Mark 15
Romegi leibaak ngaakpa mapu Pilatki maangda Jesus-bu pukhatpa
( Matthew 27.1,2,11-14; Luke 23.1-5; John 18.28-38 )
15 Amasung ayuk hek oibada athoiba purohit singna ahal-laman sing, saas-tragi ojaa-sing amasung ahal-lup pumnamakka loynanaa waa taanaraga, Jesus-bu pulle; adugaa puthok-khiduna Pilatta pikhatkhi. 2 maaduda Pilatna ebungngo-da hang-e, nangdi Jews-singgi ningthoura? adugaa ebungngona maangonda khumlak-e, nahaakna haaybaduni. 3 Amasung athoiba Purohit singna ebungngo-gi mathakta ayaamba theijillammi. 4 adugaa Pilatna ebungngo-da amuk hanglak-e, nang karisu khumloidra? Yeng-u, makhoyna nathakta hiram kayaa yaamna theijil-liba! 5 touegumsung Jesus-na karisu amuk khumdre, aduna Pilatna ngakle.
6 Chaak khaangbada makhoyna nijaba phaadok amabu mahaakna makhoygi damak thaadokpiba mahaakki hounasaani. 7 Amasung Barabbas kouba amaa leibaak waa Thok-hanba singga loynanaa punduna leirammi; waa thok-hanba aduda mising aduna mi haatlammi. 8 adugaa miyaamna, kaaraktuna, mahaakna makhoygi damak mahaakki hounasaagumna tounanaba nijaba houre. 9 Amasung Pilatna makhoyda khumlak-e, eina Jews-singgi ningthou adubu nakhoygi damak thaadokpiba nakhoyna paambra? 10 maramdi kallakpagi maramna athoiba Purohit singna ebungngobu pithoklabani haayba mahaakna khanglammi. 11 touegumsung adu nattaduna Barabbabu mahaakna makhoygi damak thaadok-pinanaba, athoiba purohit singna miyaambu thougat-lammi. 12 Amasung Pilatna makhoyda amuk khumlak-e, adunadi nakhoyna Jews-singi ningthou kouba mahaak aduda eina kari tougadage? 13 adugaa makhoyna amuk laaorak-e, maabu crossta haatlu. 14 touegumsung Pilatna makhoyda haayrak-e, karigino, mahaakna kari phattaba toukhrabage? adubu makhoyna hennadum laorammi, maabu crossta haatlu. 15 Amasung Pilatna miyaambu pellhanningduna Barabbabu makhoygi damak thaadokpire, adugaa mahaakna Jesus-bu thina yeiraga Crossta haatnaba pithokle.
Lamnisingna Jesus-bu noknaba
( Matthew 27.27-30; John 19.2,3 )
16 Amasung laanmi singna ebungngobu Praetorium adugi sumanggi manungda pusil-laga, laanmi kaanglup apumbabu kousille. 17 Amasung makhoyna ebungngobu memaanba phi enbiduna, tingkhanggi luhup amaa lollaga ebungngo-da uppire. 18 adugaa makhoyna ebungngobu, he Jews-singgi ningthou, khurumjari, haayduna khurumba houre. 19 Amasung makhoyna singnaangna ebungngo-gi kokta phuduna ebungngo-da tin-sitchille, adugaa khuru khudak kunduna ebungngobu khurumle. 20 Amasung makhoyna ebungngobu noknaraga memaanba phi adu ebungngo-dagi louthok-piduna ebungngo-gi phi setpire. adugaa makhoyna ebungngobu Crossta haatna-naba puthok-khre.
Jesus-bu crossta paang-tingba, ebungngona siba amasung ebungngobu phumba
( Matthew 27.31-44; Luke 23.27-43; John 19.17-27 )
21 Amasung manaak-tuda laakpa, lawaaydagi kaarakpa, Alexander amasung Rufuski mapaa Simon kouba Cyrenegi mi amabu namduna ebungngo-gi cross puhalle.
