Psalm 48

Zionda Mapu Ibungo

48 Lainingthoudi wangthoibani maramsina eikhoigi ipuroina kaidongbiriba asengba chingduda Ibungogi minglenbu thagatkadabani.

2   Mapu Ibungona kaidong oibiriba ching Zion yengbada tanik tanik-i amasung wangi, athoiba ningthou oibiriba Ibungogi chingsina taibangda harao tayamba oihalli.

3   Sahardugi chekpan manungda leiba matamda Mapu Ibungona asoi angam leiroi takpiri.

4   Ningthousingna amatta oina punsillaga Zionbu namthage laknakhi.

5   Adubu makhoina masibu uba matamda angakpana thankhi, masibu ubada kiraduna chenkhi.

6   Angang unagadouba matamda kiba amadi mipairaba nupi amagumna makhoi mipaikhi.

7   Nonglei nungsit akanbada lengliba higumna makhoi mapham marang khangkhide.

8   Ipuroina kari toubikhre haibadu eikhoina tare, panggallaba Lainingthou Ibungogi sahargi manungda pumnamaksi mayek lana ure, Ibungona saharsibu matam leibada ngakthokpigani.

9   Hey ipuroi Ibungogi ningnashang manungda wakhan toujei nanai eikhoina Ibungogi chetna channa nungsibadu ningsingduna.

10 Taibangsida leiriba mishingna Ibungobu thagatnari, Ibungogi minglendu malemsi sinbathungna tannari. Ibungona achumbana liching oiduna wayelbiri.

11 Zionda leiriba mishingdu nungngaiba saruk oijasanu, Ibungona achumba toubiri, Judahgi saharsingdusu achumba leisanu.

12 Mapu Ibungogi mishing, Zion-gi akoibada chattuna sariba awangba yumsingdu mashing thiyu.

13 Khagatliba chekpansingdu yengu aduga koisilliba lanbandu chang touduna yengu. Pumnamaksi mathang lakpa mironda phongdok-u.

14 "Matam leibada Mapu Ibungodi eikhoigi ipuroi oigani, lakkadouba matamsingda Ibungona eikhoibu chingbigani."