Psalm 103
Mapugi nungsiba
103 Hey thawai, ipuroigi mingkhei sollasi, thawai hakchang animak, Ibungogi asengba minglen sollasi.
2 Hey thawai, Lainingthougi mingkhei, sollasi, Ibungodi thoujan leibani haibasi kaoranu.
3 Ibungona eigi anaba pumba phahanbi, eigi iransu Ibungona ngakpiri.
4 Ibungona eibu asithendagi kanbire, kubire Ibungoda nungsiba amadi thoujanga loinana.
5 Achouba uchek amagumna eihak choktharoi, amasung panggal phana leigani, maramdi Ibungona eingonda athoiba khudon pibire.
6 Ot-neibirabasingdugi yengduna Lainingthouna wayelbi, makhoigi phangpham thokpa atabidu Ibungona pibi.
7 Mosesda Ibungona tougadoubasingdu takpi, Israelgi mishingda Ibungona touba angakpasingdu khanghanbi.
8 Ibungodi thoujan amadi nungsibana mangoinabi, tappi saobada aduga oibiri leiteng hongba naidraba nungsibaduna.
9 Ibungona amuktang warakpikhraga loire, matam leibada saodunata leibide.
10 Eikhoigi iran yengduna aroibida awapham tahanbide, eikhoina touba aranbasingdugi yengduna dandi pibasu toude.
11 Malemga nongmadonga thapnabagumna, Ibungobu luna toujabasingdugi maphamda Ibungona nungsiba utpi.
12 Nongpokka nongchupka thapnabadumak, kokthokpi Ibungona eikhoibi irandu.
13 Mapana machasingbu nungsibadumuk Ibungobu luna toujabasinggi maphamda Ibungona nungsibi.
14 Eikhoi karina sakhibano Ibungona khangbi, ningsingbi Ibungona eikhoi uphulna sembikhibani.
15 Eikhoi taibang punsidi napigi matougumbani, eikhoi ngaihakki oina satlamlaga mangkhi.
16 Nungsitna lakpa matamda patthakhiduna taibang kanasu uba phangde.
17 Adubu Lainingthou Ibungobu nungsibasingdugu maphamdadi Ibungogi nungsibadu lengdana matam leibada pibi. Miron khudingda mahakki matik mayaidu ngalhanbi.
18 Ibungogi areppa wasaktu ngakna chatpasinggi maphamdasu aduga Ibungogi yathang ngakpasingdasu nungsibadu pinabi.
19 Lainingthouna nongmadonda phambal saduna thambi, maramsina Ibungona ningthou oire.
20 Panggallaba dutsing, Lainingthoubu thagatlu, nakhoidi Ibungogi yathang inba ngambasingni.
21 Ibungogi aningbata touba, nongmadonda leiriba pumnamak, Lainingthougi minglendu thagatlasi.
22 Ibungogi makhada leiriba jibasing nakhoisu Lainingthoubu thagatlu. Hey thawai, Lainingthoubu thagatlasi.