Mark 16
Jesus-na hinggatpa
( Matthew 28.1-8; Luke 24.1-12; John 20.1-10 )
16 Amasung potthaaba numit adu lanthok-khrabada, Magadalini Mary, Jameski mamaa Mary amasung Salome, makhoyna laaktuna ebungngobu tei-binanaba manam nungsiba pot leire. 2 adugaa chayon-gi ahaanba numitta yaamna nganna makhoyna mongpham tanna, numit thokpa matungda lak-e, 3 Amasung makhoy masen haaynarammi, kanaana eikhoygidamak mongphamgi thongdagi nung adu onthok-pigadage? 4 maaduda makhoyna yengkhatpada nung adu onthok-khiramba ui; maramdi maadu yaamna chaaorammi, 5 Amasung makhoyna mongpham manungda changbada, angouba phi enba paakhang amaa yet-thangbada phamba uraduna yaamna ngaklammi. 6 adubu mahaakna makhoyda haay, ngaakpa touganu; Crossta haatkhiba Nazarethki Jesus-bu nakhoyna thiri. ebungngobu hinggatpi-khre, asida leitre; yeng-u, ebungngobu thamlamba mapham asi! 7 touegumsung chatlu, ebungngo-gi sebok singga Petergada taakpiru, ebungngona nakhoydagi hanna. Galileeda lengbi; ebungngona nakhoyda haaykhiba gumna nakhoyna ebungngobu aduda ugani. 8 Amasung makhoyna thoklaktuna mongphamdagi chenkhre; maramdi makhoyda anikpa amasung angakpa oirammi; adugaa makhoyna kibagi maramna kana amadasu karisu haairamde.
9 Amasung chayon-gi ahouba numitta nganna ebungngona hingatlabada, bhut taretpu ebungngona taanthok-pikhiba Magadalini Maryda haanna uhanle. 10 Mahaakna chatkhiduna ebungngo-ga loynaramba, tengthaaduna kapliba makhoy singda tamlei. 11 adugaa ebungngodi hingli amasung nahaakna ebungngobu ujare haayba makhoyna taarabasu thaajade.
12 Pumnamak asigi matungda sak atoppa oinaa ebungngona makhoygi maraktagi khul taanna chatlamba anibu lambida uhanbire. 13 maaduda makhoyna hankhiduna leihouriba singda maadu tamle, adubu makhoyna makhoybu thaajade.
14 Matung aduda taraamaathoy aduna chaaba phamlingeida ebungngona uhanbire; adugaa makhoygi thaajadaba amasung thamoi kanbagi maramda makhoybu waarakle, maramdi hingat-khiba ebungngobu ujaraba singbu makhoyna thajaramde. 15 Amasung ebungngona makhoyda haayrak-e, nakhoyna taaibang-paal pumnamakta chat-tuna taaibang mi makheida aphaba waapaao saandok-u. 16 Thaajaduna buptized louraba mahaak adubu kanbigani; touegumsung thaajadaba mahaak adubu lalhan-gani 17 Amasung khudam sing asina thaajaba singga loynagani haaybadi, eigi mingda makhoyna bhut singbu taanthokkani; anou anouba lol ngaanggani; 18 Lil paaykhat-kani, amasung karigumba sinaba hu makhoyna thaklabadi, maaduna makhoybu khak sokloi; makhoyna anaaba singgi mathakta khut thambiraga makhoygi anaaba phagani.
19 Matou asumna makhoyda haayrabagi matungda ebungngo Jesus-bu swargada loukhat-khre, amasung ebungngona Eesor-gi yetta phamkhre. 20 adugaa makhoyna chat-thok-khiduna mapham khudingda paao saandokle; Eesor-na makhoyga loynanaa thabak touminnare, amasung loynariba khudam sing aduna waa adu chet-hanbire.