Nehemiah 4

Nehemiahna thabak thingkhibasingbu namthaba

4 eikhoyna chekpan saagatpa loire taabada Sanballat yaamna saaorammi. maramsina mahaakna Jewsingbu karemnarammi. 2 mahaakki marupsing amadi Samariagi laanmisinggi maangda asumna haayrammi, "aapangba Jewsingna touribasi karino? makhoyna maphamsibu nouhounana sem-gatke ningli, thounachingba paangthoklaga thabaksi nongmada loiba ngamgadra? machet-makaay punsillaga makhoyna nungjaao olhanba ngamgadra? Meikhakna chekpan saaba yagadra?"

 3 Matamsida Tobiahsu mahaakki manaakta leptuna leirammi adugaa mahaakna haayrak-e, "makhoyna sajariba chekpansi karisu natte. maasidi lamhui amanaa phaaoba ngabada kaigadabani."

 4 maasi taabada eina haayjarammi, "he epuroi, makhoyna eikhoybu noknabiribasi tabiyu. Makhoygi Maransi makokta taahanbiyu. Laanpha oinaa pukhiduna awaaba nanghanbiyu. 5 Makhoygi maraal ngaakpiganu adugaa makhoygi phattaba thabaksingdu kaaothokpiganu. makhoyna thabak touriba eikhoybu kayaada thina ngaanglibano khangbiyu."

 6 miyaamna thabak adu loiningba maramna maakha taana chatthaarakpana chekpandu tangkhay challammi.

 7 Arabs, Amoni, Asdodki Sanball at amadi Tobiahna Jerusalem saagatpagi thabak phajanaa chathari amasung atek akai loina mensinba loire haaybasi taabada yaamna saaorammi. 8 Marmsina makhoyna tinnaraga Jerusalemda laandaduna chaikhaainaba hotnakhi. 9 adubu eikhoyna epuroida haayjabaga loynanaa ahing nungthin animaktta ngak sennaba mi thamkhi. 10 Judah-gi misingna thoudoksida esei amaa saklammi:

 "Potlum pumanduna epaanggal hantharakle, Semjingadouba akai atoisi yaammankhre. Ngasi chekpansi saagatpa loigani ningdre."

 11 eikhoygi yeknaba-singna amaromda haayri, "makhoyna khangdri udringeida eikhoyna makhoybu haatkani. eikhoyna touriba thabaksi maakha chatthahalloidoubagi thouraangli. 12 Makhoygi marakta leiriba Jewsingna saharsida laakpa matamda mapham khudingdagi mi khomlaga eikhoygi ethakta laandagani haayri. 13 makhoyna laandarakpadu ngakthoknaba haayduna thang, ta amadi lirung paayba mi kayaa loisindriba maphamsingda ngak senduna leiri.

 14 miyaamgi pukningda awaaba phaore haaybasi khanglabada eina makhoygi luchingba amadi makhoy masaada haairam-mi, "eikhoigi yeknaba-singsibu kiruganu. Eesordi matik mayaai leibani adugaa nakhoygi nachin nanaaosing, nachaasing amadi nakhoy nakhoygi nupi amadi emung manunggi yengduna lan-thengnagadoubani." 15 eikhoygi mayokta touge ninglibadu eikhoyna khangkhre haaybasisu makhoyna khanglabani. Masigi matungda eikhoyna loina chekpan khagat-pagi thabaktuda maay onsinkhi. 16 Haayriba thoudoksigi matungda eigi mi tangkhay amanaa thabak surammi adugaa tangkhay amanaa thang, ta amadi lirung paayduna sangkhi. eikhoygi erakta yaaoriba luchingba-singduna miyaamna touriba thabaktuda mateng pikhi. 17 leibaak thollibasingduna makhut namana pallong paayba matamda atoppa makhut aduna khutlai pairammi. 18 Yum saaba khudingmak makhoygi nakanda thang thamlaga thabak surammi. Khudong thiba matamda gangsi khingadouba nupaadu eigi enaakta leirammi. 19 miyaam amadi makhoygi luchingba-singduda eina haayrammi, "thabaksi chathaarakpana eikhoy amanaa amadagi yaamna thappa maphamda sunare. 20 Karigumba nakhoyna gangsi khingba hek taaba matamda eigi enaakta laakkadabani. eikhoygi epuroina eikhoygidamak laan soknabigani." 21 asumna nungtigi ayuk aangaanbadagi numidaang youba phaaoba tangkhay amanaa thabak suraga atoppa tangkhay amanaa thang, ta amadi lirung paayduna ngaksenkhi.

 22 Matamsida miyaamda haayrammi, " luchingba-singna numidaangda Jerusalemda manaai masansingga loynanaa lekpiyu. makhoyna ahingda ngaksellabasu nungthin-gi matamda thabak subaa yaai. 23 eidi ahing oiraba phaaobada phinachingba louthokkhide adugaa asidasu nattana eigi erupsing, enaising amadi eibu sennariba misingna phi louthokkhide. eikhoyna khutlaisu thaakhide.