Job 2
Satanna Jobpu amuk haanna changtouba
1 Eeshorgi dutshingna Eeshorbu thouganjaba laakpa numit aduda Satansu Eeshorgi maangda changlakkhi.
2 Eeshorna Satanda hanglammi, “nahaak houjik kari kari touri?"
Satanna khumlammi, “‘maalemda koyna chatcharubadagi hanjarakpada mangairi."
3 Eeshorna haayrammi, “nahaak eigi enaai Jobpu chaang tourabra? maalemsida mahaakkumna aphaba amadi achumba thabak touba aduga Eibu kina chatchaba amadi keidoungeidasu phattaba thabak toudaba magumba mi amaa leitre. Maram echaa chadana nahaakna mahaakpu laaknage haayna eingondagi yaathang loukhrabasu mahaak houjik phaaoba lengdri."
4 Satanna khumlammi, "mashabu sidrabadi leijariba pot khudingmak maangkhrabasu karisu leite.
5 Karigumba masha shoklabadi nattraga anaaba cheinakhon pirabadi, mahaakna ebungngobu shoydana cheigani.
6 Maramsina Eeshorna Satanda haayrammi, "phare, mahaakpu nahaakki nakhutta pithokle. Adubu mahaakpu haatpadi yaaroi."
7 Masigi matungda Eeshorgi maangdagi khongshaankhi aduga Jobki mashapumbaa apat apomna thal-hankhi.
8 Jobna amotpa peiriba maphamduda chatlaga chegai amaa khullaga hakatchaba hotkhi.
9 Mahaakki nupina haayrammi, "houjik phaaoba nahaak ebungngoda thaajaduna leiri? Eeshorbu nachin penna cheiraga sikhro."
10 Jobna khumlammi, "nahaakna haayribasi karino haayba nahaak khangde. Eeshorna kubiba matamda haraaona lousilli aduga ebungngo mahaakna awaa-anaa taahanba matamda kari waakatningai leibage?" Jobna awaaba kayaa khaangdunasu Eeshorgi mathakta warouramde.
Jobki marupshing laakpa
11 Jobki yaamna lunaa tinnaba marup ahumkhakna mahaakki awaaba paaosi taabada makhoygi leiphamdagi laaklammi. Makhoydudi: Temandagi Eliphaz, Suahgi Bildad aduga Naamahgi Zophar oirammi. Makhoyna mahaakki awaabadu sharuk yaaminnaruge haayna laakkhi.
12 Makhoyna Jobpu athaappadagi ubaa matamda shaak khangba ngamkhide adubu makhoyna khanglakpa matamda tengkha naoikhi. Makhoyna shetliba phidu awaaba phongdokpa oinaa shegaairammi amasung makhoygi mathakta uphun chaikhatkhi.
13 Mahaakki awaabadu ubaa matamda makhoy numit taratni amadi ahing taret waa amata ngangdana tuminna leibaakta phamduna leirammi.