Numbers 6
Nazir oibagi pathap
1 Eeshorna Mosesda haayrammi,
2 Israelgi mishingda haayyu: Kanaagumba nupaa nattraga nupi amanaa Eeshorda masha pumbaa kaathoktuna nazir amaa oige haayna waashak pandom lomlabadi,
3 Adugumba nupaa nattraga nupiduna yunachingba mayaai kaba pot chaaba thakpa yaade yudagi shemba mayaai kaba pot chaaba yaade. Loushing mangba yaaba mayaai kaba pot chaaba yaade. Mahaakna angur akangba nattraga hekpada ngaairiba chaaba yaade. Angur mahi phaaoba thakpa yaade.
4 Nazir oinaa leiringeida angurdagi hendoktuna maru amadi makuphaoba chaaba yaade.
5 Nazir oiringei matamda shaam kakpa yaade. Eeshorda thawaay hakchaang animak katthokkhiba matamdu loidriba phaaoba shengna leigadabani. Mashamdu shaangna thamgadabani.
6 Eeshorda masha katthoktuna leiringei manungsida ashibaa masha shokluba yaade.
7 Mapa, mama, machin, manaao, mache amadi machan shirabasu ashibaa mashaaduda paayduna mashaabu mangthokloidoubani. Mahaakna Eeshorda katthokkhibagi khudamdu makokta thongduna leiribani.
8 Nazir oiringei manungsi adugumba nupaa nattraga nupidu thoidokna shenglibani.
9 Khanghoudana shibadgi shengdoklaba Nazirgi samduga ashibaa mashaaduga shamnakhrabadi, mahaakna numit taretni leiraga mashamdu kokthokkadabani. Makoisu kokthokkani. Asumna tourabadi mahaak shengle.
10 Nipaanni shubaa numitta mahaakna khu-nu ani nattraga lamkhunu ani puraktuna Purohitta pigani. Maasi mitinshanggi thongjin phaaoba mahaakna purakkadabani.
11 Purohittuna khunu amanaa aran thou oinaa aduga atoppaduna meida thaaduna touba oinaa paangthokpigadabani. Maasi Nazirduna ashibaa masha shoklubada mangbadu koknabani. Haayriba numitsidagi mahaakna masham amuk khakpa yaai.
12 Maasi touraga mahaakna Zazir oinaa amuk haanna Eeshorda katthokchaba yaai. Haanna houkhiba matamdu mashing thaaba yaaroi maramdi mahaakki mashamdu maangkhrabani. Aran thou oinaa mahaakna chahi amaa shuraba yaao machaa amaa katkadabani.
13 Nazir oibagi matamdu loirabada chatkadouba pathaptu asini:Mahaakpu mitinshanggi thongjinda pusillakkadabani.
14 Meida thaaduna paangthokpa thougi potlam oinaa chahi amaa shuraba yaao machaa amaa Eeshorda katkadabani. Maasi ashoy angaam leihanba yaade. Chahi amaa shuraba yaao amom amasu ashoy angaam yaaodaba yengduna aran thou oinaa katkadabani. Yaao laaba amasu lamdaai shumdaaigi thou oinaa katkadabani.
15 Ata aphabada haamei haaptuna houba tal thummuk amaa purakkadabani. Haamei yaaodaba tal maipombida thaao haplaga katkadabani. Haayribashingsiga loynanaa mahei marong amadi thaaknaba potshingsu katkadabani.
16 Haayriba potshingsi Purohitna Eeshorda katkadabani. Nupaadugi ayon araan amadi meida thaaduna katkadouba thougi potlamdu katpigadabani.
17 Haamei yaaodaba tal thummuktuga loynanaa lamdaai shumdaaigi thou oinaa yaao amasu Eeshorda katkadabani. Masiga loynanaa mahei marong amadi mahidusu katkadabani.
18 Zazirduna matam surabada makokta houriba samdu mitinshanggi thongda kokkadabani. Mahaakki makokta houriba samdu kokthoklaga lamdaai shumdaaigi thou oinaa mei thaariba phunggadugi makhaada enshinkhigadabani.
19 Purohitna yaaodugi lengjumgi shadongdu thonglaga tal mapak amaaga biskut amaaga makhutta happigadabani.
20 Purohittuna haayriba potshingsi athoiba khudon oinaa Eeshorgi maphamda katkadabani. Atho-iba khudon oinaa katliba shaadugi thabakki amadi maphaigangi shaaruktu purohitki ashengba sharuk oigadabani. Maasi touraba matungda Nazirduna angur mahi thakpa yaai.
21 Nazir oige haayna waashakkhiba mishinggi maramda chatnagadouba pathaptu asini: Nazir amaa oinaa Eeshorgi khuyaada katkadouriba pottu waashaktugi matung-ingani. Maasi mahaakna angamba katpadugi mathaktani. Mahaakna shakliba waashaktugi matung ennaa chatnabi matung ennasu Nazir amaa oibagi pipham thopadu pigadabani.
Purohitna bor piba
22 Eeshorna Mosesda haayrammi,
23 Aaron amadi machaanupashingda haayyu: nakhoyna Israelgi mishingbu bor piba matamda asumna haaygadabani. Eeshorna nakhoybu kubire amadi ngaksenbire.
25 Eeshorgi maaythongdu nakhoyda utpire aduga Eeshorna nakhoybu lunaa toubire.
26 Ebungngona shaak uhanbiduna nakhoybu mara tana palhanbire.
27 Matou asumna eigi minglensi Israelgi mishinggi thamoida happigadabani. Adu oirabadi Eina makhoybu kubigani.