Leviticus 13
Unsada pakpa leinaagi maramda
13 Eesor-na Moses amadi Aaronda haayrammi, 2 "Kanaagumba nupaa amagi masaada pomba nattraga asokpagi mapham leirabadi adugaa haayriba maphamsidagi hakchaanggi unsada kustigumba laayna oiraklabadi. Adugumba nupaadubu purohit Aaron-gi manaakta nattraga mahaakki machaa-nupaasinggi manaakta puraga utkadabani. 3 nupaaduda pakliba unsagi leinadu Purohitna chaang tougadabani. Aanaba pakliba maphamduda houriba tudu ngourabadi, unsaduda paklibadudagi hendokna maru palle haayna lougani. maasi kustigi leinani. Purohitna phajanaa chaang touraba matungda mahaakpu sengdaba nupaa amani haayna laaothokkadabani. 4 Unsada pakliba maphamduda ngoudi ngouraga marudi paandaba adugaa maphamduda houriba tudu ngoudrabadi, Purohitna laayna pakliba nupaadubu numit taretni tongaanna thamgani. 5 Taretni subaa numitta Purohitna anabadubu chaang touduna yengba matamda karigumaba anabadu saandoktrabadi purohittuna nupaadubu numit taretni amaaga tongganna thamgani. 6 Masigi matungda purohituna nupaadubu chaang tougani. anaaba maphamda leiriba mamidu muttharaklabadi. adugaa anaaba maphamda leiriba mamidu saandokte haaybasi khanglabadi, nupaadubu seng-e haayna laaothokkani. echam chaamba anaaba oiba maramna maphi sudoklaga sengdokpagi thou amaa paangthokkadabani. 7 Purohita anabadu utlaba matungda karigumba anabadu saandoklabadi, nupaadu Amukka haanna purohitki mamaangda chaangdaba yaade. 8 Purohitna chaang touraba matungda anabadu unsada saandokpagi khudam ubaa phanglabadi, purohittuna nupaadubu sengdaba amani haayna lougani. maramdi maasi kustigi leinani.
9 Kanaagumba nupaa amaa kusti thunglabadi mahaakpu purohitki manaakta purakkadabani. 10 Purohituna mahaakpu chaang toubigadabani. chaang touba matamda karigumba unsada angouba mapham amaa pomkhattuna leiramlabadi, adugaa haayriba maphamsida houriba tudu ngourabadi, amadi pomkhatliba maphamsida sadong anouba ubaa phanglabadi, 11 maasi ariba kustini haayna lougani. Purohitna mahaakpu sengdaba mini haayna laaothokkadabani. Purohitna mahaakpu tongaanna leihallaroi maramdi mahaak sengde haayna khangle. 12 Kanaagumba nupaa amagi masa sinbaa thungna kusti paklabadi makhongdagi makok yourabadi, 13 Purohitna chaang touraga nupaadubu sengdaba mini haayna laaothokkadabani. maramdi masa pumnamak ngourabanina mahaak sengdaba mini haayba khangle. 14 mahaakki anabaduda sadong anouba urabasu sengdabani haayna lougani. 15 Purohitna sadong anouba uribadu chaang touraga nupaadubu sengdabani haayna laaothokkani. anouba sadong urabasu maadu amaangbani adugaa kustigi laayna naai. 16 Chingkhatlakliba sadongduna amuk ngouraklabadi nupaaduna purohitki manaakta laaklaga 17 Purohituna nupaadubu chaang tougadabani. Karigumba chingkhatlakliba sadongduna ngourabadi mahaak sengle maramsina purohittuna nupaadubu asengbani haayna laaothokkadabani.
