Ezekiel 23
Aranba toubi nupi machin manao
23 Ishor-na eingonda haibikhiba wasing: 2 Hey nupa, mama amattana pokpi nupi anikhak leirammi. 3 Makhoina Egyptta lamchat mangbagi thabak tourammi. Makhoina leisaringeida peisa khallammi. Maphamduda khomlang patthaba loikhre. Leisabi oibagi upham-dusu manghankhre. 4 Ahandugi mamingna Oholah kourammi. Manao nupidugi mamingna Oholibah kourammi. Makhoi anibu eina lourammi. Makhoina angang nupa amadi nupi kaya pokkhi. Makhoigi atoppa maming amana Oholah hairagana Judahbu khangnarammi. Aduga Oholibah hairagana Jerusalembu khangnakhi.
5 Oholah eina louringei matamda peisa khallammi. Mahakna nungsinakhiba nupadugi mamingdi Assyria kourammi. 6 Hairiba mishingsi landa heisingba, ngannaba phijetna leitengba leibak ngakpa, luchingba, samna hairabada makhoi ningthijaraba naha ngakta oirammi. Makhoina sagol mathakta tongduna chatlammi. 7 Assyriagi khangatlaba nupasingduda mahakna peisa khallammi. Mahakna napnaruba mi khudinggi lai murtisingduda Makok non-thaduna mahak masamakpu manghanjakhi. 8 Egypt leibakta leiringeida mahakna tourakpa peisa khanbagi thabaktu matamdu phaoba thadokkhide. Maramdi mahakna leisaringeida mishingna mahakka tuminnaduna makhoigi hakchan-ggi apambadu mahakki maphamda changduna pennakhi. 9 Maramsina mahakna nungsijariba Assyriagi makhutta mahakpu eina pithokkhi. Makhoidanido mahakna peisa khallibasu. 10 Makhoina mahakki maphi munkhi. Aduga mahakna pokpa macha nupa amadi nupisingbu phaduna makhoina hatkhi. Mahak cheirak phangba matamda nupisingna wari oinakhi.
11 Mahakki machan nupi Oholibahnasu hairibasi ukhi. Adubu mahak peisa khanbaduna machedagi henna tamthikhi. 12 Mahakna Assyriagi luchingbasing, lanmishing, leibak ngakpasing, sapot lanpot setlaba masak matou phajaraba sagol tongbasingduga peisa khankhi. 13 Mahaksu mangle haiba eina khangkhi. Makhoi animak lambel amatada chatminnakhi. 14 Adubu mahakna lamchat mangbagi thabaktu makha tana toutharammi. Mahakna nupasingna chekpanda ngaduna leiba urammi. Chaldeansinggi lai murtidu sindur namduna leiba ukhi. 15 Hairiba laisingsigi makhwangda koina phi yetlammi. Makoktana koiyet asangbi yetlammi. Babylon-gi laising Chaldeansinggi lamdagi hourakpadu yengbada phamnaiba manlammi. 17 Babylonsingna mahakka nungsinarabanina phamungda changlaktuna mahakpu makhoigi hakchanggi apambaduna manghanbikhi. Maramsina makhoigi maphamdagi mahak ningba kaibaga loinana hankhi. 18 Mahakna mina kari hainakhigani haiba chingnaba leitana peisa khanbasida eisu mahakpu uraga tukkachakhi. Mahakki machebu eina khandokkhibagum thadokkhi. 19 Egypt leibakta mahakna peisa khankhiba mahakki leisaringeigi matamdu ningsingladuna peisa khanbagi thabaktu hen-gatna tourammi. 20 Masa yengbada lolagi maong manba nupasingga mahakka lamchat mangbagi thaba tourammi. Makhoina pokpa machadu sagol-gi matougummi. 21 Egyptta leibasingna nasa paiduna leisabi oibagi upham honghankhiba naha oiringeigi matamdu nahakna ningsingjari.
Mapuna manaodubu awapham tahanba
22 Maramsina hey Oholah, Mapu Ibungo Ishor-na asumna takpiri: yengu, nahakna pamdraduna khainaramlaba nahakki nungsibasingdu nahakki mayokta irang houhangani. Maikei khudingdugi makhoibu nahakki nathakta lan houhangani. 23 Nahakki mayokta Baby-londa leiba mishing, Chaldeansing, Pekod, Soa, Koa amadi Assyriada leibasingga loinana masak matou phajaraba pakhangsing, leibak ngakpasing, luchingbasingnachingba sagol tongduna lakhanggani. 24 Makhoina nahakki nathakta landanaba awang haram pangbadagi dolai, gari amadi lanmi yamna puduna lakkani. Makhoina chunggoi macha amadi achouba paiduna lakkani. Makokta landa upnaba tupi uptuna lakkani. Makhoigi makhutta wayel cheiraktu pithokkani. Nahakpu makhoigi wayel cheirak matung inna bichar toubigani. 25 Makhoina nahakpu thina tounaba eigi asaobadu nahakki mayokta tananaba insin-gani. Makhoina nahakki nanaton amadi nanadu kakkani. Nahakki hinghouribasingdusu thanggi mayada chatkani. Makhoina nahakki nacha nupa amadi nupisingdu hatkani leihouribasingdu khambi meina chakkani. 26 Makhoina nahakki naphi mungani aduga nahakki mamal yamlaba leitengsingdu munduna pukhigani 27 Matou asumna nahakna Egypt leibaktagi purakpa lamchat mangbagi thabaktu loisinbigani. Adu oirabaki nahak Egyptta leiribasingdu uraga namit yenglaroi aduga makhoibu kaoba ngamgani. 28 Mapu Ibungo Lainingthouna asumnatakpiri: Nahakna tukkacharabasingdugi makhutta nahakpu pithokkani. Nahakna ningba kaina hallakkhibasingdugi makhutta nahakpu lanthokkani. 29 Makhoina nahakpu tukkachana toubiduna nahakki anommandu mun-gani. Makhoina nahakpu naru koklaba matamda hundopiramgani. Maramsina nahakna peisa khanbagi touruba thabak pumnamak ihang hangna uba phanggani. Nahakna toukhiba lamchat mangba amadi peisa khanbagi 30 Thabaksingduhairibasi nahakki nathakta tarabani. Nahakna jat ateisinga tinnaduna chatkhi lamchat manglaba thabak kaya, makhoigi lai murtisingdugi matung induna nahak nasamaku manghanjakhi. 31 Nahaksu nachegi matougu-mna toure. Maramsina nachegi khubham-du naongoda hanjinbiragani. 32 Mapu inbungo Ishor-na asumna takpiri:
Nachena thaklamba achouba amadi asangba tenggottuda nahaksu thakkani, tenggot ateida happadagi masida happana henba maramna akhaba michei amadi noknabadu nahakki saruk oigani.
