Acts 9

Saulna pukning hongba

( Acts 22.6-16; 26.12-18 )

9 touegumsung houjiksu Eesor-gi sebok-singbu kihan-ge amasung haatke hotnabana Saulgi manungsa honbagum hoilamlibana purohitlen-gi maphamda chatle, 2 Amasung lambi adugi oiba nupaasingsu nupi-singsu kanaagumbabu phanglabadi, makhoybu punduna Jerusalemda purakpa yaanabagi damak Damascuski loisanggi kaanglupsingda pinaba yaathang laairik piyu haayna maangondagi nijare. 3 Amasung mahaakna asum chatlingeida Damascusta naksil-lakpada, asum thoklare, Khanghoudana swargadagi mangaan amanaa mahaakki akoybada ngalle. 4 maaduda mahaakna leibaakta tuthare, aduga, Saul, Saul, nangna eibu karigi ot-neiribage haayna maangonda haayba khonjen amaa mahaakna taare. 

5 adugaa mahaakna haay, ebungngo nahaak kanaano, Eesor? maaduda ebungngona  haay, eidi nangna ot-neiriba Jesusni: 6 adubu hougattuna saharda changu, adugaa nangna kari kari touba taabage haayba nangonda taakpigani. 

7 Amasung mahaakka loynanaa lam chatminnariba nupaasing aduna khonjendi taaraga mi kana amanaa udrabada, waa ngaangba thoktaduna leple. 8 adugaa Saulna leibaaktagi hougatle, adubu mahaakki mit paangthoklabada karisu udre; maaduda makhoyna mahaakpu makhut samduna, Damascuski manungda chingsinbire. 9 adugaa mahaak numit humni phaaoba karisu ubaa ngamlamde, amasung chadathaktadana leirammi.

Saulna Damascusta leiba

10 Amasung Damascusta kanaagumba sebok, mining Ananias kouba amaa leirammi; adugaa Eesor-na maangonda uhanduna haay, Ananias. maaduda mahaakna haay, yengbiyu, nanaaibu, Eesor. 

11 Amasung Eesor-na maangonda haay, hougattuna, achumba kouba lambi adu taanna chatlaga, Judasgi yumda Tarsusgi Saul kouba nupaa amabu thiru; maramdi yeng-u, mahaakna haayjari, 12 adugaa maming Ananias kouba nupaa amanaa changlaak-tuna mahaakna ubaa phangjananaba mathakta makhut thambiba ujare. 

13 touegumsung Ananiasna khumle, Eesor, nupaa asigi maramda, mahaakna Jerusalemda ebungngo-gi asengba misingda kayaamuk phattaba toukhiba adu eina miyaamdagi tajare; 14 adugaa asida ebungngo-gi mingbu sonjaba mi pumnamakpu punnanaba, athoiba purohit singdagi matik mahaakna phangle. 

15 adubu Eesor-na maangonda haay, chatlu, maramdi atoppa Jaatsinggi, ningthou-singgi amasung Israelgi machaasinggi maangda eigi ming punanaba nupaa asi eigi damak khandokpa khutlaini. 16 maramdi mahaakna eigi minggi maramgi damak kayaa yaamna awaaba khaangba taare haayba erna maangonda khanghan-gani. 

17 maaduda Ananiasna chatkhiduna yum aduda changle, adugaa mahaakki khut mathakta thambiduna haay echin-enaao Saul, nahaakna ubaa phangna-naba amasung nahaakpu thawaay asengbana thannanaba, Eesor-na, haaybadi nahaakna laakpa lambi aduda nangonda uhanba Jesus aduna, eibu thabire. 

18 Amasung khudak adumaktada mahaakki mittagi makugumba khara takhre, maaduda mahaak ubaa phangjare. 19 adugaa mahaakna hougattuna buptized loure, amasung  chaarabada kankhatle.

Amasung mahaakna Dammesakta leiba sebok singga numit kayaani marum leiminnare. 20 adugaa thindana mahaakna loysang loysangda Jesus-bu, haaybadi, ebungngo asi Eesor-gi machaa-nupaani haayna saandoklammi. 21 Amasung taariba mi pumnamakna ngakladuna haayrammi, Jerusalemda ming asi sonjabasingbu manghannaba toukhiba adu mi asi nattra? adugaa mahaakna asida makhoybu punduna athoiba purohit singgi maangda punanaba, maram asigi damak laaklammi. 22 touegumsung Saulna henna henna kankhattuna, asimak Christa aduni haayna praman pibada, Dammesakta leiba Jews-singbu tengak maengaknahalle.

