Genesis 7
Eesing eechaao thokpa
7 Eesor-na Noahda haayrammi, “nahaakka konnana nahaakki emung-manunggi mi loina hidugi manungda changlo. Handakki taaibang mironsidadi nahaakkhakta achumba chatpa mi amaa oinaa eigi mityengda ure. 2 Thou katthoknaba asengba saaram taret laaba amom khaayna thouraang tou. Thouda katpa yaadaba sengdaba saaram amaa laaba amom khaayna thouraang tou. 3 Makhoy singsiga loynanaa uchek laaba amom jaat taret amaaga thouraang tousillu. Makhoyduna maalemsida amuk maroi manaao tannabani. 4 ahing nungthin ani chupnaa numit niphuni nong ngasidagi taretnigi manungda maalemsi sinbaa thungna taahallagani. maalemsidagi Eina semkhiba thawaay paanba jibaasingsi tumna maanghal-lagani." 5 Eesor-na taakpikhiba matung ennaa Noahna chattharammi. 6 maalemsida eechaao thokpa matamda Noah masaagi chahi 600 surammi.
7 asumna eesing eechaaodudagi naanthoknabagidamak Noahna matu machaasing amadi makhoygi nupi-singga hidugi manungda changlammi. 8 Hidugi manungda Noahga loynanaa asengba amasung sengdaba laaba amom khaayna saa juraa amam-mam adugaa uchekki jaat sunaa, mapukna sittuna chatpa jibaa, 9 ani anina khujing oiduna Eesor-na haaybikhiba matung ennaa changhankhi. 10 Numit taretni suraba matungda maalem sinbaa thungna eesing eechaao thokkhi. 11 Noahna chahi 600 subaa kum, anisuba thaagi taretnisuba numittumaktada chaangjouren ehourak-khi. Koirou thong haangkhi. 12 ahing nungthin niphuni chupnaa nong taakhi. 13 Haayriba numitsimaktada Noahna mahaakki machaa-nupaa ahum Sem, Ham, amadi Japheth, mahaakki nupi amadi mamou ahumga loynanaa hida changkhi. 14 Lamlakta leiba saa saaram sunaa, saa-san amatta waattana, maalemsida mapukna sittuna chatpa jibaasing amatta waattana amadi uchek masing chitthadana Noahga loynanaa hida changkhi. 15 Mathawaai paanba jibaa juraa juraa oinaa changkhi. 16 Hiduda changkhiba Mathawaai paanba jibaasingdu laaba amom juraa amam-mam oirammi. maasi Eesor-na taakpikhiba matung ennaa thok-khibani. Eesor-na masigi matungda Noahgi tungda thong thingjinkhi.
17 maalemsi thungna numit niphuni chupnaa eesing chaaorammi. maramsina hijaaodu eesingda taaoduna leirammi. 18 eesing chaangjou naairabasu hijaaodu asoy angaam leitaana taaoduna leirammi. eesingdu asum chaaokhatlakpana maalemsi thungna kupkhi. 19 asum chaaokhatlaktuna maalemsi thumjinlakpadagi nongmadonsigi khaada leiba loibi chingjaaosing phaaoba kupsinkhirammi. 20 eesinggi eemaay hen-gatlaaktuna chingsingdu eesing eemaaydagi feet 23 lunaa leikhirammi. 21 maalemsida leiriba thawaay paanba jibaasing uchek waaya, saa-san, lamlakta leiba saa, mapukna sittuna chatpa jibaasing amadi mising loinaa tumna mangkhi. 22 Leikangda leiba sor honba jibaasingdu ngamnamak sikhi. 23 Eesor-na maalemsida leiriba ahingba jibaasing, mi, saa, mapukna sittuna chatpasing, uchek waayaasing pumnamak tumna manghanbikhi. Haayriba-singsi tumna mangkhraga Noah amadi mahaakki missing, pot-cheising amadi jibaasingdu khakta hingkhi.