18 Kanaagumba amagi masaada pomlambadagi phakhiduna maphamduda 19 Angouba paklaba nattraga maphamdu ngaangleinaraklabadi, maphamdu purohitta utkadabani. 20 Purohitna haayriba maphamsibu chaang touduna yengadabani. Karigumba haayriba maphamsida maru paanba anaaba leiba thoklabadi, adugaa maphamduda houriba tusingdu ngourabadi, Purohitna nupaadubu soknaba yaade. haayna laaothokkani. maasi kustigi leinani. Apombada pakpani haayna lougani. 21 Purohitna changyeng touba matamda karigumba maphamduda houriba tudu ngoudrabadi, adugaa maru paanba nattrabadi, mami sami khara leiba oirabadi, purohittuna nupaadubu numit taretni tongganna thamgadoubani. 22 Karigumbada masina unsada pakna saandokpa houraklabadi, purohittuna maasibu kustini soknaba yaaroi haayna laaothokkani. mahaak anaaba pakle. 23 adubu maphamdudagi atei maphamda sandorakpa leitrabadi, apombagi mapham oiba yaai. maramsina purohittuna nupaadubu seng-e haayna laaothokkani.
24 Kanaagumba nupaa amagi masaadu meina chaakpa matamda meigi maphamdu sayon chingkhatlakpa matamda ngourabadi, nattraga ngaangleinarabadi, 25 Purohitna maphamdu chaang touduna yengba matamda maphamdu ngouraba adugaa maru palle haaybasi ningthijana khanglabadi, kustini haayna lougani. Mahaakna nupaadubu amaangbani haayna laaothokkani maramdi mahaak kustigi laayna pakle. 26 Purohitna maphamdu chaang touba matamda maphamduda houriba tudu ngoudrabadi, adugaa maru panbagi maong leitrabadi Purohitna nupaadubu numit taretni tongaanna thamgani. 27 Purohitna nupaadubu taretni subaa numitta amuk haanna chaang tougani. Karigumba maphamdu pakna sandoraklabadi purohittuna mahaakpu maangle haayna laaothokkani. maramdi maasi kustigi leinani. 28 Karigumba atei maphamda saandoktrabadi, maphamduda taariba mamidu masen maraang oinaa urabadi, meina chaakkhibagi maphamni haayna khanggani. maramsina purohittuna nupaadubu seng-e haayna laaothokkani. Mamidu meina chaakkhibagini haayna lougani. 29 Kanaagumba nupaa amaa nattraga nupi amagi makokta nattraga makhoyda laayna paklabadi, 30 Purohitna anabadu chaang tougani. chaang touba matamda maru paanba anabagi maong mallaba adugaa maphamduda houriba samdu ngaangleinaraba adugaa pana hourabadi, purohituna mahaakpu maangle haayna laaothokkani. maasi hakatchaba laayna makhal amani. maasi kokki nattraga koigi kusti makhal amani. 31 Purohitna hakatchaba leinadu chaang touba matamda maru panbadi nataba adubu maphamduda amuba sam houdrabadi, hakatchabagi laayna pakliba nupaadubu numit taretni tongganna leihan-gani. 32 Taretni subaa numitta Purohitna anabadu chaang touduna yengbada hakatchariba maphamdu hendoraktrabadi adugaa haayriba maphamsida ngaangleinaba sam houdrabadi, adugaa hakatchariba maphamda echam chamna unsada pakpa oirabadi, 33 nupaadu maru nattraga makoi kokkadabani hakatchariba maphamdudi kokpa yaaroi. Purohitna hakatchabagi laayna pakliba nupaadubu numit taretni amasu tongaanna thamgadabani. 34 Numit taretni leiraga purohituna chaang touduna yengba matamda, hakatchabadu hendoktrabadi, maru paanba anaaba nattrabadi, purohituna mahaakpu asengbani haayna laaothokkani. nupaaduna maphidu sudoklaga sengle haayna lougani. 35 Karigumbada hakatchaba laayna pakliba nupaadugi anabadu sengdoklaba matungda pakthoklaklabadi, ngaangleinaba sam houwi houde haayba yengbagi thoidokpa kaannaba leite. 36 Purohitna mahaakpu soknaba yaadaba mini haayna laaothokkani. 37 Karigumba hakatchabadu pakthoraktrabadi adugaa maphamduda amuba sam houraklabadi, hakatchaba leinadu phaare haayna lougani. Purohitna mahaakpu sengle haayna laaothokkani. 38 Kanaagumba nupaa nattraga nupi amagi masaada angouba paklabadi, 39 Purohitna makhoybu chaang tougadabani. Ngouriba maphamdu echam chaamba oirabadi chumna khogaaibadagi thokpani haayna lougani. maramsina nupaa nattraga nupidu seng-e. 40 Kokta houba sam kenduna kok tanglabasu nupaadu sokna pannaba yaai. 41 Lawaai lenphudagi nattraga narumdagi sam kenkhiduna kanaagumba nupaa amaa makok tanglabadi, mahaakna soknaba yaai. 42 Tangliba maphamduda haaybadi makok nattraga maraibakta ngaangleinaba angouba mapham amaa leirabadi, maasi atangba kokta nattraga maraibakta pakpa kustini haayna lougani. 43 Purohitna nupaadubu chaang touduna yengadabani. Purohitna yengba matamda makok tangba nattraga maraibakta ngaangleinaba angouba maphamdu leirabadi, hakchaangda pakpa kustigi maongduga manaana leirabadi 44 mahaak kusti thungba mini haayna lougani. mahaakka soknaba yaade. Purohitna mahaakpu soknaba yaadaba mini haayna laaothokkani maramdi masaada pakliba leinadu makoktani.
