Joshua 13
Lousin-gadouba Lamshing
1 Joshua ahan oisinlaaklammi. Maramsina Eeshorna Joshuada haayrammi, “nahaak ahan matam oirakle. Adubu loushingadouba lamdi yaamna leiri.
2 Loushingadouba Lamshingdi: Philistishing amadi Gesurgi Lamshing,
3 Kharomda Avvimgi Lamshing, (Egyptki nongpokta leiba Sihordagi houraga Canaanshinggi lamni haayna lounariba Ekronna konba Lamshing, Philistishinggi leibaak ngaakpa mangaay makhutta leiba Lamshingni. Makhoydudi: Gaza, Asdod, Askelon, Gath, amadi Ekron oirammi. Avvimshingna taariba leibaaktusu loushingadouba waatlammi.
4 Khaa maaykeidana Canaanshing, Mearahshing, Sidonshing, Aphek amadi Amorishinggi lamda leiribashingdu waatlammi.
5 Giblisi-ng, amadi Lebanan, Hermongi chinggi makhaada leiriba Baalgadtagi houraga Hamath changpham phaaoba amaa waatlammi.
6 Lebanan amadi Misrephothmaimdagina Sidonishingna leiriba chinggi khara amasu loushingadouba waatlammi. Haayriba Lamshingsida leiriba mishingsibu Israelgi mishingna asum taksillakpagi matung ennaa eina taanthokpigani. Eina haaykhiba matung ennaa Israelgi mishingda haayriba Lamshingsi yenbiyu.
7 Maramsina haayriba Lamshingsi tribe mapaan amadi Manassehgi tribe tangkhay amaduda chaakthung oinaa yenthokpiyu.
Jordangi nongpokta leiriba lam yenthokpa
8 Manasseh tribe tangkhay amanaa Mosesna leiringei matamda Jordangi waangmada nongpokta leiriba Lamshingdu Reuben amadi Gad tribeshingda yenbikhi. Haayribasi Eeshorgi manaai Mosesna leiringeida pirambani.
9 Arnon-gi tampaakta leiriba lam Aroergi tampaakta leiriba saahar yaaoraga Medebagi leitem mannaba lam amadi Dibon youba phaaoba amaa,
10 Hesbonda konung shaaduna pan-khiba Amorishinggi ningthou Sihon, Amorishinggi lam pumnamakki Mapu oikhiba,
11 Gilead, Gesur, amadi Maakahtshinggi lam, Hermon chingshaang, Basandagi Salekah youba phaaoba amaa,
12 Asherah amadi Edroida Rephaimgi eremkhak oinaa pallamba Basangi ningthou Ogki lamshingsi Mosesna pallingeida lousillambani.
13 Israelgi mishingna Gesurgi mishing amadi Maakahtishingbu maaythiba pikhide. Ngasi phaaoba Gesur amadi Maakahda leiba mishingna Israelgi mishingga leiminnari.
14 Mosesna Levishingda lam amatta pikhide. Mosesna makhoyda pirambadi Eeshorgi maphamda Israelgi mishingna katlaba athenpotshingdudani.
Reubenda pikhiba lam
15 Reuben tribeta emung manunggi oinaa Mosesna lam pikhi.
16 Marmsina makhoygi lamdi Aroerdagi louraga Arnon-gi tampaaktudagi houna tampaakki mayaaida leiriba saaharshing, aduga Medebada leiriba leitem mannaba Lamshingdu oirammi.
17 Leitem mannaba Lamshingdu Hesbondagi houraga Dibon, Bamothbaal, Bethbaal-meon,
18 Jahaz, Kedemoth,
19 Kiriathaim, Sibmah, Zerethsahar, chinglakta leiba tampaakki lam.
20 Bethpeor, Pisgahgi ngamthakhiba lam, Beth Jesimoth
21 Leitem mannaba lamda leiriba saaharshing, aduga Hesbonda pallamba Amorishinggi ningthou, Sihon, Midianshinggi luchingba Evi, Rekem, Zur, Hur, amadi Rebanachingba ningthou machaashingsi Mosesna maaythiba pikhibashingni.
22 Israelgi mishingna miyaam haatpa matamda tungda thokkadouba waa phongdokpa ngamba Beorgi machaanupa Balamsu haatkhi.
23 Reuben shaageigi lamdi Jordanna koiribadu oirammi. Haayriba Lamshingsi Reuben shaageigi matung ennaa yenbikhiba saaharshing amadi khunggangshingni.
Gadta pikhiba Lamshing
24 Gad tribekishu Mosesna emung manunggi matung ennaa lam yenbikhi.
25 Makhoygi lamdi Jazerdagi louraga Gileadki saaharshing yaaonaAmorishinggi lam tangkhay amaa louraga Rabbahgi Nongpoklomda Aroer yourammi.
26 Hesbondagina Ramath Mizpah youba amaa, aduga Betonimdagi louraga Debirgi lamda leiba Mahanaim,
27 Beth Haramgi tampaakta Beth Nimrah, Sukkoth, amadi Zaphon, Hesbongi ningthou Sihon-gi lemhouriba Lamshing, Jordanna koisilliba, Jordangi nongpokta Chinnereth kouba epaakna koisillibadu yourammi.
28 Maasi Gadna phangkhiba saaharshing amadi khunggangshingni.
Manassehda piba lam
29 Mosesna Manassehga ee tinnaba Jaatshingdudasu lam khara pirammi.
30 Makhoygi lamgi ngamkheina Mahanaimdagi louraga Basangi ningthouna pallamba Lamshing, Jairgi saahar yaaoraga 60 shurammi.
31 Gilead tangkhay amaa, Asherah, Edroinachingba Basangi ningthou Ogki saaharshingdu yaaorammi. Haayribashingsi Manassehgi shaageigi Makirgi kaanglupta pikhibani.
32 Jerichogi nongpokta leiba aduga Jordangi waangmada taariba Moabki tampaakta Mosesna pikhiba Lamshingni.
33 Levigi shaageidadi Mosesna lam amatta pikhide. Makhoyna Israelgi Eeshorda katlaba athenpotshingduni taakpikhi.