2 Kings 1

Elaaija amadi ningthou Ahaziah

1 Ahabna siba matungda Israelgi mathakta Moabna laandarammi.

         2 ningthou Ahaziah Samariada leiriba konunggi mathak thangba kadagi taraktuna yaamna thina sokladuna laikannaduna leirammi. maramsina mahaakna manaai khara thaaduna Ekronda leiriba laai Baal-Zebubta anabadu phagani pharoi hangnaba thaarammi. 3 Eesor-na dut amaa thaaraktuna Tisbigi Elaaijada haayrammi, "hougatlo, Samariagi ningthouna thaarakliba manaaidu unaru. makhoyda asumna haiyu: Israelda Eesor leitrabara? Ekron taanna chat-tuna Baal-Zebub kouba laiduda karigidamak laaibao taaba chatlibano?" 4 maramsina houjikti Eesor-na asumna taakpiri: "ningthouna naduna leiriba phamungdudagi hougatpa ngamloi. ningthoudu soydana masida langani." Laaibaosigi matung ennaa Ahaziah nonggaakhi.

         Eesor-na taakpikhiba matung ennaa Elaaijana laaibaodu phongdokkhi. 5 Laaibao tarunaba chatkhiba manaaisingdu konnungda amuk hallakkhi. Masida ningthouna hanglammi, "nakhoy karigi hallaklibano?"

         6 makhoyna khumlammi, "eikhoina nupaa amaaga unarammi amasung mahaakna eikhoyda asumna haayrammi: nakhoybu thaarakpa ningthoudugi manaakta hallaga asumna haay-u maadudi Eesor-na asumna taakpiri: Israelda Eesor leitrabara? nakhoyna Ekrongi Baal-Zebub kouba laiduda karigidamak laaibao hangba chatlibano? adugaa mahaakna masisu haayrammi maadudi eningthouna yataduna leiriba phamungsidagi hougatpa ngamloi amasung eningthou taaibang khudung ellagani."

         7 ningthouna maakha taana hanglak-e, "nupadugi masak karam toui?"

8 makhoyna khumlammi, “mahaak samtugi achonba phi amaa setli adugaa makhwaangda saun-gi peti amaa phai."

         ningthouna haayrak-e, "madu Elaaijani."

         9 ningthou phamnaaiba amaa mi yaangkhei loinahanduna thaakhi. Elaaija matam-sida chingdon amada phamduna leirammi adugaa maphamduda phamnaibaduna mahaakki manaakta changsinduna haayrammi, "Eesor-gi manaai oiriba ebungngo, ningthouna nollukna khurumjarak-e. ningthougi konungda ngasi youbiraktaba yaade haayna sanaa yaathang tourak-e."

         10 Elaaijana phamnaibaduda haayrammi, "karigumba eihaak epuroigi manaai asengba oirabadi khudaksida khoirouthaktagi khambi mei laaktuna nahaak amadi nahaakka lakminnariba nupaa yaangkhei asi meina chakpa oisanu." Khudaktuda phamnaaiba amadi mi yaangkheidu meina chaktuna sikhi.

         11 Amukka haanna ningthouna phamnaaiba amaaga nupaa yaangkheiga thaakhiduna hannagumna chingda kaaduna haayrammi, "he Eesor-gi manaai, ningthouna ebungngobu konungda lenglaktaba yaade haayna yaathang amaa tourak-e."

         12 Elaaijana khumlak-e, "karigumba eihaak epuroigi asengba manaai oirabadi nahaak amadi nahaakka loynariba nupaa yaangkheisi nongmadondagi mei houraktuna chakthekpa oiyu." Khudaktuda phamnaaiba amadi mahaakka loynariba nupaa yaangkheidu meina chaktuna sikhi.

         13 Amukka haanna ningthouna phamnaaiba amaaga nupaa yaangkheiga thaakhi handakki phamnaibasina chingdonda kakhattuna Elaaijagi makhong paayduna khuru-mjaraduna haayjarak-e, "he Eesor-gi manaai, nanaaina nollukna hanggatchari: nanaai amadi nanaaiga loynanaa lakchariba nupaa yaangkheisigi Mathawaaisi ebungngo-gi mityengda mamal leitbani ningbiganu 14 Ahaanbada ningthouna thaakhiba phamnaaiba-sing amadi misingdu koirou nongmadondagi mei houraktuna chakkhi. adubu ebungngona nanaaibu thoujanbiyu."

         15 Eesor-na thaarakpa duttuna Elaaijada haayrammi, "phamnaibasiga loynanaa chatlu. nahaak kanaabusu kiganu." asumna Elaaijana phamnaibaduga loynanaa ningthougi manaakta chatkhi. 16 Mahaakna yousinkhibaga ningthouda haayrammi, "Eesor-gi laaibaodu asini: Israelda Eesor leitbadouna nahaakna Ekrongi laai Baal-Zebubta laaibao phongdoknaba haayduna mi tharuba maramna nahaak naribasidagi phararoi adugaa taaibang khudung ellagani."

         17 Eesor-na Elaaijada phongdokkhiba adugumna Ahaziah nonggaakhi. mahaakki manaao nupaa Joramna mahaakki mahut sinduna ningthou oinaa pankhi. mahaak machaa-nupaa poklamde. Joramna phambaal tongbasi Judah-gi ningthou Jehosaphatki machaa-nupaa Jehoramna paanba anisuba chahidani. 18 Ahijahna touramba thabaksinggi marida Israelgi ningthourongi laairikta eduna lei.