2 Chronicles 16

Israelga khatnaba

(1 Ning 15:17-22)

1 Asana paanba kunthraataruk shubaa chahida Israelgi ningthou Baasana Judahgi mathakta laan houkhi Ramahda kila amaa sajinduna Judahgi ningthouga atoppa leibaakka phaodok phaojin tounaba laambeldu thingkhi.

2 Matamsida Asana Eeshorgi ningnashangda leiriba sanaa amadi silver puthoktuna Damascusta leiba Syriagi ningthou Benhadadta loipot kaaduna asumna haayhankhi,

3 " epa amadi napaagi mathakta yaanaba amaa leirambadugumna ebannisu yaanaba amaa thamsi. madugi shakkhang oinaa sanaa amadi silver thaajakhibani. Eigi ethakta laandaraktanba Israelgi ningthou Baasagi mathakta laandabiyu."

4 Ningthou Asana haayjaribadu Benhadadna yaarammi maramsina mahaakki laanmi thaaduna Israelgi mathakta laandahallammi. Laanphamsida makhoyna Ijon, Dan, Abelmain aduga Naphtalinachingba saaharshingda peiriba chinjaakki pukeishingdu loushinkhi.

5 Waaphamsi taabada Baasana Ramahda kila saabadu lepkhi.

6 Matungda ningthou Asana Judahgi mishing khomduna Ramahda kila sagani haayduna peiramba ubaa aduga nungnachingba pumnamak hondokhankhi. Masidagi purakpa machakshingsi shijinnaduna Geba amadi Mizpah shaagatkhi.

Maaichou Hanani

7 Hanani kouba maaichou amaa leirammi. Mahaakna Judahgi ningthou Asada laaklaga haayrammi, "Syriagi ningthouda henna thaajaba thamduna napuroi Eeshorbu Miraiba maramna Israelgi laanmishingdu nahaakki nakhutta takhidabani.

8 Sudann amadi Libyangi mishing laakngamdaba laanmi leiramba nattra? Matamduda nahaakna Eeshorbu konshin-janaba maramna makhoybu eraai laaina laangamkhi.

9 Taaibangsi thungna Eeshorna ngaksellibani. Thamoi chumna ebungngo maangonda changjaba mishingduda paanggal haappibani. Nahaakna yaamna paangna thabak toukhiba maramna matamsidagi houraduna laan thengnaba taare."

10 Waasi taabada Asadu shaaomanduna yotli thaangduna maaichoudubu thamkhi. Matamsidagi houraduna Asana mi ateibusu thina tourammi.

Asana ningthou oiba loisinba

                                                                   (1 Ning 15:23-24)

11 Asana pallingeida thokkhiba thoudo-kshing ahoubadagi aroiba phaaoba Judah amadi Israelgi ningthouron eba laairikta esinduna leiri.

12 Asana ningthou oiba chahi kunthraanipalshuba matamda makhoyda laaithung paktuna chatpa ngamkide. Adubu maasi thoklaba phaaobada mahaakna matenggidamak Eeshorda changjaramde. Ahoinadum mahaakna maaibashinggi mateng lourammi.

13 Chahi anirom leiraga mahaak nonggaakhi.

14 Davidki saaharduda mahaakna siraga phumnaba-gidamak toukhiba chingduda leiba mongphamduda mahaakpu phumbikhi. Makhoyna mahaakpu ekaai-khumnaba utpa oinaa mei yaamna chaaona thaarammi.