23 adugi matungda numit yaamna kuirabada, Jews-singna mahaakpu haatna-naba waa taanare, adubu makhoygi sarou sinnaba adu Saulna khnglakle. 24 adugaa makhoyna mahaakpu haatna-naba ahing nungthil panthong panthongdasu lumlammi. 25 touegumsung mahaakki sebok-singna mahaakpu ahingda puduna polang amada haplaga pandagi thadabikhre.

Saulna Jerusalemda amasung Tarsusda chatpa

26 Amasung mahaakna Jerusalem taanna laaklabada, sebok singga tinnajagadabagi mahaak masaana hotnajei; adugaa mahaakna sebok oire haayba thaajadaduna, makhoy pumnamakna mahaakpu kirammi. 27 adubu Barnabasna mahaakpu loukhatpiduna paakhon-chatpasinggi manaakta pubiradunna, mahaakna lambida Eesor-bu karamna ukhiba, ebungngona mahaakka ngangnakhiba, amasung karamna mahaakna Jesus-gi maangda Dammesakta thouna phana paao saandokhiba, makhoyda sengna lithokle. 

28 Amasung Eesor-gi mingda thouna phana paao saandoktuna, Jerusalemda chat-thok chatsin touduna mahaakna makhoyga loynarammi. 29 adugaa mahaakna Greek lol lonba Jews-singna ngangnaduna waa marei yetnarammi; adubu makhoyna mahaakpu haatna-naba hotnarammi. 30 Amasung machin manaaosingna maadu khanglabada, mahaakpu Caesareada puthaaduna, Tarsusda thaakhre. 

31 Matam aduda Judea, Galilee amasung Samaria apumbada sin-thungna seengluppu semgatpiduna engthaba phanglammi; adugaa Eesor-bu kijabada amasung thawaay asengbagi pambeina chatchaaduna masing yaamkhatlammi.

Lyddada Peter-na anaaba phahankhiba

32 Amasung asum thoklare, Peter-na mapham pumnamakta koychat chat-tuna Lyddada leiba asengba misingdasu kumthare. 33 adugaa mapham aduda maming Aeneas kouba, chahi nipaan phaaoba phamungda hiplaba, naakal naamma sithaba kanaagumba anaaba mi amabu mahaakna phangle. 34 maaduda Peter-na maangonda haay, Aeneas, Jesus Christana nangbu phahanbi; hougattuna nanggi phamung semjaro. adugaa khudak adumaktada mahaak hougatle. 35 Amasung Lyddada adugaa Saronda leiba pumnamakna mahaakpu ure, amasung makhoyna Eesor-da onsillakle.

Dorcas koubi nupi amagi waari

36 adugaa Joppa maming Tabitha, handokpada Dorcas, koubi kanaagumbi sebok amaa leirammi. nupi asina eetat-tattana toujariba adu aphaba thabakna amasung pinaheibana thalli. 37 Amasung numit sing adugi manungda asum thoklare, nupi adu naduna sire; adugaa makhoyna mahaakpu luthokpiduna, mathak thangba ka amada thamle. 38 aduda Lydda Japhogi manaakta leibanina sebok-singna Peter aduda lei haayba adu taaraduna, eikhoyda lengbiraknaba thinbiraganu haayna maangonda haayjarunaba nupaa ani thaare. 39 maaduda Peter-na hougattuna makhoyga loynanaa chatkhre. adugaa mahaakna maaduda thunglabada makhoyna mahaakpu mathak thangba ka aduda pukhatle. Amasung lukhraabi pumnamakna kap kaptuna Dorcasna makhoyga leiminnaringeida phurit amasung phirol tubiba adu uttuna manaakta leple. 

40 touegumsung Peter-na makhoy pumnamakpu chat-thok-handuna, khuru khudak kullaga haayjare; adugaa hakchaang aduda onsil-laaktuna mahaakna haay, Tabitha, hougatlo. maaduda mahaakna mamit paangthokle, adugaa Peterbu urabada hougattuna phamle. 41 Amasung Peter-na maangonda khut lansinbiduna mahaakpu hougat-halle; adugaa asengba misingbu amasung lukhraabisingbu kouraga mahaakpu hingna phanghanbire. 42 Amasung Japho apumbada sin-thungna maasi khanglakpada, mi ayaambana Eesor-bu thaajare. 43 asum tholdare, mahaakna Simon kouba kanaagumba saun noiba amaaga loynanaa Joppa numit kuina leiminnarammi.