2 Chronicles 7
Ningnashang hongba (1 Ning 8:62-66)
7 Solomonna thounijabasi hek loiba matamduda koirouthaktagi mei ama thoraktuna meida thaduna katliba amadi atei thousingdu chakkhi. Aduga ningnashangdu Ishor-gi matik mangalna leiteng oikhi. 2 Ishor-gi ningnashangdu Ishor-gi matik mangalna nganthoibikhiba maramna purohitsingdu Eshorgi mangda changba ngamlamde. 3 Israel machasingna mei amadi ningnashangdugi manungda uriba matik mayaiduda maiyoknaba ngamdaduna malemda mamai lukthaduna mangolda Eshorbu khurumjaduna magun sakchakhi. Makhoina hairammi, "Ibungodi pukchel tappi aduga Ibungogi chetna channa nungsibadu keidoungeidasu lengde." 4 Masidagidi Solomon amadi tilliba miyamduna Ishor-gi khuyakhada thou katcharammi. 5 Ningthou Solomonna thou oinanaba haiduna shallaba lishing kunnithoi, yao lakh amaga lishing kun katlammi. Asumna ningthou amadi miyam tinnaduna Mapu Ibungo ningpham oiriba ningnashangdu sangatkhi. 6 Purohit amadi Levisingna masa masagi maphamda lepladuna ningthou Davidna Lainingthou khurumba matamda sijinnanaba haiduna saramba jantrasingdu paiduna Ibungobu thagat-lammi. Makhoina shaklammi, "hairiba isheisi ningthou David leiringeidagi saklakpani. Mi yamna leplingeida purohitsingna pere khonglammi.
7 Ningthou Solomonna Ishor ningnashanggi mayaida leiriba kadu sengdo klammi. Masida mapum oina katpa thou, mahei maronggi thou, lamdai sumdaigi shadongnachingba katkadoubadu katkhi. Mahakna sakhiba pithraigi phankhongdu hairibasingsi loina happa challamde.
8 Hairiba matamsida Solomon amadi Israelgi mishingna Saidangbagi chakkhangbadu numit taretni chupna pangthokkhi. Matamsida Hamathki changphamdagina Egyptki iphuttu phaobada tariba Israelgi machasingdu tinkhi. 9 Numit taretni chupna phankhongdu sengdokhi aduga numit taretni chupna chak khangkhi. Nipalni suba numitta makhoina aroiba mitin ama phamkhi. 10 Taretni suba thagi kunhum-doinisuba numitta Solomonna miyamdu mayum mayumda halhankhi. Ishor-na David amadi Solomon aduga Israelgi mishingda utpiriba bordu ubada makhoi thoidokna harao tayamkhi.
Mapu Ibungona Solomonda amuk hanna uhanbiba
(1 Ning 9:1-9)
11 Houjikti Ishor-gi ningnashang amadi konung sabadu loisillaklammi. Ishor-gi ningnashang amadi konung sabada phagani haina thourangkhiba pumnamak mapung phana pangthokkhi. 12 Ishor-na ahingda Solomon-gi manakta laklammi aduga hairammi, "nahakki haijaba pumnamak eina tare. Maphamsi thou katnanaba mapham oina khandoklabani. 13 Eina nong tahandaba matamda, nattraga malemsi mangnanaba koujeng tharakpa matamda, nattraga eigi mishinggi mathakta laichat thok-hanba matamda, 14 Eigi itik igunsi khangduna Eigi mishingsina thirabadi, makhoina touriba phattaba thabaksingdu thadoklabadi, nongmadondagi eina makoina haijarakpadu tabigani. Aduga makhoina toukhiba aranba thabaksingdu ngakpigani. Makhoina leiriba lamda laichat thokpadusu pahanbigani. 15 Houjikti eihak nakhoida mityeng taragani aduga maphamsidagi Nakhoina haijarakpa pumnamak tabigani. 16 Maramsina eigi itik igundu maphamsida lengdana leinanaba eina maphamsi sengdoklabani. Eina mapham-sibu matam leibada sennagani amasung ngaksennduna leigani. 17 Nanggidamakti mapa Davidna toukhibagumna eigi imang thaduna chatnaba aduga Eigi yathangdu nahakna ngakna chatpa ngamnaba amadi Eigi chatnaronsingdu ngakna chatlabadi, 18 Eina napa Ibungo, Davidta Israelgi wayelgadouba mi wathalloi" haikhibadu thunghangani. 19 Aduga karigumba nahakna napukning onduna Eigi chatnaron amadi yathangsingdu indrabadi, aduga atoppa laisingbu ningkhrabadi. 20 Eina pikhiba lam aduga Eigi minglenda sengdokhraba ningnashangsida nahak khongdaba yaroi. Asumna tourabadi nahak awapham tahanduna Paorou amadi wari oina leihounaba thourangani.
21 Ningnashangsi mingchat urong oina leire aduga masibu uba kanana hainagani. Ishor-na leibaksi manghankhre aduga loinana ningnashangsisu manghankhre. 22 Matamduda miyamna warinagani: Makhoigi mapa mapubu Egy-pttagi puthokpirakkhiba makhoigi Mapuroi Ishor-bu khonggaonabadagi thoklibani. Makhoina atoppa laising ninglubadagi masi thoklibani. Maramsina Ishor-na miyamsigi mathakta asigumba mangtakpasi thok-hankhribani.