1 Corinthians 5

Singlupki manungda ikaiba wathok amagi maram

5 Nakhoigi narakta marumbi thamba lei haiduna pao sengna tamlare, amasung asigumba marumbi thamba asi atoppa jatsinggi maraktamaksu leite, haibadi, kanagumba amana magi mapagi nupibu thamle. 2 Amasung thabak asi touraba mahak adubu nakhoigi naraktagi louthoknanaba tengthabagi mahutta nakhoina chaothokle. 

3 Maramdi ei thanggei sengna, isa yaojadrabasu, ithawainadi yaoduna, thabak asi asumna touba mibu ei yaojabagum wayelkhre, 4 Haibadi, eikhoigi prabhu Jesusgi mingdga, nakhoiga eigi thawaigana eikhoigi prabhu Jesusgi panggalga loinana tinnarabada, 5 Asigumba mibu, Prabhugi numitta mahakki thawai kanibaba yananaba hakchang mangnabagi damak seitanda pithoknabani. 

6 Nakhoigi chaothokpa phajade. Hamei khajiktana matum apumba kainkhathalli haiba nakhoina khangdra? 7 Nakhoi hamei yaodabagumna, nakhoi anouba matum oinanaba, ariba hamei adu pumseng sengdok-u. Maramdi eikhoigi aran-chakkhangbagi yao macha, Christabu, hatkhre. 8 Maram adugi damak eikhoina ariba hameiga kallakpagi amasung phattabagi hameiga loinana chakkhangba adu chadaduna, hamei yaodaba asengbagi amasung achumbagi tan-ga chasi.

9 Marumbi thambasingga totnaganu haiduna eina lairik aduda nakhoida ikhibada, 10 Taibangpan asigi marumbi thambasingga nattraga karambasingga; namjanamtheknabasingga nattraga lai murti latpasingga itot totnaganu haiba natte; maramdi madu oirabadi, nakhoina taibangpandagi chatthokpa tare. 11 Adubu masigumbani, ichin inao minggou thoknaba kanagumbana marumbi thamba, karamba, lai murti latpa wahei thiba, yu ngaoba nattraga namjanamtheknaba oirabadi, mi adugumbaga totnaganu haibata natte, chaba phaoba chaminnaganu haiduna eina nakhoida ikhibani. 12 Maramdi mapanda leibasingbu wayelnba eigi thou kari leibage? Nakhoina manungda leibasingbu wayelba nattra? 13 Touigumsung, mapanda leibasingbu Ishorna wayelli. Nakhoi nasen-gi maraktagi phattaba mi adubu inthok-u.