33 Nahakna nanggadouriba pukning lousing thoktaba awabadi mapa leiroi, amang ata nangbatana nahakki nachan nupi Samariagi maraibakni.
34 Awabagi tenggottu nahakna tengna thakkani, thakpa loirabada masibu nahakna chagani, masigi matungda nathabakta khudumna sugani. Mapu Ibungo Ishor-na takpiri hairibasingsi eina phongdokkhibani.
35 Maramsina Mapu Ibungo Lainingthouna takpiri: Nakhoina eibu kaothoktuna tungoinana thamli. Maramsina nakhoina touriba phattaba lamchat amadi peisa khanbagi maheidu nakhoina chapham thok-i."
Mapuna machin manaodubu awapham tahanba
36 Ishor-na eingonda wa haibirammi hey nupa, nahakna Oholibah amadi Oholahbu bichar touroidra? Makhoina touba tukkacharaba thabaksingdu makhoida haibiyu. 37 Makhoina matu mawa masak khangdaba thabak toure. Tahalli makhoigi makhutmakna e. Makhoina latliba lai murtisingdugi mamangda makhoina peisa khanbagi thabak touri. Makhoina eingonda pokkhiba icha nupasingdu hairiba murtisingduda saren challi. 38 Asigi mathakta makhoina eigi ithakta toukhiba thabaksing: Hairiba numittuda makhoina eigi ningnashangdu mangthokle aduga potthaba numittusu ngakna chatte. 39 Lai murtisingda makhoigi machsingdu saren channaba lakpa numitta Eigi ningnashangdu makhoina mangthoknaba lak-i. Masini makhoina eigi ningnashangda touriba thabaksingdu. 40 Makhoina paopuba mi thaduna athappadagi minachingba kouhalli. Aduga yengu, hairiba mishingdu lak-i makhoigi manakta. Hairiba laisingsi ningba matamda nakhoina nasa sengdok-i. Namitta kajal thai. Liklang pareng siduna chatli. 41 Nahakna phajaraba phamung amada phamduna madugi mamangda phan ama tharaga nakhoina eigi manam nungsiraba dhup amadi thaonachingba thammi. 42 Ningngaidaba miyamgi khonjelda mahakna nungngaijari. Lamjao lamhangdagi sajat mannaraba miyam kaya amasu lak-i. Makhoina nupi oibisinggi makhutta sibiri khuji. Happiri phajaraba luhup nupisinggi makokta.
43 Matamduda eina haikhi, nupa oibasingna mahakka leiminnaduna peisa khanbagi thabak touba matamda oidribara makhoisu lamchat mangba mishing? 44 Kanagumba amana peisa khanbi amagi manakta changbagi matougumna mahakki maphamda changli, 45 Adubu asengba mishingduna makhoigi nathakta peisa khankhibasingni haiba wayelsi tagani. Makhoida mihatpi nupina phanggadaba dandidu pigani. Nakhoi peisa khanbisingni aduga makhoigi makhutmakna ee tahalli. "
46 Mapu Ibungo Ishor-na asumna takpiri: Makhoigi mayokta lan houraknaba mi kangbu ama lingkhatlu. Mishinggi mamangda oihallu makhoibu akiba amadi taduna leiriba aremba potki matougum 47 Miyamduna makhoigi mathakta nungna thagani aduga thanggi mayada chathalgani. Makhoina hairibasingsina pokpa macha nupa amadi nupisingdu hatkani aduga makhoigi mayumsingdu mei thagani. 48 Matou asumna eina leibaksida touriba lamchat mangbagi thabaksi thadokhanggani. Masi uraga nupi khudingmakna mana mana touramba lamchat mangbagi thabaksingdu thadokkani. 49 Nakhoina touba naramchat phattaba thabaktugi maheidu nakhoina phanggani aduga nakhoina latliba lai murtisingdugi phangpham thokpa dandidusu nakhoida tagani. Matamduda nakhoina eibu Mapu Ibungo Ishor-duni haiba phajana khanggani."