Haggai 2
Anouba ningnashanggi matik
2 Ningthou Dariusna panba anisuba chahigi taretsuba thagi kunmathoi suba numitta wa takthokpa Haggaida Lainingthouna waheisingsi khanghallammi. 2 Judahgi leibak ngakpa Shealtielgi macha Zerubbabel amadi purohitlen Josedechki macha Joshua, 3 Amasung mi pumnamakta haiyu, asigumba shang asigi thaina yaipharambadu uhouba nakhoigi marakta kana yaobage? Houjik masi kari malle? Mamangngeida irei leiramdabagum udra? 4 Houjikti Zerubbabel thawai yaoba hen-gatlu haina Lainingthouna takpiri. Thawai yao purohit josedechki macha Joshua. Mi pumba thawai yao haina Lainingthouna takpiri. Yengu. Ei nakhoiga loinari maramsina kanna suba houro. 5 Eigi thawaina nakhoiga loinari maramsina kiba leiganu. 6 Nongthak nongkha animakki Mapu Ibungogi waheising amattangga watli: nongthak nongkha, malem amadi samudra, pumba eina thak thak nikhanggani. 7 Jati pumba nikhanduna makhoigi lan thum maphamsida peigani. Aduga sangsidana yaiphabagi urong khingani. Masibu nongthak nongkha anigi mapuna paodambiri. 8 Nongthak nongkhagi mapuna takpiri, "sanasu lupasu eigini." Nongthak nongkhagi mapuna amukkasu chingoibiri. Houjikti shangsigi yaiphabaduna hannadagi hengani. Mapham-simaktada eina ingthaba amadi chaokhatpa pigani. Masimak nongthak nongkha anigi mapuna takpikhraba waheini.
Maichouna purohitsinga watanaba
10 Dariusna panba anisubachahigi mapansuba thagi kunmarinisuba numitta wa takthokpa Haggaida, 11 Lainingthouna hairammi, nongthak nongkha animakki mapugi 12 Waheising: purohitsingda hangu, kanagumba amana phinayomduna asengba sha puduna chatlingeida, tan nattraga sha ngagi mahi nattraga thao nattraga chana thaknaba pot amaga soknarurabadi, asengba shadu senglibra? 13 Purohitna khumlammi, "sengde" maduda Haggaina makha chattharammi, "karigumba asiba masa pairuraba mina haikhriba potsingsi soklabadi mangloidra?" 14 "Manggani" Haina Purohitna khumlammi. Mishing amadi jati khuding asigumlabani haina Lainingthouna takpiri. Makhoina katliba pot pumba eigi mityengda amangba ngakta oire.
Lainingthouna bor pibiba
16 Ikui kuidana houkhiba matamdagi ngasi phaobasida chang touduna yengu, Lainingthougi shangda nung lonkhatpa houdringeida nakhoi kayada napal touramba? 16 Kanagumba amana phou-bei amadagi phoupot kun lokke haina laklabasu mana tarakhakta phangi. Karigumba mana drakha mahi, pouwa yangkhei kange lakpada shupnagi kuntamak maphangi. 17 Lainingthouna takpiri, eina nakhoibu neihatkhrabani. Nakhoigi loubukta, tin amuba, angangba amadi len tahanduna nakhoibu cheirak pikhrabani. 18 Ngasi kouba nongjasidagi mapan suba thagi kunmarinisuba numittagi Lainingthougi shanggi yumpham houba numitsidagi 19 Khannajou kotta phou haplaroidra? drakha, theibong, kaphoi amadi chorphonnachingba mahei amatta pallaroidra? Natte, ngasi kouba numitsidagi eina nakhoibu kubiragani.
Zerubbabelda Lainingthougi bor
20 Hairiba numittuda mapansuba thagi kunmarini suba numittuda wa takthokpa Haggaida Lainingthouna 21 Amukka henna wa hairammi, Judahgi leibak ngakpa Zerubbabelda haiyu, eina nongthak nongkha animak nikkani, 22 Ningthou singgi singhasan thugaigani, amangba laisinggi mapanggal thudekkani, dolai tongba amadi dolai thoubasingsu mathak makha onthokpigani. Sagolsu athoubasu makhoigi marupsinggi thanggi mayada chatkani. 23 Nongthak nongkha anigi mapuna takpiri, "hairiba numittuda eigi inai oiriba Shealtielgi macha Zerubbabelbu eina lamjingani. Numittuda eina nangbu khandokle" Nongthak nongkha animakki mapuna masimak takpiri.