Exodus 11
Mosesna Egyptki mishinggi ahaanba pokpaa machaanupashing shigani laaothokpa
1 Eeshorna Mosesda haayrammi, "Pharaoh amadi Egyptki mathakta laaichat amatangga thok-hankhige. Masigi matungda mahaakna nakhoybu shoydana chathaallagani. Nakhoy chatlo haayrakpa matamda mahaakna nakhoybu aroiba oinaa thaadokkani.
2 Nakhoygi mishingda haaybiyu madudi nakhoyna laakpa matamda yumlonnabashinggi areiba sanaa amadi silverna shaaba lik kon loina waairaga purakkadabani.
3 Israelgi mishingna haayjarubadu nungshibinaba Eeshorna Egyptki mishingda enshinbirammi. Asigisu mathakta Egyptta leiriba mishing amadi Pharaohgi mamitta amadi manaaishingda Moses yaamna chaaoba mi amaa oinaa uhallammi. Egyptta leiriba mi khudingna mahaakpu ekaai-khumnarammi.
4 Mosesna haayrammi, "Eeshorna asumna taakpiri: nongyaaigi matamda Egypt thungna eihaak chatkani.
5 Egyptta leiriba ahaanba pokpaa machaa pumnamak sihan-gani. Egyptki ningthougi shinghasanda phamliba ningthou machadudagi houraga phousu chengsu langlibi minaainupishinggi machaanupa ahanshingdu phaaoba sihan-gani.
6 Egypt leibaak shinba thungna mikap miraokhon taahan-gani. Haayriba thoudoksi mamaangdasu thokkhidri aduga matungdasu thoklaroi.
7 Adubu Israelgi mishingdadi Hui phaaoba cheinakhon phanghalloi. Mi shaa animakta meichaak amatta phanghalloi thoudoksidagi Eeshorna Israel amadi Egyptki mishinggi marakta khetnahalle haaybasi khanggadabani.
8 Nahaakki nanaaishingna eigi ephamda laaktuna makok nolladuna haaygani: nahaak maphamsi thaadoktuna chatpikho. Nahaakka loynaribashingsisu pubikho. Matamduda eihaak chatthokkani." waashingsi haayramlaga shaaobana mei houraduna Pharaohgi mamaangdagi chatkhi
9 Matamduda Eeshorna Mosesda haayrammi, "Pharaohna nahaakna haayriba waashingdu taaroi. Maramsina Eina utkadouriba angakpashingdu Egyptta mashing hen-gathan-gadouribani."
10 Moses amadi Aronna haayriba angakpashingsi Pharaohgi mamaangda paangthokkhi. Adubu Eeshorna Phraohgi thamoidu nunggumna kalhankhi. Maramsina Pharaohgi mareibaak thaadoktuna Israelgi mishingbu chathankhide.