Isaiah 66
Eeshorna Jaatshingbu waayenba
1 Eeshorna phongdokpikhiba waaheishing: Nongmadonsi eigi shinghasanni, aduga maalemsina eigi khongnetphamni, kadaayda sagani nakhoyna eigidamak yum amaa, eina kadaayda potthaapham oisige?
2 Pumnamaksi eina shaakhibani, pumnamaksi eigini, masimak Eeshorna taakpiri. Eina mityeng taabigadaba midu asini: thawaaydu mahaakki nollukkani aduga shenggani, eigi waa taabada mahaak kibana thak thak nikkani,
3 Thou tounaba san nattraga mi, yaao nattraga hui, mahei marong nattraga okki ee, laai murtida katnanaba dhup thabanachingbasi makhoygi heinarabi lamchatni. Makhoygi thawaayduna haayriba paapna thallaba thabakshingsida nungaaijei.
4 Makhoyna touribasi eisu tourage, makhoyna kina chatliba potshingsi makhoygi mathakta taahangani, eina kouba matamda kanaanasu paaoukhum pikhide, eina waa haayba matamda kanaanasu taakhide. Toukhi makhoyna eigi mityengda araanbashingdu, eina pamjadaba lamchatshingdu chatli nakhoyna ningaidana.
5 Eeshorna haaybiriba waasi taro, ebungngogi waashingda thak thak niklabashing taro: nakhoygi nachin nanaaoshingna nakhoybu tukkachakhiba, kaaothokkhiba nakhoybu eigi minglensigidamak, haayri makhoyna "Eeshorbu thaagatlu, unnaba nakhoyna maangondagi phangjaba nungaaibadu, adubu makhoyni ekaaiba nangadouribasi.
6 Saahardagi thorakliba nil khongbagi khonjen, ningnashangdagi laakliba mathum maraang houbagi makhon, Eeshorna mahaakki yeknabashingbu laman shingbagi makhonni.
7 Anaba khangdana nupina machaa pokpaa yabra? Chaboksangda hiptringeida nupina machaanupa pokthokpa yabra?
8 Asigumbasi kanaagumbana taakhrabara? Asigumbasi kanaagumbana ukhrabara? leibaak amaa shaagatke haayrabadi nongmada oiba yabra?
Mitkupa amagi manungda jaat amabu shemba yabara? adubu Ziondi chaboksangda hek changbaga machaanupashingdu pokkhi,
9 Eeshorna taakpiri, "chaboksnagduda changhanduna pokti pokhallaroidra eina? laanbiba mapu oiriba eina angaang khaogi thongdu thingjingadra? nakhoygi Eeshorna haayribasimak taakpikhrabani.
10 Jerusalemga loynanaa haraaojou nungshina touriba mishing, thamoi penna mahaakka loynanaa haroujou, kaplambashing mahaakki matou yengduna.
11 Matamduda nakhoyna thakkani, nakhoybu yokkhatpirakpa khomdu, nungaaijagani mahaakki mapaan naaidaba khomdu thakpade,
12 Eeshorna asumna taakpiri, turelgi matougunamna mahaakki mathakta eina engthabadu pinabigani, taahangani mahaakki makhutta Jaatshinggi laandu laaija eeshing chaaobagumna, mahaakna thakkani aduga mahaakna nakhoybu manangganda poduna pubigani, sannagani makhoyna mahaakki makhu paayduna
13 Mamana machaabu yokchabagumna pelhan-gani nakhoybu eina, paan-gani nakhoy mara tana Jerusalemda,
14 Masi nahaakna uraga nathawaay haraaojagani, basanta matamda naapi sangbagumna nakhoy tekhatkani, khanghanbigani Eeshorna mahaakki touba ngamba paanggaldu. Mahaakki meiga loynanaa thorakpa shor yeknabashinggi mathakta taagani,
15 Yeng-u Eeshorna mei nettuna laakle, pairakli mahaakna nonglei nungshitki dolai tongduna, thugaaygani mahaakna shaaramba yumshingdu, thok-han-gani meiridu ashaaobagi,
16 Meina chaang touduna Eeshorna waayel-gani, meida chaang touduna mahaakna hingliba mishingbu yenggani, haatkani Eeshorna mi kaya,
17 Amana amagi matung enduna masha shengdokcharaduna leikonda changliba, chariba okki shadong amadi amaangba pot aduga uchinachingba jibaagi masha charibashingdu tumna maanghan-gani. Masimak Eeshorna taakpiri.
18 Makhoyna touba amadi makhoyna khanba waakhan eina loina khang-e. Eina Jaatshing amadi waangaangba thokpa mishingbu khomjinnaba laaklibani. Makhoyna eigi etik eyaaidu laaklaga yenglagani.
19 Makhoygi marakta eina khudam amaa pigani. Makhoygi marakta eina khudam amaa pigani. Makhoygi maraktagi eremkhak oinaa Jaatshing Tarsis, Put, Ludnachingba ten kappa heibashingdugi manaakta thaagani. Thaagani makhoybu eina Tubal amadi Javan aduga samudra mapaanda leiribashingdugi maphamdasu. Maramdi makhoyna eigi etik eyaai tadri. Ukhidri makhoyna eigi etik eyaaidu. Makhoyna Jaatshinggi marakta eigi etik eyaaidu laaothokkani.
20 leibaak khudingdagi nakhoygi mishingdu Eeshorgi makada leirong oinaa katnanaba shagol, dolai, ut amadi khacharnachingba tonghallaga purakkani Israelgi mishingna ashengba pattrada mahei maronggi katnapot purakpagumna makhoy eigi ashengba chingda kagani. Masimak Eeshorna taakpiri.
21 Eeshorna taakpiri makhoygi marakta khara amanaa purohit amadi Levi oinaa leigani.
22 Eeshorna haayri, eina shemgadouriba anouba nongmadon aduga maalemdu eigi emit maangda lengdana leihn-gani. Asumna nakhoygi nachaa nasushing aduga nakhoygi namingdu loyba naairoi.
23 Punima amadagi punima amaa youba potthaaba numit amadagi mathanggi potthaaba numit, atatpa leitana taaibang-paanda leiriba mishingna laakkani eigi ephamda khurumjanaba, masimak Eeshorna haaybiriba waaphamni.
24 Eigi mayokta lepkhibashingna siduna taribadu makhoyna thoraklaga yenggani. Makhoygi mashaadu chariba tinshingdu shiroi. Makhoybu chakliba meidu muthalloi. Taaibangsida leiriba mishingna makhoybu yenglaga yaamna tukkachagani.