Joshua 23
Joshuagi aroiba paaomen
1 Akoybada leiriba yeknabashingbu ngaakthokpiduna Eeshorna Israelbu engna palhanba matamda Joshua ahan oirammi.
2 Maramsina Israelgi mishing, luchingbashing, ahanshing, waayenbashingh, aduga phamnaaibashing kouraduna Joshuana haayrammi, "eidi aha noire. Chahi yaamle.
3 Nakhoygi napuroi Eeshorna nakhoygi damak atoppa Jaatshinggi mathakta toukhiba pumnamak nakhoyna urabani. Yeng-u nakhoygi napuroi Eeshorna laan thengnabikhi.
4 Eigi haaktakta joy touramba Jaatshing, aduga Jordangi nongchuplomda leiriba achouba samudra mapaanda taariba Jaatshingdu nakhoyda eina pirabani.
5 Nakhoygi Napuroi Eeshorna haayriba Jaatshingsi nakhoygi namaangda shoydanamak taanthokpigai. Nakhoygi Napuroi Eeshorna waashakpikhiba matung ennaa haayriba Jaatshingsibu taanthokpiduna makhoyna taariba lamshingdu nakhoygi shoydana oigani.
6 Maramsina nakhoyna ebungngogi yaathang amadi Mosesgi puyada eriba pumnamaktu ngaakna chatpa ngamnaba hotnou yaathangshingdu nattana ningba ningbadu touba yaade.
7 Nakhoyna laakshinba ngamdaduna leiriba Jaatshingsiga charou mourounaba yaade. Makhoygi laaishinggi maming panduna waashakpa nattraga makhoygi laaishingdu khurumba nattraga makhoygi mamaangda narai lukloidoubani.
8 Ngasi phaaoba nakhoyna tourakliba asigumna nakhoygi napuroi Eeshorgi makada nakhoyna lengdana leinanaba hotnou.
9 Eeshorna nakhoygi namaangda achouba amadi mapaanggal leiraba Jaatshing taanthokkhra bani. Ngasi phaaoba maramsina nakhoygi namaangda Canaanasu mayok yaaba ngamde.
10 Nakhoygi napuroi Eeshorna nakhoygi damak laan thengnabiba maramna nakhoygi mi amaaga jaat ateigi lishing amaaga lanba yaribani.
11 Maramsina nakhoygi napuroi Eeshorbu matam leibada nungshina chatchaba ngamnabagidamak nathawaay hakchaang katthokkadabani.
12 Karigumbanapukning hongduna nakhoygi akoybada leiriba Jaatshingsiga charou mourounarabadi
13 Nakhoygi napuroi Eeshorna nakhoygi narakta taariba Jaatshingdubu karigumbadasu taanthokloi. Makhoyna nakhoygi naphamda khunu makhongda shaam loubagumna lougani. Makhoysi nakhoygi naphamda saruna yubagum oigani. Makhoydi tingkhang-gum oigani Eeshorna nakhoyda Pinabiraba lamsisu tumna manglakkani.
14 Mioina pokpagi hounabi matung enna,houjikti eihaak taaibang-paansi thaadoktuna chaatkadouba matam nakle. Nakhoygi napukningda amadi nathamoida khanglibaduni madudi nakhoigi Eeshorna nakhoyda pibigani haaykhiba nungaai yaaiphaba pumnamak thunghanbire.
15 Eeshorna taakpikhiba matung ennaa nakhoyda nungaaiba pumnamak thunghanbibasigumna, karigumba nakhoyna Eeshorgi yaathangdu endrabadi, Eeshorna nakhoygi nathakta phattabasu thok-hanbiba yaai. Nakhoygi Eeshorna pibikhiba aphaba lamsidagi nakhoybu tumna maanghanbasu mahaakna ngambani.
16 Eeshorna nakhoyda hongba yaade haayna pibikhiba areppa waashaktu nakhoyna honglabadi, aduga nakhoyna atoppa laaishingbu seba tourabadi, aduga makhoygi mamaangda nakhoy nakok nollabadi, Eeshorna nakhoybu tumna maanghan-gani. Asumna tourabadi Eeshorna nakhoybu shaaogani aduga Eeshorna nakhoyda pibikhiba aphaba lamsida nakhoy yaamna thuna tumna maanggani.