Numbers 1
Israelgi mikok thiba ahaanbaa
1 Egypttagi thorakpa anishuba chahigi anishuba thaagi ahaanba numitta Sinaigi lamjaao lamhaangda leiringei mitinshang manungda Eeshorna Mosesda haayrammi.
2 Israelgi mishinggi emung manung pumnamak mapaa mapaagi maming louduna amam-mam oinaa mashing amatta waattana nupaa
3 Chahi 20 dagi mathak makhei Israelgi manungda leiriba laan chatpa ngamgadouba nupaashingdugi maming panduna mikok thiyu. Nahaakka loynanaa Aaronna haayriba mikok thibasi shanggu naaina lougadabani.
4 Tribe amam-mamgi emung khudingdagi ahan oiba nupaa amam-mam khandoklaga nakhoy anigi mateng panghangadabani.
5 Nakhoybu mateng panggadouba mishinggi mamingdu makhaada piribasini: Reuben tribetagi Shedeurgi machaanupa Elizur,
6 Simeoan tribetagi Zurishaddaigi machaanupa Shelumiel,
7 Judah tribetagi Amminadabki machaanupa Nahshon,
8 Issachar tribetagi Zuargi machaanupa Nethaneal,
9 Zebulun tribetagi Helongi machaanupa Eliab
10Josephki machaanupashing:
Ephraim tribetagi Ammihudki machaanupa Elishama,
Manasseh tribetagi Pedahzurgi machaanupa Gamaliel,
11 Benjamin tribetagi Gideongi machaanupa Abidan,
12 Dan tribetagi Ammishaddaigi machaanupa Ahiezer,
13 Asher tribetagi Okangi machaanup Pagiel,
14 Gad tribetagi Deuelgi machaanupa Eliasaph,
15 Naphtali tribetagi Enangi machaanupa Ahira,
16 Mathakkishingsi Israelgi mishinggi shaageigi makok mapaa mapugi mari thiduna luchingba oinaa leikhiba miyaamgi maraktagi khan-gatkhibashingni.
17 Haayriba mishingsi Moses amadi Aaronna kourammi.
18 Anishuba thaagi ahaanba numitta emung manunggi matung ennaa mapaa mapaagi maming louduna mikok thiba yaana-naba makhoyna paao chenthokkhi. Numitsida miyaam tinkhi.
19 Eeshorna taakpikhiba matung ennaa chahi 20gi mathakta mi pumnamakki mikok loukhi. Matou asumna mahaakna Sinaigi lamhaangda leiringeida miyaamgi mishing thiba houkhi.
20 Israelgi ehaan haanba machaanupa Reuben tribetagi pokkhiba mathang manaao naaina emung manunggi mapaa mapaagi maming loukhatlaga chahi 20gi mathakta leiba mishingdu mikok thiba houkhi.
21-46 Makhoydudi makhaada piribasini:
Reuben tribeta mishing 46,500 surammi.
Simeon tribeta mishing 59,300 surammi.
Gad tribeta mishing 45,650 surammi.
Judah tribeta mishing 74,600 surammi.
Issachar tribeta mishing 54,400 surammi
Zebulun tribeta mishing 57,400 surammi.
Ephraim tribeta mishing 40,500 surammi.
Manasseh tribeta mishing 32,200 surammi.
Benjamin tribeta mishing 35,400 surammi.
Dan tribeta mishing 62,700 surammi.
Asher tribeta mishing 41,500 surammi.
Naphtali tribeta mishing 53,400 surammi.
Apunba mishing 603,550 surammi.
47 Adubu Moses amadi Aaronna tribeshinggi mishingdu mashing thibaa matamda Levi tribeti yaaokhide.
48 Maramdi Eeshorna Moasesda haaykhi,
49 Levi tribeta pokpashingdu mikok thibasida yaaoba yaade. Makhoybu Israelgi mikok thibasida yaaohalloidoubani.
50 Adubu Levishingdu matik mayaai leiraba uronggi shonnapungda seba changnanaba khandokkadabani. Makhoyna shonnapunggi leiteng amadi maasida leiriba potshingdu pannagadabani. Matam leibada makhoyna shonnapunggi shang amadi masigi potshingdu puduna chatkadabani. Masigi seba makhoyna tougadabani. Shonnapunggi akoybada makhoyna shang shaaduna leigadabani.
51 Shonnapungdu thanglage haayba matamdaLevishingna maasibu thangadabani. Shonnapungdu mapham amada lengdana thamlage haayba matamda Levishingna maasibu thamgadoubani. Kanaagumbana masigi manaak nakna changsillaklabadi nupaadu shibagi dandi pigadabani.
52 Israelgi mishingna maagi maagi kaanglupki matung ennaa shang shaaduna leigadabani. Mi khuding maagi maagi sangda lengdana leigadabani. Mapu mashak khangnanaba urong amam-mam thamgadabani.
53 Israelgi mishinggi mathakta ebungngogi ashaaoba meiridu tadanaba Levishingna matik mayaai leiraba shonnapunggi akoybada shang shaaduna leigadabani. Matik mayaai leiraba shonnapunggi seba levishingna tougadabani.
54 Masimak Israelgi mishingna paangthokkhi. Eeshorna Mosesda taakpikhiba matung ennaa makhoyna kaidana paangthokkhi.