2 Corinthians 11
Pakhonchatpa ama oina mahakki matik
11 Eina khara pangbada nakhoina khangbiba pamjei; Touigumsung nakhoina eibu aoibamak khangbi. Maramdi eina Ishorgi khambanbaga loinana nakhoibu khambanjei; 2 Maramdi asengbi leisabi oina nakhoibu katchananaba, amata ngaiba napuroiba Christa aduda eina nakhoibu thajare. 3 Touigumsung lil aduna hawabu magi marei masana namthak toukhibagum, karigumba nakhoigi pukningbu Christaromda atingba amasung asengbadagi manghanba yai haina eina ki, 4 Maramdi arakpa mina eikhoina sandoktaba atoppa Jesus sandoklabadi, nattraga nakhoina phangdaba tonganba thawai phanglabadi nattraga makhoina jadaba tonganba aphaba wapao yarabadi, nakhoina mahakpu phajana khangbida! 5 Maramdi eidi thoidok hendokpa pakhonchatpasing adugi tung sotthaba khak natte haina eina singthanajei. 6 Touigumsung eina wangangda heitasingdaba oriabasu, khangbadadi natchade; adubu maram khudingda eikhoina pumnamakki marakta asi nakhoida phongdokchare.
7 Aduga eina nakhoida lemma Ishorgi aphaba wapao sandokpagi maramna, nakhoibu chaokhatnanaba isa ithanta tonthajaduna eina pap toukhrabra? 8 Eina nakhoida thougan tounanaba atei singlupsingdagi asumal louduna makhoibu munbire; 9 Aduga eina nakhoiga leiminnaduna watpa matamda eina kanagumbada arumba oide; maramdi Macedoniadagi lakpa ichin inaosingna eigi awatpa makhei samjinbire; aduga nakhoida arumba oihan-gadabadagi eina isa ithantabu maram khudingda ngakchei, amasung ithantabu ngakchagani. 10 Christagi achumba eingonda leibana Akhaigi maikeida chaothokchaba asidagi eibu khambiroi, 11 Karigi damakno? Eina nakhoibu nungsidaba maramnara? Ishorna khangi.
12 Touigumsung khudong chaba pamba makhoidagi khudong chaba kakthoknanaba, haibadi, makhoina chaothokchaba aduda makhoibu eikhoigum phangnanaba, eina touriba adu tousu tougani. 13 Maramdi asigumba mishingdi chumdaba pakhonchatpa, minamba thabak touba, Christagi pakhonchatpasingga makhoi masana mannahanjaba mishingni. 14 Aduga masi angakpa natte, maramdi seitannasu masa mathantabu mangalgi dutka mannahanjei. 15 Maram aduna magi thougan toubasingna masa masabu dharmachenbagi thougan toubasinggumna mannahanjarabadi, madu achouba wa natte; makhoigi aroibadi makhoi makhoigi thabak matung inba oigani.
Paulna awa anang Christagi damak khangba
16 Eina amuk hairi, mi kana amatana eibu apangbani ningbidasanu; adubu ninglabadi, einasu khara chaothokchananaba, apangbagum eibu lousinbiyu. 17 Eina ngangliba asi Prabhugi matung inna ngangba natte, adubu pangbana chaothokchabagi chetna thajaba asina ngangbani. 18 Ayambana hakchanggi matung inna chaothokchabagi maramna, einasu chaothokchagani. 19 Maramdi nakhoina asingba oiduna, apangbasingbu haraona khangbida! 20 Maramdi kanagumbana nakhoibu minai oihallabadi, kanagumbana nakhoibu chathoklabadi, kanagumbana nakhoibu pharabadi, kanagumbana mathanta chaojarabadi, kanangumbana namaida phurabadi, nakhoina adugumba mibu khangbi. 21 Eikhoina sollabani haibagumna, ei ithanta usitchadana ngangbani. Adum oinamakpu kanagumbana kari karigumbada thourabadi (pangbana eina ngangbani), einasu thouwi. 22 Makhoi Hebrewsingla? eisuni. Makhoi Israelsingla? eisuni. Makhoi Abrahamgi dharara. eisuni. 23 Makhoi Christagi thougan toubasingla? (Ei ithanta angaobagumna ngangli) eina amuk helli; subada yamna helli, keisumshangda tabada yamna helli, yeibibada mashing naide, siramgadaba toi.
24 Jewssingdagi cheipham niphudagi ama taba eina mangarak phangle. 25 Cheina eibu ahumlak phure, amuk nungna thare, ahumlak hi kaiba eina khangle, ahing amaga nungthil amaga samudra manungda lellure; 26 Lam chatpa toi, turel kayagi khudongthiba, huranbasinggi khudongthiba, ireibakki mishingdagi khudong thiba, atoppa jatsingdagi khudongthiba, saharda khudong thiba, lamlakta khudong thiba, samudrada khudong thiba, chumdaba ichin inaosinggi marakta khudong thiba, 27 Nomba amasung awaba khangle; mitseng toina khangbada, aram khourangbada, toina chara henbada, ningthambada amasung phi watpada tarammi. 28 Mapan-gi oiba waramsing asidagisu hendokpa, singlup pumnamakki damak nungsa thiba numit khuding ithakte nanthari. 29 Kanagi asonbada eisu sondabage? Kanagi khudi thibada eisu meichak khangdabage?
30 Eina chaothokchaba tarabadi, eigi asonba yambagi maramda eina chaothokchagani. 31 prabhu Jesusgi Ishorsu mapasu oiba, lomba naidana thagatchagadaba Ibungo mahak aduna ei chinthide haiba khangbi. 32 Dammesakta ningthou Aritagi makhada leibik ngakpa mapuna eibu phananaba dammesaksinggi sahar adu sennarammi, 33 Aduga eibu polangda pan-gi mihuttagi thadabiduna makhuttagi hingjare.