22 Amasung makhoyna ebungngobu Golgotha kouba mapham, haaybadi, lukanggi maphamda purak-e. 23 adugaa makhoyna morga totnaba angur mahi ebungngo-da pi, adubu ebungngona maadu loude. 24 Amasung makhoyna ebungngobu crossta yotpi thaaduna pang ting-khrabada, ebungngo-gi phi adu makhoyna kana kanaagi oigadage haayduna laaibak yengnaraga yennei. 25 adugaa makhoyna ebungngobu crossta yotpi thaaduna pang tinglamba matam adu ayukki pung 9:00 aduwaaida oirammi. 26 Amasung ebungngo-da theijinba waagi mingthol, Jews-singgi ningthou, haayba adu kokthak lomda eduna leirammi. 27 adugaa makhoyna ebungngo-ga loynanaa daaku anibu, amanaa ebungngo-gi yetta, amanaa oyda crossta yotpi thaaduna pang ting-e. 28 adugaa saas-trana haayba, amasung ebungngo mahaakti ayol araanba misinggi marakta masing challe haayba adu thungle. 29 Amasung manaakta chat-thok chatsin touriba makhoy aduna makok haairaduna khon thina ekaaiba piduna haay, ae! Eesor ningna sang maanghanba amasung numit humnida saaba nang, 30 Crosstagi kumtharaktuna nathantabu kanjou. 31 Adugumduna athoiba purohit singnasu saas-tragi ojaa-singga loynanaa makhoy masen-gi marakta noknaduna haay, atei-singbudi manaa kanbi; mathantabudi kanjaba ngamde. 32 eikhoyna uduna thajana-naba, Israegi ningthou Christa aduna houjik Crosstagi kumthasanu. Amasung ebungngo-ga loynanaa Crossta yotpi thaaduna pang tingminnariba singna ebungngobu achoppa waa haayrammi.
33 Amasung numit yungbadagina nungthin-gi pung 3:00. taaba phaaoba leibaak apumbada mamle. 34 Amasung nungthin-gi pung 3:00 taabada Jesus-na awaangba khonjenna loirak-e, “eli, eli, lema sabachthani? Adudi eigi Eesor, eigi Eesor, ebungngona eibu karigi hundok-pibage? 35 adugaa manaakta leplamba kharana maadu taarabada haayrak-e, yeng-u, Elijahbu kou-e; 36 maaduda kanaagumba amanaa chenkhiduna,sponge amaa asinba mahida luptuna singnaang amada maadu lengsil-laga ebungngobu thaaknaba piduna haay, leijasanu; Elijahna maabu louthabina-naba laakkadra eikhoyna yengsi. 37 Amasung Jesus-na awaangba khonjenna laoramlaga mathwaai thaakhre. 38 maaduda Eesor ningna sanggi asengba maphamgi maaykhan phi adu mathaktagi maakha phaaoba ani-thokna segaayre. 39 adugaa ebungngo-ga maayoknana manaakta leppa laanmi chaammagi mapu aduna ebungngona asumna thawaay thaakhiba adu ubada haayrak-e, aoibamk mi asi Eesor-gi machaa-nupaani. 40 Amasung nupi-singnasu athaap-padagi yengduna leirammi, makhoygi manaakta Magadalini Mary, nahaa oiba Jameska Josesgagi mamaa Mary, amasung Salome yaorammi. 41 ebungngona Galileeda leiringeida makhoyna ebungngo-gi tung enduna thougan toujarammi; adugaa ebungngo-ga loynanaa Jerusalemda kaaminnarakpa ayaamba atei nupi-singsu yaorammi.
42 Amasung numidaang-waai oiraklabasu, potthaaba numit oidri-ngeigi thouraang laangba numit oirabanina, 43 Ahal-lupki ekaai-khumnaba mi, masaanasu Eesor-gi leibaak ngaijariba Arimatheagi Joseph, adu laakle; mahaakna thouna phana Pilatki maphamda changkhiduna Jesus-gi hakchaang nijare. 44 adugaa houjik ebungngo sikhre haaybada Pilatna ngakle, amasung laanmi chaammagi mapu kouraduna, ebungngo siba kuirabra haayduna maangonda hangle. 45 Amasung mahaakna laanmi chaammagi mapudagi maadu khanglabada, Josephta asibaa hakchaang adu pibire. 46 adugaa mahaakna anaanba leemon phi amaa leiraga, ebungngobu puthaaduna, leemon phi aduna yomlaga, nungjaaoda huttoklaba mongphamda ebungngobu thamle; amasung mahaakna mongpham adugi thongda nung amaa onsille. 47 adugaa Magadalini Mary amasung Josesgi mamaa Maryna ebungngobu kadaayda thambage haayba ukhirammi.