi mapuroiba Elimelek maphamduda nonggaakhi. maramsina Naomi machaa-nupaa aniduga leihoure. 4 machaa-nupaa anisina Moab ningolsingbu nupi oinaa loukhi. Makhoygi nupi anidugi mamingdi Orpah amadi Ruth kourammi. Maphamduda makhoy chahi amarom leirammi. 5 Masigi matungda Mahlon amadi Kilion animak nonggaakhirammi. Matou asumna Naomi machaa-nupaa ani amadi mapuroiba kainabagi meichaak phangkhi.
Naomi amadi Ruth aninaBethlehemda hallakpa
6 Naomina mamou-nupi Ruthka loynanaa Moabki lamdamdu thaadokkhi. Mahaakna Moabki lamda leiringeida Eesor-na maraang kaina chinjaak pinabire haayba paaosi taakhi. 7 maramsina mahaakna mamou nupi aniduga loynanaa haanna leiramba maphamdu thaadokkhi. makhoyna Judah-gi lamdu younaba khongsaankhi. 8 Naomina mamou nupi aniduda haayrammi "chatlo, nakhoy animak napamda hallo. nakhoyna asiba-sing amadi eigi ephamda lunaa channa toubikhibasigumna Eesor-na nakhoybu chetna channa toubiba oisanu. 9 nakhoy animak napuroiba amam-mam phangduna mara tana palhanbinaba Eesor-na kubiba oisanu." maasi haayba loiraga mahaakna mamou nupi anidubu chuppirammi. Thoudoksida mamou nupi anidubu chup-pirammi. Thoudoksida mamou nupi anidu khonjen waangna tengthaaduna kaplammi.
10 Makhoy anina Naomida haayrammi, "natte, eikhoysu emagi tung enjage."
11 adubu Naomina makhoyda haayrammi, "imom oibising, napam napamda hallo. Karigidamak nakhoyna eigaa loynanaa chatlugadage? nakhoygi napuroiba oiraklaba echaa pokkadoubasu leitre. 12 emomsa, hallo. houjik eihaak kanaagumba amada yum pangadoubasu matam chaade. Eina karigumba matam leiduna ngasi ahingsimak kanaagumba nupaa amaaga phidinnarabasu adugaa echaa-nupaa amaa poklabasu 13 makhoyna paakhang phadriba phaaoba nakhoyna ngaaiduna leiba ngamgadra? maasi ngaaiduna nouna yum panjagadoubadu tokkadra? emomsa, nakhoygi maramda khantharuraga eigi thamoisi kaire. Eesor-na nakhoybu thoujanbidabasi uraga emagi thamoisi nungaaite." 14 maasi taabada makhoy anina khongjen waangna tengthaaduna kapkhi. Orpahna manembu chuptuna bidai toukhi adubu Ruthti Naomibu thaadokkhide.
15 Naomina haayrammi, "Ruth, nahaakki nachandi mahaakki mising amadi mapaa mapugi laaisingna leiphamda hn-khre. Nahaaksu mahaakna chatlibasigumna chat-lo."
16 Ruthna khumlammi, "ema, emabu thaadoklo haaybasi taakpiganu. emagi tunginjage. Palem nahaakna chatpa mapham khudingda namom oibi eina heina tung enjagani adugaa palem nahaakna leiba maphamda namom oibi eisu leijage. Palem nahaakki misingdu namomgidu marini adugaa palemna ningliba napuroi ebungngodu namomgisu epuroini. 17 Palemna siba maphamduda namomsu sigani adugaa maphamduda namom oibi eisi phumhn-gani. asibaa koubaduna nanaaibu khaaidoknaba phaaobada Amonna ningjaribasi Eesor-na thunghanbigani." 18 Ruthna mahaakpu thaadoktuna chatlaroi haaybasi khanglabada chatlo haaykhide.
19 Makhoy Bethlehem youba phaaoba chatkhi. makhoyna Bethlehem youba matamda maphamduda leiramba misingdu makhoybu ubada thoidokna ngakkhi. nupi oibisingna asumna haaynakhi, "masibu Naomi nattra?" 20 Mahaakna makhoyda haaykhi, "houjikti eibu Naomi haayna koubiraganu. maadugi mahutta eibu Marah haayna chinggoinabiba yaai. waangthoiraba mapuduna eibu kubidre. 21 Eina chatkhiba matamda awaatpa karisu leikhide adubu hallakpa matamda Eesor-na eigi haayba karisu khakpidre, Eesor-na awaaba taahanbirabada adugaa waangthoiba Eesor-duna kubidrabada karigidamak mayaamna eibu Naomi haayna koubigadouribano?
22 Moab ningol Ruth koubi nupiduga matou asumna Naomi Moabki lamdagi Bethlehemda hallakkhi. Matamdu phou lokpa thaa oirammi.