Micah 4
Ishor-na malemda panba
4 Tungda lakkadaba numitsingda asumna thokkani madudi Ishor-na nganthoibiriba chingdu malemsida leiriba chingsang pumnamaktagi magun leiba ihen hengani. Hairiba chingsina ching pumnamaktagi hengani. aduga mishingna maphamduda atatpa leitana chatkani.
2 Jati kayamarum laktuna haigani, Jacobki Mapu Ibungogi ningnashang Ishor-gi chingdonda eikhoi kakhatsi, eikhoi mahakki lambelda chatlasi maphamduda mahakna eikhoida magi paotak pibigani. Zion-gi puyadu thokkadabani, Jerusalemdagina Ishor-gi yawadu thokkadabani.
3 Mahakna mishinggi mathakta bichar toubigani, athappada leiba akanba jatisinggi maraibaksu mana leppigadabani. Makhoigi thangdagi langgon-gilongkhum sagani, tadagina makhoina lou khaonaba thanggol semgani. Jati amana jati amagi mathakta thangshang haigatlaroi, aduga makhoina lansu tamlaroi.
4 Mi khudingmak magi magi drakha pambi amadi theibong pambi makhada ingna phamgani. Maramdi waphamsi nongthak nongkha anigi mapuna takpikhrabani.
5 Mi khudingmak magi magi laigi maming sonduna chatpa yai adubu eikhoidi matam leiba khibikta eikhoigi Mapu Ibungo Ishor-gi maming sonduna lengani.
Israelna loidagi hallakpa
6 Ishor-na takpiri adugumba numittuda eina lammuknakhrabasingbu punsinbigani, Bandi oina pukhrabasing aduga matu maman sonbasingbu mapanggal happigani.
7 Lambel mangkhrabasingdubu eina iremkhak oina lousan-gani, loi thakhrabasingdubu akanba jat ama oina semgatkani. Matamdudagi houna Ishor-na oibigani makhoigi ningthou Zion chingthakta
8 Yao shanggugi makok, Zion-gi mamomloisinggi ching nakhoigi nakhutta wasaksingdu thunggadabani, nakhoigi mamangngeigi leibaktu amuk hanna lakkani, Jerusalemgi mamomloisinggi leibaktu amuk hanna laklagani.
9 Nakhoi karigidamak kaplibano? Nakhoigi narakta ninghou leitrabara? Paotak pibinabasu leitrabara? Chabokshangda leiribi nupisingumna nakhoi wariba karigino?
10 He Zion-gi mamomloisa, chabokpi nupina toubagumna onna thoina malem thakta hipchou. Houjikti nahak saharsi thadoklagadabani, ahangba lamhangda shang saduna leire, adudagi Babylonda lak-u, maphamduda eina nangbu kanbigani.
11 Adubu houjikti jat kayamarumna nanggi mayokta hai, mahak amangba jat ama oirasanu, adu oirabadi Zionda kari thok-i haibadu eikhoina mit thitna yenggani.
12 Adubu Ishor-gi wakhandu makhoina khangde, hairibasingsidi lou yeiphamda phoubom khombagum khomjankhrabani.
13 Zion-gi mamomloisa, lou yeiba houro, nakhoigi nakoktu yot oihan-gani, nakhoigi napambomduna pithrai oihan-gani, aduga nakhoina mi yamna marai chaithahanba ngamgani. Makhoina namthak touduna tanba landu Ishor-da katkadabani, makhoigi maral mathum pumnamak malemsigi Ishor-da katkadabani.