Ephesians 4
Ishorna koubibada amata oibagi wakhal yaoba
4 Maram aduna prabhugi damak phadok eina nakhoibu haijari, haibadi nakhoibu koubiba makou adugi matik chana chatpiyu; 2 Pukning nembaga amasung tappaga loinana, kuina khangbaga loinana nungsibada amana amabu khangbiyu; 3 Ingthabagi apunbada thawaigi amata oiba adu ngaknaba thawai yaona hotnabiyu. 4 Nakhoibu koubibagi tarang tarang khangna ningba amada koubagumna, hakchang ama amasung thawai ama, 5 Prabhu ama, thajaba ama, baptist louba ama; 6 Pumnamakki Ishorsu mapasu oibiriba ama, Ibungo mahakki pumnamakki mathakta, pumnamak sinba thungna, amasung pumnamakta leiri. 7 Touigumsung eikhoi amamamda Christagi khudon-gi chang matung inna thoujal adu pibire. 8 Adugi maramna Ibungo mahakna hai,
Ibungona mathaklomda kakhatpa matamda,
aphabasingbu phaduna chingle, amasung mishingda khudon pibire.
9 (Ibungona kakhatkhre, haiba asidi prithibigi makhathangba maphamda Ibungona kumsu kumtharamkhi haiba nattana karino? 10 Kumtharamba Ibungodi pumnamak thalhannanaba, sarga pumnamakki mathaklomda kasu kakhatkhiba Ibungo adumakni.)
11 Amasung Ibungona kharabu pakhonchatpa, kharabu Ishorgi wa takthokpa, kharabu aphaba wapao sandokpa, amasung kharabu singlup chingbiba aduga tambiba mi oinaba pinabire. 12 Eikhoi pumnamakna thajabagi amasung Ishorgi macha nipabu pumkhang khangbagi amata oiba, 13 Mapung pharaba nipa oiba, Christagi athanbagi marepki chang oiba adu thungdriba phaoba makhoi aduna asengbasingbu changkhonhannabagi damak, thougan-gi thabakki damak, Christagi hakchang sagatnabagi damak oiribani.
14 Mishinggi khutlei-nareida marei marada, aranbagi lounam matung inna, paotakki nungsit pumnamakna humdok humjin touba amasung koipu puba angang apisak ekhoi amuk oidaduna, 15 Adubu nungsibada achumba ngangduna, makok oibiriba Christagida pumnamakki marida chaokhatnanabani. 16 Ibungodagi hakchang pumnamak tangsam khudingna samjinnabagi mapanna chap chana chansinnaduna amasung tusinnaduna, tongan tonganba saruk amamamgi changda thabak toubagi matung inna, nungsibada masa mathantabu sagatpa phaoba hakchanggi chaokhatpa adu semmi.
Ariba amasung anouba mipan
17 Maram aduna asi eina hairi amasung Prabhuda sakhi piri, haibadi, atoppa jatsingnasu makhoigi pukninggi arembada chatpagumna nakhoina amuk chatkanu. 18 Makhoigi manungda khangdaba leibagi maramna, makhoigi pukning kanbagi maramna, makhoigi khangba mamlaktuna, makhoina Ishorgi thawaidagi mitop oirakle; 19 Amasung makhoigi pukning kansillaktuna, apenba naidana sengdaba pumnamak tounanaba, apaibada makhoi masa pithok chare.
20 Touigumsung nakhoina Christagi maramda adugumna tamkhide, 21 Nakhoina Ibungogi khonjel taraba, amasung Jesusda achumba leibagumna, Ibungoda tamjaraba aoiba oirabadi; 22 Nakoina nakhoigi hanna pallamba mipan-gi marida, minambagi apambagi matung inna mangliba ariba mi adu thadok-u. 23 Aduga nakhoigi pukninggi thawaina nouhanduna, 24 Ishorgi matung inna achumbagi dharmachenba amasung asengbada semkhraba anouba mi adu nakhoina setlo.
Nongma nongmagi panba mipan-gi pathap
25 Maram adugi damak minamba thadoktuna nakhoi mi khudingna magi magi keiroi leikaiga achumba ngangnou; maramdi eikhoi amaga amaga masa amatani.
26 Saorabasu, pap touganu; nakhoi saoringeida numit tahanganu;
27 Diyaboldasu mapham piganu.
28 Huranba mahak aduna amuk hurandasanu, adubu madugi mahutta mahakki khutna aphaba thabak adu touduna, awatpa mi aduda yenbinaba mahakki leinanaba nomjasanu,
29 Nakhoi nakhoigi chindagi phattaba wa kari amata thoktasanu, adubu atabasingda thoujanbinanaba kannaba matamda sagatnabagidamak asigumba aphaba thoksanu.
30 Aduga Ishorgi thawai asengbabu; handokpiba numit phaoba Ibungo mahak nakhoigi chum oibire.
31 Akhaba, meihouna saoba, asaoba, laokhongba, amasung thina ngangba pumnamakka kallakpa pumnamakka loinana nakhoidagi louthokpa oisanu.
32 Aduga nakhoi amaga amaga channou, pukning nouba oiu; Ishornasu Christagi mapanna nakhoibu kokpiraba adugumna, nakhoi amaga amabu koknou.