Genesis 17
Waarepnabagi khudam maton-gi un kakpa
1 Eeshorna Abramga hakthengnaba matamda Abram chahi 99 shurammi, Eeshorna maangonda haayrammi, "Eihak paanggallaba Eeshorduni, eigi emang thaaduna chatlu, aduga ayon araan touganu.
2 Eina nahaakka Eigagi marakta waarepnaba amaa purakkani. Masina maram oiduna nahaakpu mapaan naaidana chaaron-shuron taahan-gani."
3 Matamduda Abram marai leida luklammi. Adubu Eeshorna makha taana waa haayba houraklammi.
4 Asumna taakpirakkhi, yeng-u, eigi areppa waarepnabadu nahaakki naphamda leirabani. Nahaak jaat kayaamarumgi mapaa oigani.
5 Nahaakki naming Abram kouraroi, masigi mahutta Eina nahaakpu jaat kayaamarumgi mapaa oihangadouribanina nahaakki naming Abraham kouragani.
6 Eina nahaakpu mapaan naaidana mahei yalhalgani, Eina nangondagi Jaati kayaa shemgatkani. Nahaakki dhaaraadagi ningthou kayaa pokkani.
7 Nangga Eigagi marakta aduga nahaakki chaaron-shuronggi marakta maanglaroidouba waarepnaba amaa puraktuna Eisi nanggi amadi nahaakki tungda laakkadouriba nanggi chaaron-shurondugi mapu oinanaba waatemnasi.
8 Nakhoyna shaaidaangliba Cannan-gi lamdu nangonda amadi nahaakki tungda laakkadouriba chaaron-shuronshinggi oihounaba Eina pibigani. Maasi hongba leiraroidouba waaphamni aduga Eina makhoygi Eeshordu oigani."
9 Maramsina Eeshorna Abrahamda haayrammi. "Nangna tougadoubadi nanggi punsisina leiringei aduga nanggi tungda laakkadouriba chaaron-shuronna miron-miron khudingda eigi waareptu ngaakna chatpaduni.
10 Makhoyga Eigagi marakta aduga nahaakki tungda laakkadouriba chaaron-shurondugi marakta ngaakna chatkadouriba eigi waareptu asini: nupaa oinaa pokpaa nakhoygi mi khudingna maton-gi un kakkadabani.
11 Phinunggi maton-gi unshaa kakkadabani aduga masina nakhoygi amadi Eigagi marakta Leinariba waarepnaba dugi saakhi oigani.
12 Nakhoygi narakta numit nipaanni suraba nupaa khudingmak maton-gi un kakkadabani. Nanggi chaaron-shuronggi nupaa pumnamak nakhoygi emungda pokpaa nattraga nakhoygi nachaadi nattaba lamlaanba kanaagumbadagi peishaana leiba oirabasu nakhoyga leiminnarabadi, maton-gi unshaa kakkadabani. Nakhoyna shadong kakpa matamda eigaa lepnakhiba areppa waashaknabadu lengdre haaybasi khanggani.
14 Phinunggi hakchaanggi unshaa kaktaba mi khudingmak maagi mishinggi maraktagi taanthokkani maramdi mahaakna eigi waareptu thugaayre."
15 Maasi haaynaraba matungda Eeshorna Abrahamda asumnasu haaykhi, "nahaakki nupi Saraigi matangdadi asumna oigani madudi nahaakna mahaakki mamingdu Sarai kouraroi touegumsung mahaakki maming Sarah kougani.
16 Eina mahaakpu kubigani, adugisu mathakta nahaakkidamak mahaakki maphamda nachaa-nupaa amaa pokhn-gani, Eina nahaakpu kubigani, mahaak jaat kayaamarumgi mamaa oigani, mahaakki mapaanna mishinggi mathakta waayenba ningthou kayaamarum thorakkani."
17 Maasi taabada Abrahamna mamaay luktharaduna noklaga matomta haayjarammi, "chahi 100 suraba hanuraba nupaa amanaa angaang pokkhigadra? Chahi 90 surabi Sarahna angaang pokkhigadara?"
18 Maramsina Abrahamna Eeshorda haayrammi, "ebungngogi mityeng makhaada Ismael punsiba oisanu."
19 Eeshorna waaphamsi taabada haayrammi, "natte nahaakki nupi Sarahna nachaa-nupaa amaa pokkani, aduga nahaakna mahaakki maming Isaac kougani. Mahaakki matungda laakkadouba chaaron-shuronshingdugi yengduna mahaakka loynanaa Eina lengba naaidraba areppa waarepnabadu thamgani.
20 Ismaelgi maramda nahaakna haayjaribadu Eina taare aduga yeng-u, Eina mahaakpu kubigani, mahei yalhan-gani, mapaan naaidana mashing yaamhan-gani, mahaak ningthou machaa taraanithoigi mapaa oihan-gani, aduga Eina mahaakpu achouba jaat amaa oihan-gani.
21 Adubu mathanggi chahigi asungei matamda Sarahna nangonda pokkadouriba nachaa-nupaa Isaacsu Eina eigi areppa waarepnabadu thamgani."
22 Eeshorna Abrahamga waari shaaba loiraba matamda ebungngo thaklomda kakhre.
23 Masigi matungda Abrahamna machaanupa Ismael, Abrahamgi emungda pokpaa minaaishing, amadi mahaakki peishaana leijabashing, shamna haayrabada mahaakki emungda leiriba nupaa khudingmak kousinduna Eeshorna maangonda taakpikhiba matung ennaa numittumaktada makhoybu maton-gi un kakkhi.
24 Abraham mashaamakki maton-gi un kakkhiba matamda chahi 99 shurammi.
25 Mahaakna pokpaa machaanupa Ismael maton-gi un kakpiba matamda chahi tarahumdoi shurammi.
26 Abraham amadi Ishmael nongmatada maton-gi un kakkhi.
27 Aduga mahaakki emung manungda pokpaa oirabasu, leiruba oirabasu nupaa pumnamaktu mahaakka loynanaa maton-gi un kakkhi.