Kustigi maramda
45 Kustigi laayna pakpa nupaadu segaayba phi sethalgadabani. Masam sangna khakkadabani mahaakna mathak thangba machinbandu khumjillaga tengthaaduna leigadabani. Mahaakna eihaak sengde eihaak sengde haayna laogani. 46 Leithungdu paklibamakhei mahaakka soknaba yaade. miyaamga soknaba yaadaba maramna athaappada mahaak matomta leihangadabani.
47 Kusti thungba yaaba mahik pakpa samtugi phi nattraga kabranggi phi nattraga 48 Samtugi phida paknaba saun nattraga saunna saaba potta paklabadi. 49 Leinaagi taariba mamidu ngaangleinana nattraga sangleinana taarabadi, mahiktu kustigi leinani haayna lougani. adugaa haayriba pottu purohita yenghangadabani. 50 Purohitna maadubu chaang touraga leinaagi mami taariba pottu numit taretni tongganna thamgadabani. 51 Purohituna leinaagi taariba mamidubu taretni subaa numitta yenggani. Karigumba mahiktuna mayung nattraga maphenda sandorakpa uraba, adugaa thabakta sijinnariba saunna saaba potta soklurabadi, Leinadu mi mangba yaaba leinani haayna lougani. maramsina maadu sengdaba pot amani haayna lougani. 52 Samtuna saaba, kabrangna saaba saunna saaba potnachingbada mahiksi paklabadi meida thaadok-kadabani.
53 Purohitna chaang yengba matamda mayung nattraga maphenda saandokpa udrabadi, adugaa saunna saaba pottuda hendroktrabadi, 54 Purohitna leinaagi mami taariba maphamdu chamthoknaba yaathang amaa pigani. Purohitna maasibu numit taretni amaaga tongaanna thamgadoubani. 55 laayna pakle haayduna chingnariba phidu chamthoklaba matungda purohituna chaang touduna yengadabani. Leinadu sandotrabasu machu hongba leitrabadi sengde haayna lougani. Kustigi mamidu mamaangda nattraga matungda taarabasu nakhoyna phidubu meida thaadok-kadabani.
56 Purohitna chaang touba matamda laayna pakliba maphamdu saandoklaba matungda masen maraang taarabadi, mahaakna phiduda taariba mamidugi maphamdu mayung ntraga maphen, samtu nattraga saunna saaba pottudagi segaaygadabani. 57 adubu masigi matungda karigumba mayung nattraga marakta samtuna saaba nattraga saunna saaba potta phaoraklabadi, Purohitna maasibu numit taretni amasu tongaanna thamgadabani. Karigumba masigi manungda henna saandoklakrabadi phidu meida thagadabani. 58 adubu karigumba phi amada nattraga saunna saaba potta leinaagi mami taramlaga sudoklaklaba matungda kokkhrabadi, anirak haanna sudokkadabani. adugaa maasibu asengba phini haayna lougani.
59 Samtuna saaba phigi nattraga kabrangna saaba phigi mayung nattraga maphenda nattraga saunna saaba potta kustigi laayna pakpa matamda seng-e nattraga sengde khangna-naba chatnapathapsingdu mathakta piribasingsini.