Exodus 39
Purohit singgi phijet semba
(Khong 18:1-43)
39 Mureinaba, angaangba amadi ngaangleinaba langsingduna makhoyna asengba maphamda sijinnanaba anaanba phi sarammi. makhoyna Aaron-gi phijet sarammi. Haayriba-singsi Eesor-na Mosesda haaybikhibadugi matung ennaa saakhibani.
2 Bezalelna Ephod-tu sanaana haktuna mureinaba, angaangba, ngaangleinaba amadi anaanba leemonna sarammi. 3 Sanaa khangelsingdu meida changduna mari oinaa chinglaga mureinaba, angaangba amadi ngaangleinaba adugaa anaanba leemongi langduga yaannaraga phajanaa mayek thoktuna phi sarammi. 4 Ephod haapnaba mayek thokhallammi. Matai anidu samnarammi. 5 phajanaa saraba mari amaa khwangda phanaba semlammi. Haayribasisu mathakta haaykhiba asigumna mureinaba, angaangba amadi ngaangleinaba amadi anaanba leemongi langda sanaana haktuna sarammi. maasi Eesor-na Mosesda taakpikhiba matung ennaa semkhibani.
6 Sangbanaba nungsingdu sanaagi marida ha klammi. Khudopta amta thinbagumna Israelgi machaa-nupaasinggi maming haktuna semlammi. 7 Eesor-na Mosesda yaathang pibikhibagumna Israelgi machaa-nupaasingdugi ningsingnabagi masak oinaa mahaakna Ephod-ki leingjumda haktuna semlammi.
8 Ephod saakhibadugumna Bezalelna khut changna Thabaakkhang sarammi. Masisu mureinaba, angaangba, ngaangleinaba adugaa anaanba kabranggi langjaa ani phaaiduna sanaa haktuna sarammi. 9 maasi maraak mayung chap mannarammi. Thabaakkhangdu ani londuna semlammi. Lonsinnaraba matungda mayung enchi mapaan adugaa maraksu enchi mapaan oirammi. 10 Masigi manungda manina maron ani leiteng hapkadabani. ahaanba parengda nunggi mukta, nung mamaay pomba, pareng, amaa hapkadabani. 11 Anisuba parengdana asangba mani, sangbanaba nung, amadi mamal yaamlaba nunggi pareng amaa thamgadabani. 12 ahumsuba parengda sangbanaba mukta, sangbanaba nungnachingbana leiteng oigadoubani. 13 Nungou, surjakanta, sangbanaba nungna leiteng oigadoubani. Haayribasi sanaana mari chinglaga semlammi. 14 Israelgi machaa-nupaasinggi maming eduna nung taraanithoi amaa leirammi. Haayribasida khudopta chajum happagumna salaai taraanithoigi maming haplammi. 15 asengba Sanaana Thabaakkhangduda khudop kollaga hapkadabani. 16 makhoyna sanaagi mari ani chinglammi. Sanaana khudop ani amasu kollammi. Thabaakkhanggi aroiba nakanda khudop anidu yaanhallammi. 17 Thabaakkhanggi aroibada hapkadouriba khudop aniduda sanaagi mari anidu haplammi. 18 Mari anidugi aroiba machindu sanaagi mariduda kisillammi. Matou asumna makhoyna Ephod-ki lengban haithaarakpaduda samnahallammi. 19 makhoyna sanaagi khudop ani saaraga Ephod-ka tainaba Thabaakkhanggi manunggi aroibada haplammi. 20 makhoyna sanaagi khudop ani saaraga Ephod-ki lengbanda taariba leitengdugi maakha thangba sarukta haplammi. masina Ephodki khwanglak oinaa khut changna saraba mariduga samnahallammi. 21 Mureinaba mari amanaa makhoyna Thabaakkhanggi mariduga Ephodki khujiduga lousinnarammi. maramsina Ephodki khut changna semnaba maridugi mathakta taarammi. Eesor-na Mosesda taakpikhiba matung ennaa Thabaakkhangdu Ephodki mathakta komna tahankide.
22 Mureinaba langgi machuna Ephodki achonba phi amaa sarammi. 23 Masigi mayaaida phatliba makhundu phurit achonbada phatpagi matougumna phatlammi. Masigi akoybada soydanaba haayduna mari amasu chellammi. 24 Haayriba phi achonbasigi mapaanda mureinaba, angaangba, ngaangleinaba amadi anaanba kabranggi langna londuna kaphoigi maong semlammi. 25 Sanaa asengbana sarik saaraga achonba phidugi marakta kaphoi saaraga leiteng oinaa haplammi. 26 Eesor-na Mosesda yaathang pibikhibagumna seba changbada sijinnagadouba adugaa kaphoi ani anigi marakta Sanaagi sarik amam-mam yallammi.
27 makhoyna Aaron amadi mahaakki machaa-nupaasinggidamak anaanba kabrangdagi phurit achonba sarammi. 28 Koyet amadi tupisu kabranggi anaanba phina sarammi. Kabranggi khonggraonachingbasu sarammi. 29 Eesor-na Mosesda taakpikhiba matung ennaa makhoyna mureinaba, angaangba, ngaangleinaba langna khutna londuna khwaangjet semkhi.
30 asengba maphamda leiriba luhuptuda haapnaba haayduna makhoyna asengba sanaana mapak amaa sarammi. Khudopta ebagumna masida "Eesor-gi maphamda asengba pot" haayduna erammi. 31 Eesor-na Mosesda taakpikhiba gumna makhoyna maasibu mathakta leiriba kokyettuga mureinaba mari amanaa taisinnarammi.
Sonnapungda sijinnaba khutlaising
(Khong 35:10-19)
32 Matou asumna mitin-sangda sonnapungda tougadouba thabaksingdu loisillammi. Eesor-na Mosesda taakpikhiba matung ennaa Israelgi misingna thabaksingdu paangthokkhi. 33 makhoyna Mosesgi manaakta khubham mitin-sang, maaduda changgadouba patrasing, masida sijinnagadouba kochising, masigi upaksing, macheising, yumbi amadi phambaksing, 34 Mathakta khannaba semkhiba yaao amadi haameng maun anoibasing, phisang, 35 Matik mayaai leiraba phambaal macheiga konnana, khubham, 36 Phan amadi masigi mathakta thamgadouba patrasing, ebungngo lengsil-lakpagi tal, 37 Sanaa asengbana saaba thaaoumei makhong, amadi masigi patrasing, thaaoumei thannaba thao, 38 Sanaana saaba phaankhong, noinaba thaao amadi manam nungsiraba dhup, mitin-sangda khannaba phisang, 39 Pithraaina saaba phaankhong amadi masigi pithraaina saaba dhakan, masigi macheising, patrasing, khudeng amadi maasibu thamnaba phambak, 40 Sumangda yaannanaba phisang maasibu punnanaba yumbising amadi phambaksing sumangda khannaba phisang, masigi mari, masida thamnaba potnachingba yaannaba machei, sonnapungda khurumba matamda changgadouba patrasing, 41 asengba maphamda seba changba matamda sijinnanaba phi, purohit Aaron-gi asengba phising, purohit oinaa seba changbada sijinnanaba machaa-nupaasinggi phinachingbadu puduna laaklammi. 42 Eesor-na Mosesda haaybikhiba matung ennaa Israelgi misingna haayriba-singsi semkhi. 43 Moses-na thabaktu yengba matamda Eesor-na taakpikhiba adugumna toure haayba khangkhi. maramsina Moses-na makhoybu bor pibirammi.