Revelation 5

Eesor-gi yaao machaagi maramda uhanbiba

5 Amasung phambaal adugi mathakta phamliba ebungngo mahaakki khut yet-thangbada mapuk manam eraba, chum taret bada mapuk manam eraba, chum taret namlaba laairik amaa eina ure. 2 Amasung, laairik adu haangdoknaba adugaa maadugi chum adu thoknaba matik chaaba kana leibage, haayna awaangba khonjenna laaothokliba akanba swarga-dut amabu eina ure. 3 adugaa swargada oirabasu, Prithibigi mathakta nattraga makhaada oirabasu, laairik adu haangdokpa nattragamadu yengba kana amatana ngamlamde. 

4 Amasung laairik adu haangdokpa nattraga maadu yengba matik chaaba kana amata phangdaba maramna eina yaamna kaplammi. 5 adugaa ahal-laman singgi maraktagi amanaa eingonda haay, kapkanu; yeng-u, Judegi salaaigi nongsa, Davidki mara aduna laairik adusu maadugi chum taret adusu haangdoknabagi damak ngamle. 

6 Amasung phambaal adugi amasung Mathawaai paanba mari adugi marakta adugaa ahal-laman sing adugi mayaaida, machi taret amasung mamit taret panba, haatkhibasu oibagumba; yaao machaa amaa lepliba eina ure. prithibi pumnamakta thaakhiba mamit adudi Eesor-gi thawaay taretni. 

7 adugaa yaao machaa aduna laakladuna, phambaal adugi mathakta phamliba ebungngo mahaak adugi khut yet-thangbadagi maadu louthokle. 8 adugaa laairik adu louthoklabada, Mathawaai paanba mari aduna amasung ahllaman kunmari aduna yaao machaa adugi maangda tuthajare. Makhoy amam-mamgi pena, amasung asengba-singgi haayjaba oiriba dhupna thanba sanaagi tenggot leirammi. 9 Amasung makhoyna anouba esei saktuna haay,

         Laairik adu louba amasung maadugi chum adu haangdokpa ebungngodi matik chaabani, maramdi ebungngodi hatkhre, adugaa salaai, loi, mi, amasung jaat khudingdagi ebungngo-gi eena Eesor-gi damak ebungngona  leibire,

10    Aduga makhoybu eikhoygi Eesor-gi damak ningthou leibaak amasung purohit sing oiba ebungngona sembire, amasung makhoyna prithibida ningthou oinaa paan-gani.

11 Amasung phambaal adugi, Mathawaai panbasing adugi amasung ahal-laman sing adugi akoybada leiriba swarga-dut mayaamgi khonjen eina usu ure, tasu taare; adugaa makhoygi masingdi lakha lakha, amasung lising lising oirammi; 12 makhoyna awaangba khonjenna haay,

         paanggal, enaak-khunba, lousing, akan athou ekaai-khumnaba, matik mangaan amasung thaagatpa adu phangba, haatkhraba yaao machaa adudi matik chaabani.

13 Amasung swargada, prithibida, Prithibigi makhaada, samudrada adugaa asigi manungda leiriba pumnamak, semkhraba khudingna asi haayba eina taare,

         Phambaal aduda phamliba ebungngo maangonda amasung yaao machaa aduda thaagatpa, ekaai-khumnaba, matik mangaan amasung paanba adu lomba naaidaba oisanu.

14 adugaa Mathawaai paanba mari aduna haay, Amen. amasung ahal-laman sing aduna tuthaajaduna khurumjare.