Titus 1

Titusda Paulna iba lairik

Khurumjaba

1 Ishorna khangatpasinggi thajabagi, amasung Ishor ningbagi achumba adubu changkhonna khangnabagi damak, Ishorgi manai amasung Jesus Christagi pakhonchatpa Paul eina lomba naidaba hingba khourangna ninduna. 2 Lomba naidaba hingba adu minamba leitaba Ishorna thaina mamangngeida pigani waleppikhi; 3 Adubu acha achaba matamda wapao sandokpada Ibungo mahakki wa adu phongdokpire; sandokpa adu eikhoigi kanbiba mapu Ishorgi yathang matung inna eingonda sinnabire. 

4 Thajaba mannaba matung inna eigi achumba icha Titusda: Ipa Ishordagi amasung eikhoigi kanbiba mapu Christa Jesusdagi thoujal amasung ingthaba leibisanu.

Ahallamansingbu pham happa

5 Maram asigi damak watlam watlamba makhei adu nahakna mathang manao naina semjinnanaba, amasung sahar khudingda singlupki ahansinggi pham hapnanaba, eina nahakpu Kritta thanambani; eina nangonda takpikhibagumna 6 Haibadi, paothokpa leitaba, nupi amagi mapuroiba oiba, amasung thajaba, wathok lanthokki theijinba leitaba nattraga machat naidaba oidaba machasing leiba kanagumba mi leirabadi, mahakpu hapu. 

7 Maramdi luchingba aduna Ishorgi Dewangumma paothoktaba, marannaigi ningdaba, thuna saodaba, yu ngaodaba, yeina cheinagandaba, shendong karamdaba; 8 Adubu pijapithak phaba, aphaba pamba, pukning phajinba, dharmachenba, asengba, masa khudum chanjaba mi oiba tare; 9 Aduga achumba tambibada insinba amasung wakhetpasinggi maral phongdokpa ngamnanaba, takpiba matung inba thajaba yaba wa adu mahakna chetna paiba tare.

Chumdaba Tambiba mishing

10 Maramdi ayatnba machat naidaba, warem ngangba amasung minamba mi lei, thoidokpadi makhoi un kakpasingdagini; 11 Makhoigi machin menba tare; asigumba mishingna shendong karambagi maramna makhoina tambiroidaba wa tambiduna, ayamba imung apumbabu thugai. 12 Makhoi masendagi makhoimakki wa takthokpa kanagumba mi amana hai,

Kritki mishingdi matam leiba khibikta chinthibasing, phattaba lamshasing, atanba puklaobasingni.

13 Sakhi asi achumbani. Maram adugi damak makhoina Jewssinggi asemba warida amasung achumbadagi leithokkhiba mishinggi yathangda pukning thingjindaduna, 14 Thajabada achumba oinanaba, makhoibu karma warak-u. 

15 Asengbasingda pot pumnamak iseng sengi; adubu amangba amasung thajadaba makhoida asengba kari amata leite; Touigumsung makhoigi wakhansu achum-aran khangnaba pukningsu motle. 16 Makhoina Ishorbu khangi haiduna haidokchei, adubu makhoigi thabakna Ibungo mahakpu yade; makhoidi tukkachaba, haiba indaba, amasung aphaba thabakki damak karisu kannadabani.