2 Corinthians 10

Paulna mahaakki matik adu Eesor-dagini haayna leppa

10 Amasung nakhoyga leiminabada, nakhoygi narakta tonthaba, adubu leiminnadabada nakoiromda pukning thouna ningjaba Paul ei esaana Christagi pukning tappa amasung thotpagi mapaanna nakhoybu nonjari; 2 hoy, eikhoyna hakchaanggi matung ennaa chatpani haayna eikhoybu khalliba mi kharagi mathakta eina thouna utke haayna ningliba chetna thaajaba adugaa loynanaa thouna adu ei leiba matamda eina uttaananaba, eina nakhoyda oyda nijari. 3 maramdi eikhoy hakchaangna chatlabasu, hakchaanggi matung ennaa eikhoyna laan soknade. 4 (maramdi eikhoygi  laangi  khutlaidi hakchaanggi natte, adubu akanba pal thugaaynaba phaaoba Eesor-gi maangda maadugi paanggal lei.) 5 ningba khibikpu amasung Eesor-bu khngba adubu yeknaduna chaaojaba awaangba thabak khudingbu eikhoyna thugaayduna, waakhal khudingbu aapha apun oinaa Christagi haayba enba taanna purak-e; 6 Amasung nakhoygi haayba enba adu changkhollabada, haayba endaba pumnamakpu laman khumnaba eikhoygi thouraang lei. 

7 nakhoygi maangda leiri leiriba pot adubu nakhoyna yeng-e. Kanaagumba mina, mahaak Christagini haayba masa mathantada thajarabadi, mahaak masa mathanta asi amuk waakhal khanjasanu, haaybadi, mahaak Christagi oibagumna eikhoysuni. 8 maramdi eikhoygi etikki marida eina khara yaamna chaaothoklagasu (madu nakhoybu saagatnabagidamak Eesor-na pibire, adugaa nakhoybu thugaaynabagi damakti natte), Ei ekaaiba phangloi; 9 eigi ekhi ekhiba laairikna nakhoybu kihannabagum eibu ningdananaba asi eina haaybani. 10 maramdi makhoyna haay, mahaakki aiba laairiksingdi lummi amasung kalli, adubu mahaak masa yaaobadi solli, amasung mahaakki waangaang karisu natte. 11 eikhoy leitba matamda laairikki mapaanna waaheida oibagumna, eikhoy leiba matamdasu thabakta oi haayba asi adugumba mina khansanu. 

12 maramdi masa mathantabu thaagatchaba makhoy kanaagumba adugaa loynanaa eikhoyna esa isabu masing channanaba, nattraga chaangdamnanaba thouna phaaba oiyaade; touegumsung makhoy masenna makhoy masa masaabu chaang yengjaba, amasung makhoy masen amaaga amaga chaangdamnajaba, makhoy adudi khangdabani. 13 adubu nakhoy phaaoba younanaba chang, Eesor-na eikhoyda kaknabiba ngamkhei adugi chaang matung ennaa nattaduna, chaang adu hendokna eikhoyna chaaothokcharoi. 14 maramdi eikhoyna nakhoyda youdabagum, eikhoyna esa isa hendokna tingthokchade; maramdi eikhoyna Christagi aphaba waapaao saandokpada nakhoy phaaoba thungle. 

15 eikhoygi machang hendoktuna mi ateisinggi nombada chaaothokchade; adubu tarang tarang khangna ningba lei, haaybadi, nakhoygi thaajaba chaaokhatpada, eikhoygi ngamkhei matung ennaa nakhoyna eikhoybu yaamna chaaohanbigani, 16 aduna eikhoyna nakhoydagi hendokpa maaykeida aphaba waapaao saandokpa yaai, adugaa mi atei amagi ngamkhei manungda thouraang langkhraba thabak adugi marida chaaothokpa natte. 17 touegumsung chaaothokchaba mahaak aduna Eesor-da chaaothokchasanu. 18 maramdi masa mathantabu thaagatchaba mi adubu yabide, adubu Eesor-na thaagatpiba mi adubu yabibani.